হকশেল অমসুং য়াইফ-য়ুম্বাল মন্ত্রালয়
দাঃ হার্শ বর্ধন্না নই দিল্লীগী এ.আই.আই.এম.এস., বিশ্রাম সদান্দা লৈরিবা কা-হেন্না লায়ররবশিংদা শাম্তুগী কম্পোর, মাস্ক অমসুং সাপোন য়েন্থোকখ্রে
“আই.আর.সি.এস.না লৈবাক অসিগী দিস্ত্রীক্ত ৫০০দা ত্রেনিং ফংলবা ভোলুন্তিয়র ৪০,০০ (লিশিং নিফু) হেন্না হাপখ্রে অমসুং কোবিদ-১৯গী শাফু অসি হন্থনবা য়াম্না চাওবা থৌদাং লৌরি”
Posted On:
09 FEB 2021 1:58PM by PIB Imphal
হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না ঙরাং নুমিদাং নই দিল্লীগী এ.আই.আই.এম.এস., বিশ্রাম সদান্দা লৈরিবা কা-হেন্না লায়ররবশিংদা শাম্তুগী কম্পোর, মাস্ক অমসুং সাপোন য়েন্থোকখ্রে। রেদ ক্রোস সোসাইতিগী সেক্রেতরী জেনেরেল শ্রী আর.কে. জেইন, এ.আই.আই.এম.এস.কী দাইরেক্তর, প্রোফেসর আর. গুলেরিয়া অমসুং এ.আই.আই.এম.এস.কী মকোক থোংবা ওফিসিএলশিংনা থৌরম অসিদা শরুক য়াখি।
![https://static.pib.gov.in/WriteReadData/userfiles/image/image001G8EZ.jpg](https://static.pib.gov.in/WriteReadData/userfiles/image/image001G8EZ.jpg)
থৌরম অসিদা ৱা ঙাংবদা, য়ুনিয়ন হেলথ মিনিস্তরনা ইন্দিয়ন রেদ ক্রোস সোসাইতি (আই.আর.সি.এস.)বু মখোয়না ইংলবা পান্থা অসিদা কম্পোরশিং মীওইশিং অসিদা য়েনবগী খোঙথাং লৌখৎপা অসিদা থাগৎপা ফোংদোকখি।
দাঃ হার্শ বর্ধন্না নিংশিংদুনা হায়খি মদুদি আই.আর.সি.এস. অসিনা ১৯২০দগী মীওই কয়া অমদা মতেং পাংদুনা লাক্লি অমসুং মীওইবগী ওইবা মীনুংশি কয়া অমা পীদুনা লাক্লি। মখোয়গী থবক অসি অমাং-অতা তারবা খক্তা অমসুং অথু-অকাই খক্তা নত্তে, মখোয়না সধারন ওইবা সমাজগী ওইবা থবক থৌরম কয়া অমদসু মতেং পাংলি। রেদ ক্রোসনা লোকদাউন্দ মনুংদা লোকদাউন্দদা পন্দুনা লৈখ্রবশিংদা মতেং পাংখি অমসুং লায়চৎ মনুং অসিদা ইগী অৱাৎপা লৈহন্দবা অসিদা থাজবা পীখি, হায়না মহাক্না হায়খি।
কোবিদ-১৯ অসিগী লান্থেংনবা অসিগী মরমদা হায়রদুনা, য়ুনিয়ন মিনিস্তরনা উৎখি মদুদি কোবিদ-১৯গী ঙাকথোক্নবা বেক্সিন অসি মায় পাক্না পুথোক্লে অমসুং ভারত সরকারনা মালেম অসিদা খ্বায়দগী চাওবা বেক্সিনেসন হৌখ্রে। মহাক্না অমুকসু হায়খি মদুদি, শেংনা হায়রবদা বেক্সিন অসি ইরমদম অসিদা পুথোকপনি, “ঐখোয়গী লৈবাক্কী তৌবা ঙম্বা অমসুং প্রধান মন্ত্রীগী ‘আত্মানির্ভর ভারত’ অসিগী খোঙথাং উৎলি”।
কোবিদ-১৯গী শাফু অসি হন্থনবা আই.আর.সি.এস.না লৌরিবা থৌদাং অসি থাগৎলদুনা দাঃ হার্শ বর্ধন্না হায়খি মদুদি, “কোবিদ-১৯গী শাফু অসি হন্থনবা আই.আর.সি.এস.না লৌরিবা থৌদাং অসিদা ঐহাক্না য়াম্না চাওথোকচবা ফাওই। আই.আর.সি.এস.না মখল কয়াগী লৌরিবা থৌদাং ওর্গানাইজেসন অসিগী শিংথানিঙাইনি। আই.আর.সি.এস.না লৈবাক অসিগী দিস্ত্রীক্ত ৫০০দা ত্রেনিং ফংলবা ভোলুন্তিয়র ৪০,০০ (লিশিং নিফু) হেন্না হাপখ্রে অমসুং কোবিদ-১৯গী শাফু অসি হন্থনবা য়াম্না চাওবা থৌদাং লৌরি”।
মিনিস্তরনা ভোলুন্তিয়র, পার্তনরশিং, অনিমক অমসুং মপালগী ওইবা থৌবু, মেম্বর অমসুং আই.আর.সি.এস.দা হকথেংননা নত্ত্রগা নাকোইননা মতেং পীরিবা অসি থাগৎপা ফোংদোক্তুনা ৱা ঙাংবা অসি লোইশিনখি।
****
(Release ID: 1696481)
Visitor Counter : 195