ভারতনা লাইচৎ অসিগী লাঞ্জংদা মালেমগী ওইনা মাই পাকপা অমসু ফংবা ঙমখ্রে।

লৈবাক শিনবা থুংনা বেনিফিসরী মিলিয়ন ৬ বেক্সিন কাপ্পা খ্বাইদগী খোঙজেল য়াংবা লৈবাক ওইরে। মাই পাকপা অসি শুপ্নগী নুমিৎ ২৪দা ঙমখিবনি। মশিং অসি য়ৌবদা য়ু.এস.এ.না নুমিৎ ২৬ চংখি অমরোমদা য়ু.কে.না নুমিৎ ৪৬ চংখি।

লৈবাক শিনবা থুংনা কোবিদ বেক্সিনেসন প্রোগ্রাম অসি জনুৱারী ১৬, ২০২১দা ইকাই খুম্নরবা প্রধান মন্ত্রীনা হৌদোকখি। ফ্রন্তলাইন ৱার্করশিংগী বেক্সিন কাপ্পা ফেব্রুৱারী ২, ২০২১দগী হৌখি।

কোবিদ১৯গী মায়োক্তা বেক্সিন কাপখিবা হেল্থকিয়র অমসুং ফ্রন্তলাইন ৱার্করশিংগী হেনগৎলক্লিবা মশিং অসি ঙসি লাখ ৬০ হেনখ্রে। প্রোবিজনেল রিপোর্তকী মতুং ইন্না ঙসি নুমিদাং পুং ৬ ফাওবা সেসন ১,২৪,৭৪৪গী খুত্থাংদা বেনিফিসরী ৬০,৩৫,৬৬০ বেক্সিন কাপখ্রে। মসিদা ঐচ.সি.দবল্যু, ৫৪,১২,২৭০ অমসুং এফ.এল.দবল্যু ৬,২৩,৩৯০ য়াওখি।

লৈবাক শিনবা থুংনা পাঙথোকপা কোবিদ১৯গী বেক্সিনেসন প্রোগ্রামগী ২২নি শুবা নুমিৎ ওইরিবা ঙসিগী নুমিদাং পুং ৬ ফাওবা সেসন পুন্না বেনিফিসরী ২,২৩,২৯৮ বেক্সিন কাপখ্রে। অরোইবা রিপোর্ত ঙসি নুমিদাং অথেংবদা মপুং ফংগনি।

ঙসিগী নুমিদাং পুং ৬ ফাওবা পাঙথোকখিবা সেসন ৮,২৫৭ শুখ্রে।

ঙসি রাজ্য/য়ু.তি. ৩৫দা কোবিদ বেক্সিনেসনপাঙথোকখ্রে।

রাজ্য/য়ু.তি. ১১দা রেজিস্তর তৌখিবা হেল্থকিয়র ৱার্করগী ৬৫% হেন্না বেক্সিন কাপখ্রে।

রাজ্য/য়ু.তি. ১১দা রেজিস্তর তৌখিবা হেল্থকিয়র ৱার্করশিং ৪০% দগী তানা কভর তৌবগী রিপোর্ত তৌরকখ্রে। মখোয় অদুদি –দিল্লী, জম্মু অমসুং কাশ্মির, লদাখ, পঞ্জাব, দদ্রা অমসুং নগর হবেলি, চান্দিগর, তামিল নাদু, মেঘালয়, নাগালেন্দ, মনিপুর অমসুং পুদুচেরীনি।

ঙসি বেক্সিন কাপখিবা বেনিফিসরীশিংগী অপুনবগী ৭৫.১২%দি রাজ্য ১০ দগী ওইখি।

হৌজিক ফাওবদা পুন্না মীওই ২৯ হোস্পিতালদা পুখৎখ্রে। মসি বেক্সিন কাপখ্রবা মীওইগী অপুনবগী ০.০০০৫% ওইরি। হোস্পিতালদা পুখৎলকখিবা কেস ২৯গী মনুংদা ১৯ লায়েং চত্থরবা মতুং দিসচার্জ  তৌখ্রে অমরোমদা মীওই মাপন শীখ্রে। হৌখিবা পুং ২৪দা বি/এল ফেসিএল পাল্সী নাবা মীওই অমা কেরেলা ইন্সিতিত্যুত ওফ মেদিকেল সাইন্সেস, তিরুভনন্থপুরম, কেরেলদা পুখৎলকখি অমসুং হৌজিক স্তেবল ওইরে।

ঙসি ফাওবদা পুন্না শীখিবা ২৩ রেকোর্দ তৌখ্রে। মসি বেক্সিন কাপখ্রবা মীওইগী অপুনবগী ০.০০০৪% ওইরি। কেস ২৩গী মনুংদা মীওই মাপন হোস্পিতালদা শীখি অমরোমদা শীখিবা ১৪না হোস্পিতালদা ওইখিদে হায়না রেকোর্দ তৌরকখ্রে।

হৌখিবা পুং ২৪দা অন্ধ্র প্রদেশকী স্রিকাকুলমদগী চহি ২৯শুরবা নুপী অমা লৈখিদবগী রিপোর্ত তৌরকখ্রে। শীখিবশিং অসি কোবিদ-১৯ বেক্সিনেসনগা অমত্তা মরী লৈনদে।

ঙসি ফাওবদা বেক্সিনেসনগা মরী লৈনবা অরুবা/অকনবা এ.ই.এফ.আই./শীখিবগী কেস অমত্তা লৈতে।

****