আয়ুশ
লৈবাক অসিদা অয়ুর্বেদিক মেদিসিন য়োকখৎপা
Posted On:
09 FEB 2021 12:31PM by PIB Imphal
অয়ুর্বেদিক লায়য়েং কাংলোনশিং য়াওনা অয়ুর্বেদিক হিদাক-লাংথকশিং চাউখৎহন্নবা রাজ্যশিং/য়ু.তিশিংগী খুৎথাংদা কেন্দ্র সরকারনা নেসনেল অয়ুস মিসন(নাম) পায়খৎলি। অয়ুর্বেদিক লায়য়েং কাংলোনশিং য়াওনা অয়ুর্বেদিক হিদাক-লাংথকশিং চাউখৎহন্নবা মিসন অসিনা মখাগী খুদোংচাবশিং ফংহল্লি:
১. প্রাইমারি হেল্থ সেন্তরশিং(পি ঐচ সি), কমুনিতি হেল্থ সেন্তরশিং(সি ঐচ সি) অমসুং দিস্ত্রিক হোস্পিতালশিং(দি ঐচ)দা অয়ুসকী খুচোংবশিং ফংহনবা
২. রাজ্য সরকারগী অয়ুস হোস্পিতালশিং অমসুং দিসপেন্সরিশিং ফগৎহনবা
৩. ফমুং ৫০ লৈবা অপুনবা অয়ুস হোস্পিতাল লিংখৎপা
৪. রাজ্য সরকারগী অন্দর-গ্রেজুয়েত অমসুং পোস্ত-গ্রেজুয়েত মহৈ তম্ফমশিং ফগৎহনবা
৫. সরকারগী খুদোংচাবা লৈতবা মফমশিংদা রাজ্য সরকারগী অনৌবা অয়ুস মহৈ লোয়শঙশিং লিংখৎপা
৬. অয়ুস লায়য়েংগী অফবা হিদাক-লাংথকশিং শানবা রাজ্য সরকার/ রাজ্য সরকারগী কো-ওপরেতিপশিং/পব্লিক সেক্তর অন্দরতেকিংশিং ফগৎহনবা
৭. এ.এস.য়ু অমসুং ঐচ হিদাকশিং মগুন লৈনা পুথোক্নবা স্তেৎ দ্রগ তেস্তিং লেবোরেতোরিশিং মপাঙ্গল কনখৎহনবা
৮. অয়ুসকী হিদাক শুংনবা মগুন লৈবা পোৎলমশিং ফংহন্নবা হিদাক ওইনা শীজিন্নবা য়াবা পাম্বীশিং থাবা অমসুং লোক্লবা মতুংদা শেম-শাবগী থবকশিং শৌগৎপা
চহি ২০২৩-২৪দা তাঙ্কক ওইনা নেসনেল অয়ুস মিসনগী মখাদা রাজ্য অমসুং য়ু.তি সরকারশিংগী খুৎথাংদা অয়ুস মিনিস্ত্রিনা অয়ুস হেল্থ অমসুং ৱেলনেস সেন্তর ১২,৫০০ লিংখৎনবা অয়াবা কেন্দ্র সরকারনা পীরে। অয়ুস লায়য়েংগী খুদোংচাবশিং ফংহন্নবা রাজ্য/য়ু.তি সরকারশিংনা মশক খঙদোক্লবা অয়ুস দিসপেন্সরিশিং অমসুং সব-হেল্থ সেন্তরশিং অয়ুস হেল্থ অমসুং ৱেলনেস সেন্তরশিং পুখৎনবা মিসন অসিনা পান্দম থম্লি।
ইনফোর্মেসন ইজুকেসন এন্দ কমুনিকেসন(আই ই সি) স্কিমগী মখাদা মেদিয়া অমসুং অতোপ্পা থৌরমশিং হায়বদি অরোগ্যা মেলাশিং, অয়ুস লায়য়েংগী কনফরেন্সশিং অমসুং সেমিনারশিংগী মখাদা তোইনা থেংনবা অনাবা মখলশিং অয়ুসনা লায়য়েংবগী থবক ফগৎহন্নবা অয়ুস মিনিস্ত্রিনা থৌরম কয়া পায়খৎলে। নামগী মখাদা মিনিস্ত্রিনা তোঙান-তোঙানবা থৌরমশিং হায়বদি অয়ুস গ্রাম, মীয়ামদা হকশেলগী মরমদা খঙহন্নবা থবকশিং, ইনফোর্মেসন ইজুকেসন এন্দ কমুনিকেসন(আই ই সি)গী থবকশিং, য়োগাগী থৌরমশিং, ও.পি.দি অমসুং মেদিকেল কেম্পশিং পাংথোকপা, লমচৎ-শাজৎ হোঙহন্নবা ই-পাউ পীবা, মফম অমদা ফংবা হিদাক ওইনা শীজিন্নবা য়াবা পাম্বীশিং মশক খঙদোকপা অমসুং শীজিন্নবগী মতাংদা ভিলেজ হেল্থ ৱার্কশিং ত্রেনিং পীবগী থবকশিং শৌগৎলি।
মীয়ামগী হকশেলগী থবক অসি রাজ্য সরকারগী থবক ওইবনা, অয়ুস দিসপেন্সরিশিং অসি রাজ্য সরকারশিংগী মখাদা লৈরি। লৈবাক শীনবা থুংনা লৈরিবা জিলা অমসুং ব্লোক খুদিংমক্তা নামগী মখাদা অনৌবা দিসপেন্সরিশিং লিংখৎনবা ৱাফম লৈতে।
ৱাফম অসি ঙসি লোক সভাদা অইবা ওইনা পীবা পাউখুম অমদা অয়ুর্বেদা, য়োগা অমসুং নেচরোপেতি, উনানি,সিদধা অমসুং হোমিওপেথিগী রাজ্য মন্ত্রী(অহেনবা চার্জ) শ্রী কিরেন রিজিজুনা ফোঙদোকখিবনি।
*****
(Release ID: 1696456)
Visitor Counter : 154