হকশেল অমসুং অনা লায়েঙশঙ স্তেত সবজেক্ত ওইবা মরম্না পব্লিক হেল্ত ইনফ্রাস্ত্রকচর মপাঙ্গল কনখৎহনবগী মরুওইবা থৌদাং স্তেত লৈঙাকশিংদা লৈ‍। অদুম ওইনমক মচাক লৈবগী মতুং ইন্না থাগৎলকপা প্রোপোজেলশিংদা য়ুম্ফম ওইরগা হেল্থ কয়ের সিস্তেম ফগৎহন্নবগীদমক কেন্দ্র লৈঙাক্না তেক্নিকেল অমসুং ফাইনান্সিএল ওইবা ঙাক্লৌ স্তেতশিংদা নেসনেল হেল্থ মিসন (এন.ঐচ.এম.)গী মখাদা পী‍।

অয়ুস্মান ভারত থৌরাংগী মখাদা লৈঙাক অসিনা দিসেম্বর, ২০২২ ফাওবদা লৈবাক শিনবা থুংনা হেল্থ অমসুং ৱেলনেস সেন্তর (ঐচ.দব্লিউ.সি.) লাখ ১.৫ লিংখৎনবা ফিরেপ লৈ‍। হায়রিবশিং অসি লিংখৎনবগীদমক স্তেতশিংদা মচাক মরাং কায়না পীরি অমদি মীয়ামদা মচং ওইবা হকশেলগী থৌগল পীদুনা ঐচ.দব্লিউ.সি. ৫৭,০১৭ হৌজিক ফাওবদা মথৌ তৌবা হৌখ্রে‍।

অনৌবা অমদি নৌনা থোক্লকপা লায়নাশিং খঙদোক্নবা অমদি লায়েংনবগী থবক তৌনবগীদমক প্রাইমারী, সেকেন্দরী অমসুং তর্সরী কেয়র হেল্থ সিস্তেমশিংগী মঙম শেমগৎনবা, হান্না লৈরবা নেসনেল ইন্সতিত্যুসনশিং মপাঙ্গল কলহন্নবা, অমদি অনৌবা ইন্সতিত্যুসনশিং শেমগৎনবা পি.এম. আত্ম নিরভর স্বাস্থ ভারত য়োজনা লাউথোকখ্রে‍। মসি নেসনেল হেল্থ মিসনগী মথক্তা পায়খৎপা থৌরাংনি‍। স্কিম অসিনা মরুওইনা মীৎয়েঙ চঙগদবা লমশিংদি:

ক. খুঙ্গঙগী হেল্থ অমসুং ৱেলনেস সেন্তর ১৭,৭৮৮ অমসুং ময়োল্লমগী ১১,০২৪দা ঙাক্লৌ পীবা;

খ. স্তেত ১১গী দিস্ত্রিক্ত খুদিংমক্তা অমদি ব্লোক পব্লিক হেল্থ য়ুনিত ৩৩৮২দা ইন্তিগ্রেতেদ পব্লিক হেল্থ লেবশিং লিংখৎপা;

গ. দিস্ত্রিক্ত ৬০২ অমসুং কেন্দ্রগী ইন্সতিত্যুসন ১২দা ক্রিতিকেল কেয়র হোস্পিতাল ব্লোকশিং শেমগৎপা;

ঘ. নেসনেল সেন্তর ফোর দিজীজ কন্ত্রোল (এন.সি.দি.সি.), মখোয়গী রিজনেল ব্রাঞ্চ ৫ অমসুং মোত্রোপোলিতান হেল্থ সর্ভিলেন্স য়ুনিত ২০ মপাঙ্গল কনখৎহনবা;

ঙ. পব্লিক হেল্থ লেবশিং শম্নহন্নবা স্তেত/য়ু.তি. খুদিংমক্তা ইন্তিগ্রেতেদ হেল্থ ইনফোর্মেসন পোর্তেল পাকথোক চাউথোকহনবা;

চ. অনৌবা পব্লিক হেল্থ য়ুনিথ ১৭ মথৌ তৌহনবা অমসুং পোইন্ত ওফ এন্ত্রীশিং হায়বদি এয়রপোর্ত ৩২, সমুদ্রগী হিথাংফম ১১ অমসুং কংফালগী ক্রোসিং ৭তা লৈরিবা পব্লিক হেল্থ য়ুনিতশিং মপাঙ্গল কলহনবা;

ছ. হেল্থ ইমর্জেন্সী ওপরেসন সেন্তর ১৫ অমসুং মোবাইল হোস্পিতাল ২ লিংখৎপা; অমসুং

জ. ৱন হেল্থকী নেসনেল ইন্সতিত্যুসন অমা, দব্লিউ.ঐচ.ও. খা নোংপোক এসিয়া রিজনগী রিজনেল রিছর্চ প্লেতফোর্ম অমা, বাইও-সেফ্তী লেভেল ৩ লেবোরেতরী ৯ অমসুং রিজনেল নেসনেল ইন্সতিত্যুৎ ফোর ভাইরোলোজী ৪ লিংখৎপা‍।

এন.ঐচ.এম.গী মখাদা পীরিবা ফন্দগী চাদা ২০দি ইন্সেন্তিব পুল অমদা থম্লে‍। ইন্সেন্তিবশিং অসি স্তেতশিংদা হকশেলগী লমদা স্তেতশিংগী বদজেতরী এক্সপেন্দিচর হেনগৎহনবা য়াওনা মচং ওইবা ইন্দিকেতরশিংদা মায় পাক্না থবক পায়খৎপদা পীবনি‍।

ৱাফম অসি ঙসি রাজ্য সভাদা অইবা পাউখুম ওইনা রাজ্য মন্ত্রী (হকশেল অমসুং য়াইফ য়ুম্বাল) শ্রী অস্বিনি কুমার চৌবেনা ফোঙদোকখিবনি‍।

*****