য়ুনিয়ন হোম মিনিস্তর শ্রী অমিত শাহনা হায়রি মদুদি নরেন্দ্রা মোদীগী সরকারনা উত্তরাখন্দগী জোশিমেথতা থোক্লিবা মহৌশাগী ওইবা অমাং-অতা মরক অসিদা পুন্না লেপমিন্নরি। মহারাস্ত্রা মেদিয়াদা ৱা ঙাংবদা শ্রী অমিত শাহনা হায় মদুদি সেন্তর অমসুং স্তেত সরকারনা পীরিবা কনবা অমসুং মতেং পীবগী থবক অসি অঙম্বা থাক্তা তৌরি অমসুং এন.দি.আর.এফ.কী তীম ৩ মফমদুদা য়ৌশিনখ্রে। মহাক্না হায় মদুদি লৈহৌরিবা অতৈ তীমশিং উত্তরাখন্দ চৎনবা শেম-শাবা লোইরে। য়াম্না থুনা অতৈ তীমশিং মফম অসিদা য়ৌশিল্লগনি। শ্রী অমিত শাহনা হায় মদুদি আই.তি.বি.পি.গী জাৱানশিং মফমদা য়ৌখ্রে অমসুং স্তেতকী মেচিন্নরি অসিশু মিকুপ শিংনা লৈরি।

শ্রী অমিত শাহনা হায় মদুদি জোশিমেথ মনাক্তা উন মতুম কাইরকপা অমসুং উন কিন্থরকপনা, ঈশিং চেনবা হেনগৎলকখি অমসুং অহানবদা ঈশিংগী ইমাই অসি রিশিগঙ্গা তুরেলদা হাইগৎলকখি অমসুং মতুংদা আলাকনন্দা তুরেলদা হায়গৎলকখি। শ্রী শাহনা হায় মদুদি অহানবা রিপোর্ততা অশি-অনাগী মরমদা খর ফংখি। য়ুনিয়ন হোম মিনিস্তরনা হায় মদুদি মসিগী অৱা অনা তারবা মতম অসিদা, য়ুনিয়ন সরকার অসিনা উত্তরাখন্দগীদমক লেপ্লি অমসুং মহৌশাগী পুন্সি মহিং অসিদা হঞ্জিন্নবা পীবা য়াবা মতেং পীদুনা হোৎনরি।  

য়ুনিয়ন হোম মিনিস্তরনা হায় মদুদি মহাক্না উত্তরাখন্দগী মুখ্য মন্ত্রীগা ৱারী শান্নখ্রে অমসুং এয়র ফোর্সশিং মিকুপ নাহুম শিংনা লৈখ্রে।শ্রী অমিত শাহনা হায় মদুদি প্রধান মন্ত্রী শ্রী নরেন্দ্র মোদীনা এন.দি.আর.এফ.কী তীমগা মশানা কৌখ্রে অমসুং লমজিং লমতাক পীখি। শ্রী শাহনা হায় মদুদি মিনিস্তর ওফ স্তেত হোম, শ্রী নিত্যানন্দ রায়না মিনিস্ত্রী ওফ হোম এফিয়র্সকী এন.দি.আর.এফ. কন্ত্রোল রুমদগী য়েংশিল্লি। শ্রী অমিত শাহনা অমুকশু হায় মদুদি মহাক্না উত্তরাখন্দদা লৈরিবা মীপুম খুদিংদা থাজবা পীরি মদুদি ফিবম অসি অথুবা মতমদা লাকশিল্লগনি, ওইরকপা য়াবা পুম্বা ৱাখলদা থম্লি অমসুং অমাং-অতা অসিদা মতেংগী তঙাইফদবা লাকপদা পুম্নমক য়ুনিয়ন সরকারনা অহানবদা ফংহনগনি।

****