নেস্নেল হেল্থ মিসন (এন.ঐচ.এম.)গী মখাদা নেস্নেল অর্বান হেল্থ মিসন (এন.য়ু.ঐচ.এম.) অসি স্লম অমসুং শোত্থরবা মীওইশিংদা অখন্নবা মীৎয়েংগা লোইননা সহরদা লৈরিবা মীয়ামদা চপ মান্নবা অমসুং ক্বালিতী লৈবা হেল্থ কিয়র সর্ভিসশিং পনবা সব-মিসন অমা ওইনা ২০১৩গী মেদা অয়াবা পীখি। রাজ্যশিংনা মখোয়গী রাজ্যগী হেল্থ বিভাগ নত্ত্রগা অর্বান লোকেল বোদীশিং (য়ু.এল.বি.শিং)গী খুত্থাংদা এন.য়ু.ঐচ.এম.গী ইমপ্লিমেন্তেসনগী মতাংদা ফ্লেক্সিবিলিতী লৈ।

মসি হৌদোকখিবদগী হৌনা রাজ্যশিংনা রিপোর্ত তৌরকপা শেলথুমগী অমদি থবক্কী ফীভম অসিদা তপ্না-তপ্না হেনগৎলকখি। হৌজিক ফাওবদা মিসন অসিগী মখাদা লুপা করোর ৬৪৯৩.২৮গী শেনফম কাইথখি। সহরগী মফমশিংদা কৈবা ফেসিলিতী ৫৪৩০ (য়ু.পি.ঐচ.সি.- ৫২৪৬ অমসুং য়ু.সি.ঐচ.সি.-১৮৪) মপাঙ্গল কনখৎনবা, অনৌবা য়ু.পি.ঐচ.সি. ৮০৭ অমসুং অনৌবা য়ু.সি.ঐচ.সি. ১৮৪ শানবা মতেং পীখি। পুন্না মেদিকেল ওফিসর ৩৬৯২, স্পেসিয়লিস্ত ৫০৬ অমসুং পেরা-মেদিকেল স্তাফ ৩৬,০৩৭ এপ্রুব তৌখি। প্রোগ্রাম অসিগী মখাদা আসা ৭৭,০১৯ অমসুং এম.এ.এস. ৯৩,৬০০ এপ্রুব তৌখি।

প্রধান মন্ত্রী জন আরোগ্যা য়োজনা (পি.এম.-জে.এ.ৱাই.)গী কম্পোনেন্ত অনি অমসুং এ.বি.-হেল্থ এন্দ ৱেলনেস সেন্তরশিং (ঐচ.দবল্যু,সি.শিং) লিংখৎবগা লোইননা ২০১৮দা হৌদোকখিবা আয়ুশমান ভারত (এ.বি.)গী মখাদা অর্বান প্রাইমরী হেল্থ সেন্তরশিং (য়ু.পি.ঐচ.সি.শিং) অসি অহেনবা সর্ভিশিংগা লোইননা ঐচ.দবল্য.সি. ওইনা চল্লাইহনখি।

রাজ্যশিং/য়ু.তি.শিংদা এন.য়ু.ঐচ.এম. ইমপ্লিমেন্ত তৌবদা মপাঙ্গল লৈনবা সরকারনা হোৎনখি। চাং নাইনা য়েংশিনবা, তান্নবা অমসুং ভিদিও কনফরেন্সশিং রাজ্যশিং/য়ু.তি.শিংগা লোইননা পাঙথোক্তুনা মখোয়গী শেলগী অমদি থবক্কী ফীভমশিং য়েংশিনখি। অমসুং মন্ত্রালয় অসিনা এন.য়ু.ঐচ.এম. য়াওনা এন.ঐচ.এম.গী মখাদা সর্ভিসশিং মপাঙ্গ হেনগৎনবা রাজ্যশিং/য়ু.তি.শিংদা লেপ্পা লৈতনা তেক্নিকেল সপ্পোর্ত অমসুং গাইদেন্স পীদুনা লাকখি। মতম মতমগী ওইবা গাইদলাইনশিং, থেমেতিক এরিয়াশিংদা ব্রোচরশিং দিবেলপ তৌখি অমসুং রাজ্যশিং/য়ু.তি.শিংদা সিয়র তৌখি। রাজ্যশিংদা চাং নাইনা তীমশিংগী খোঙচৎ চৎখিবগী মথক্তা ত্রেনিং অমসুং কেপাসিতী বিল্দিং পাঙথোকপদসু মতেং পাংলি।

মসিগী ই-পাউ অসি রাজ্য মন্ত্রী (হকশেল অমসুং য়াইফ-য়ুম্বাল) শ্রী অশ্বিনি কুমার চৌবেনা ঙসি রাজ্য সভাদা অইবা পাউখুম ওইনা ফোঙদোকখিবনি।

*****