মালেমগী অনা-লায়য়েংগী থবকশিংদা অয়ুস শকখঙনবা অমসুং চাউখৎনবা পান্দমদা মহৌশাগী লায়য়েং অমসুং হোমিওপেথিগী লমদা মতেং পাংন্নবা মপান লৈবাকশিংগী সরকারশিংগা অয়ুস মিনিস্ত্রিগী এম.ও.য়ুশিং খুৎয়েক পীনখ্রে।

মহৌশাগী লায়য়েং অমসুং হোমিওপেথিগী লমদা মতেং পাংন্নবা অয়ুস মিনিস্ত্রিগা এম.ও.য়ুশিং খুৎয়েক পীনখিবা লৈবাক ২৫ অদুগী মনুংদা নেপাল, বঙ্গলাদেস, হঙ্গেরি, ত্রিনিদাদ অমসুং তোবাগো, মালেসিয়া, দব্লিউ.ঐচ.ও জেনেভা, মাওরিসিয়স, মোঙ্গোলিয়া, তুর্কমেনিস্থান, ম্যান্মার, জর্মনি, ইরান, সাউ তোমে অমসুং প্রিন্সিপ, ইক্বেতোরিএল গুইনিয়া, কুবা, কলম্বিয়া, জপান, ভোলিবিয়া, গম্বিয়া, গুইনিয়া, চাইনা, সেন্ত ভিন্সেন্ত অমসুং গ্রেনেদাইন্স, সুরিনাম, ব্রাজিল অমসুং জিম্বাবৱে য়াওরি। মপানগী তোঙান-তোঙানবা য়ুনিভর্সিতিশিংগা অয়ুস লায়য়েংগী মতাংদা পুন্না থিজিন্নবা এম.ও.য়ু ২৩ অমসুং অয়ুস একাদেমি চিয়রশিং লিংখৎনবা এম.ও.য়ু ১৩ খুৎয়েক পীনখ্রে।

ভারতকী মমিং লৈরবা অয়ুস ইন্সতিতুৎশিংদা মতিক চারবা মপান লৈবাকশিংগী মীওইশিংনা য়ু.জি, পি.জি অমসুং পি.ঐচ.দি কোর্সশিং তম্বদা অয়ুস মিনিস্ত্রিনা ফেল্লোসিপ স্কিমশিংগী মখাদা মতেং পীরি। ঐখোয়গী মহৌশাগী লায়য়েং মখলশিং অসি মীয়াম্না পাম্নবা অমসুং মশক খঙনবা ফেল্লোসিপ স্কিম অসিনা পান্দম থম্লি।

ভারতকী ৱাংমদা লৈবা মেদিকেল ইন্সতিতুৎশিংনা পীবা মেদিকেল ক্বালিফিকেসনশিং অসি ঐচ.সি.সি, ১৯৭৩গী অহুমশুবা সেদুলদা য়াওরে। মালেমগী থাক্তা অয়ুস লায়য়েং মখল অসি শকখঙনবা মতেং পাংনবা অয়ুস মিনিস্ত্রিনা ইন্তরনেসনেল কোরপোরেসন স্কিমগী মখাদা থবক কয়া পায়খৎলে।

অয়ুর্বেদা য়াওনা অয়ুস লায়য়েং য়োকখৎনবা অমসুং শন্দোক্নবা অয়ুসকী অখঙ-অহৈ কয়া মপান লৈবাকশিংদা মালেমগী মীফমশিং, কনফরেন্সশিং, ত্রেনিংশিং অমসুং সেমিনারশিং শরুক য়ানবা ভারত সরকারনা থারি। মালেম থাক্কী কনফরেন্সশিং অমসুং সেমিনারশিং অমসুং ৱার্কশোপশিংদা অয়ুসকা মরী লৈনবা রিছর্স পেপরশিং পুথোক্নবা শেন্থং পীরি।

অয়ুস লায়য়েং মখল মীয়ামদা খঙহন্নবা অমসুং অয়ুসকী হিদাক-লাংথকশিং মপান লৈবাকশিংগী রিগুলেতোরি বোদিশিং হায়বদি য়ু.এস.এফ.দি.এ/ই.এম.ই.এ/য়ু.কে-এম.ঐ.আর.এ/এন.ঐচ.পি.দি(কনাদা/তি.জি.এনা শকখঙনবা মালেমগী একজিবসিনশিং/কনফরেন্সশিং অমসুং সেমিনারশিংদা অয়ুসকী হিদাক শুংবশিং/অয়ুস ওন্ত্রেপ্রেনিউয়রশিং/অয়ুস ইন্সতিতুৎশিং শরুক য়ানবা মতেং পীরি। মপান লৈবাকশিংদা হেল্থ সেন্তরশিংদা অয়ুস লায়য়েং ফগৎহন্নবা লুপা কোতি ১ ফাওবগী শেনগী মতেং পাংলি।

অয়ুস মিনিস্ত্রিনা কন্না হোৎনবদগী, লৈবাক কয়ানা অয়ুস লায়য়েং কাংলোন অসি মশক খঙলে। নেপাল, বঙ্গলাদেস, পাকিস্থান, শ্রীলঙ্কা, য়ু.এ.ই, কলম্বিয়া, মালেসিয়া, সুইজরলেন্দ, খা অফ্রিকা, কুবা, তাঞ্জানিয়া, রোমানিয়া, হঙ্গেরি, লাতভিয়া অমসুং স্লোভেনিয়ানা অয়ুর্বেদা অসি শকখঙলে অমসুং য়ুরোপিয়ান য়ুনিয়নগী লৈবাক ৫না অয়ুর্বেদা লায়য়েংগী নিয়ম শেম্লে। বঙ্গলাদেসতা উনানি অমসুং শ্রী লঙ্কাদা সিদধা লায়য়েং অসি শকখঙলে।

ইন্দিয়ান মেদিসিন সেন্ত্রেল কাউন্সিল এক্ত, ১৯৭০গী মখাদা অয়ুর্বেদা, সিদধা অমসুং উনানি শকখঙলে অমসুং হোমিওপেথি সেন্ত্রেল কাউন্সিল এক্ত, ১৯৭৩গী মখাদা হোমিওপেথি লায়য়েংগী থবকশিং শকখঙলে। ইন্দিয়ান মেদিসিন সেন্ত্রেল কাউন্সিল এক্ত, ১৯৭০গী সেক্সন ১৭(২) অমসুং সেক্সন ২৯গী মখাদা দোক্তরশিংগী হকশিং ফজনা মশক তাক্লে অমসুং হোমিওপেথি সেন্ত্রেল কাউন্সিল এক্ত, ১৯৭৩গী সেক্সন ২৬ অসিগা ইন্দিয়ান মেদিকেল কাউন্সিল এক্ত,১৯৫৬গী সেক্সন ২৭তা য়াওরিবা দোক্তরশিংগী হকশিং অদুগা মান্নরে।

সি.জি.ঐচ.এসকী মখাদা অয়ুর্বেদিক, হোমিওপেথিক, উনানি, সিদধা অমসুং এল্লোপেথিক দোক্তরশিংগী জেনেরেল মেদিকেল দিউতি ওফিসারগী তোলোব মান্নরে।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা অয়ুর্বেদা, য়োগা, নেচরোপেথি, উনানি,সিদধা অমসুং হোমিওপেথি মিনিস্ত্রিগী রাজ্য মন্ত্রী(অহেনবা চার্জ) শ্রী কিরেন রিজিজুনা ফোঙদোকখিবনি।

*****

(Release ID: 1696450) Visitor Counter : 137