২০২১গী ফেব্রুৱারি ০৫দা বেঙ্গলুরুগী য়েলহনকাদা লৈরিবা এয়র ফোর্স স্তেসনদা হৌজিক পাংথোক্লিবা এরো ইন্দিয়া ২০২১ অসিগী মনুংদা রক্সা মন্ত্রী রাজনাথ সিংহ শরুক য়াদুনা ইন্দিয়ন আর্মীগীদমক লাইত য়ুতিলিতী হেলিকোপ্তর(এল.য়ু.ঐচ.) অসি সেন্তর ফোর মিলিতরী এয়রৱর্দিনেস অমসুং সর্তিফিকেসন(সি.ই.এম.আই.এল.এ.সি.)দগী ইনিসিয়েল ওপরেস্নেল ক্লিয়রেন্স(আই.ও.সি.) অদু ফংখ্রে৷

মশা-মরোমদোম লেপচবা ঙম্নবা ইন্দিজিনিয়র্স আর অমসুং দি প্রোগ্রামশিং অমসুং আর্ম ফোর্সশিং অসিগী মপাঙ্গল হেনগৎনবা হালনা কন্না হোৎনরি হায়না হিন্দুস্তান এরোনোতিক্স লিমিতেদ(হাল)কী চিয়রমেন অমসুং মেনেজিং দাইরেক্তর শ্রী আর. মধবননা ফোংদোকখ্রে৷

তেরেন পুম্নমক্তা অমসুং ইশিং-নুশিৎকী ফিভম পুম্নমক্তা বেসিক হেলিকোপ্তরনা পীরিবা পর্ফোমেন্স অসি অসু্ক্কী মতিক ফজৈ অমসুং পেন্নিংঙাই ওই হায়না দাইরেক্তর(ইঞ্জিনিয়রিং অমসুং আর অমসুং দি) শ্রী অরুপ চেত্তরজীনা ফোংদোকখ্রে৷ হালনা হৌজিক হৌজিক মরু ওইবা ইক্যুইপমেন্তশিং এল.য়ু.ঐচ.তা হাপ্তুনা ফ্লাইত-তেস্তিং মিসন পাংথোক্লি৷ মতম চানা কস্তরশিং অসিগী অৱাৎপশিং অসি পীনবা হালনা মপুং ফানা হোৎনরি৷

এল.য়ু.ঐচ. অসি ভারতকী তোঙান তোঙানবা ইশিং-নুংশিৎকী ফিভমশিং অসিদা চলাইবা য়ানবা চান্নবা ফিচরশিং হাপতুনা হালগী রোতেতরী ৱিঙ্গ রিসর্চ অমসুং দিজাইন সেন্তরনা ইন্দিজিনিয়র্স্লী ওইনা দিজাইন তৌজবা অমসুং শেমজবা তন-অহুম ক্লাস্কী অনৌবা জেনেরেসনগী সিঙ্গল ইঞ্জিন হেলিকোপ্তর অমনি৷ সর্ভিসশিং অসিনা হৌজিক হৌজিক শিজিন্নরিবা লিরবা চিতাহ/চেতক হেলিকোপ্তরশিংগী ফ্লিত অসি এল.য়ু.ঐচ. অসিনা মহুৎ শিল্লগনি৷

হিমালয়গী অৱাংবা মফমশিং অসিদা মিসন য়াম্না লাইনা পাংথোক্নবা পৱার মরাং কাইনা পীরিবা এল.য়ু.ঐচ. অসি এম./এস. সফ্রান হেলিকোপ্তর ইঞ্জিন(এস.ঐচ.ই.), ফ্রাঞ্চনা শাবা সিঙ্গল তর্বো শাফত ইঞ্জিন আর্দিদন ১য়ুনা পৱার তৌই৷ এল.য়ু.ঐচ. অসিদা স্মার্ত কোকপিৎ দিসপ্লে সিস্তেম (গ্লাস কোকপিৎ), স্তেত-ওফ-দি-আর্ত ঐচ.য়ু.এম.এস.(হেল্থ অমসুং য়ুজেজ মোনিতরিং সিস্তেম) য়াওরি অমসুং মসি তোঙান তোঙানবা য়ুতিলিতী অমসুং আর্ম রোলশিংগীদমক দিজাইন তৌই৷

সর্তিফিকেসন এক্তিবিতীশিং খুদম ওইনা গ্রাউন্দ তেস্তিং, সিস্তেম তেস্তিং, অশাবা ইশিং-নুংশিৎতা ত্রাইয়েলশিং, অইংবা ইশিং-নুংশিৎকী ফিভমদা ত্রাইয়েলশিং তৌবা অমসুং সমুদ্রগী লেভেলদা ত্রাইয়েলশিং তৌবা য়াওনা ফ্লাইত তেস্তিং তৌবা অমসুং অৱাংবা মফমদা অশাবা ইশিং-নুংশিৎকী ফিভমদা ত্রাইয়েলশিং তৌদুনা তোঙান তোঙানবা মখলগী ত্রাইয়েলশিং মপুং ফানা লোইশিনখ্রে৷ পাংথোকখিবা ফ্লাইত ত্রাইয়েলশিং অসিগী মতুং ইন্না বেসিক হেলিকোপ্তর সর্তিফিকেসনগীদমক পি.জে.এস.ক্বু.আর. রিক্বেয়রমেন্ত পুম্নমক মপুং ফানা লোইশিনখ্রে৷

                                                                                       *****