২০২১গী জানুৱারি ২২দগী ফেব্রুৱারি ০৭ ফাওবা লখনৌগী(য়ু.পি.) অবধ শিল্পগ্রমদা শিল্লিবা “হুনর হাত” অসিদা মীওই লাখ ২৯ হেন্না শরুক য়াখ্রে অমসুং ইন্দিজিনিয়র্স আর্তিসনশিং অমসুং ক্রাফতসমেনগী খুৎনা শাজবা পোত্থোকশিং অসি লুপা কোতি কয়াগী মমল য়োন্দুনা “মীয়ামগী খোল্লাউ” কেম্পেন্দকী “চাওথোকচনিংঙাই ওইরবা প্রোমোতর” ওইবা ঙমখ্রে৷

অবধ শিল্পগ্রমদা পাংথোক্লিবা “হুনর হাত”গী অরোইবা নুমিৎতা ঙসি লখনৌদা মেদিয়াগী মীওইশিংগা ৱারি শান্নবদা মাইনোরিতী এফিয়র্স্কী কেন্দ্রগী মন্ত্রী শ্রী মুখতার অবাস নাখবিনা অসুম্না ফোংদোকখ্রে, লৈবাক অসিগী অয়াম্বা মফমশিং অসিদগী ফজরবা লৈতেংগা লোইননা খুৎনা শারিবা পোত্থোকশিং অদু “হুনর হাত”তা ফংহন্দুনা কুহ্মৈ অসিবু য়েংবা লাক্লিবা মীওইশিং অসিনা লৈবাক অসিগী তোঙান তোঙানবা মফমশিং অসিগী ত্রেদিস্নেল দেলিকেসীশিং অদু উবা ফংখ্রে৷

লখনৌদা মাইনোরিতী এফিয়র্স মন্ত্রালয়না শিল্লিবা “হুনর হাত” অসিদা রাজ্য ৩১ অমসুং য়ু.তি.শিং অসিদগী ক্রাফতসমেন অমসুং আর্তিসনশিংনা শরুক য়াখ্রে হায়না শ্রী নাখবিনা ফোংদোকখ্রে৷ আন্ধ্র প্রদেশ, অসাম, বিহার, চান্দিগর্হ, ছত্তিশগর, দিল্লী, গোৱা, গুজরাত, হরিয়ানা, হিমাচল প্রদেশ, জম্মু-কাশ্মীর, ঝর্খন্দ, কর্নতকা, কেরলা, লদাখ, মধ্য প্রদেশ, মনিপুর, নগালেন্দ, ওরিশা, পুদুচেরী, পঞ্জাব, রাজস্থান, সিক্কিম, তামিল নাদু, তেলঙ্গনা, উত্তর প্রদেশ, উত্তরখন্দ, ৱেস্ত বেঙ্গলদগী কুলিনরী এক্সপর্তশিং, ক্রাফতমেনশিং অমসুং আর্তিসন ৫০০ হেনবনা মখোয় মখোয়গী খুৎনা শাজবা পোত্থোকশিং অদু উৎনবা অমসুং য়োন্নবগীদমক লখনৌগী “হুনর হাত” অসিদা শরুক য়াবা লাকখি৷

ইন্দিজিনিয়র্স প্রদক্তশিং খুদম ওইনা অজরখ, এপ্লিক্যু, আর্ত মেতল ৱেয়র, বাঘ প্রিন্ত, বাতিক, বনার্সি সারী, বনধেজ, বাস্তর আর্ত অমসুং হর্বেল প্রদক্তশিং, ব্লোক প্রিন্ত, শেঞ্জেং মেতেলনা শাবা খুজিশিং, চু অমসুং ৱাগী পোত্থোকশিং, কেনবাস প্রিন্তিং, চিকনকরি, কোরিগী বেল, অকংবা লৈশিং, হেন্দলুম তেক্সতাইল, কলমকরি, মঙ্গলগিরি, কোতা সিল্ক, লেক খুজিশিং, লেদরগী পোত্থোকশিং, পাশমিনা শোলশিং, রমপুরি ভাইওলিন, উগী অমসুং য়োৎকী শান্নপোৎশিং, কন্থা এমব্রোইদরী, শেঞ্জেংগী পোত্থোকশিং, ক্রিস্তেল গ্লাস আইতেমশিং, সেন্দলৱূদ পোত্থোকশিং, উ অমসুং চুগী ফর্নিচরশিং লখনৌগী “হুনর হাত” অসিদা ফংলম্মী৷

লখনৌদা পাংথোক্লিবা “হুনর হাত” অসি ভর্চুয়েল অমসুং ওনলাইন প্লেতফোর্ম http://hunarhaat.org অসিদসু ফংলি হায়না শ্রী নাখবিনা ফোংদোকখ্রে৷ লৈবাক অসিগী অমসুং মপান লমগী মীয়াম্না কুহ্মৈ অসিবু থাগৎখ্রে অমসুং “হুনর হাত” পোত্থোকশিং অসি দিজিতেল অমসুং ওনলাইন্দসু লৈখ্রে৷ হৌজিক্তি “হুনর হাত” অসি জি.ই.এম.(গভর্মেন্ত ই মার্কেৎপ্লেস) পোর্তেল অসিদসু ফংই৷

“হুনর হাত”কী খুৎথাংদা হৌখিবা চহী ৬ অসিদা ক্রাফতসমেন্ত, আর্তিসন লাখ ৫ হেন্না অমসুং মখোয়গা মরী লৈনবা মীওইশিং থবক পীখ্রে অমসুং থবক্কী খুদোংচাবা ফংহনখ্রে হায়না শ্রী নাখবিনা ফোংদোকখ্রে৷

অত্মনির্ভর ভারতকী থীম অসিদা “হুনর হাত”তা নুংতি নুমিৎ খুদিংগী লৈবাক অসিগী মমিং লৈরবা আর্তিস্তশিং তোঙান তোঙানবা কল্চরেল প্রোগ্রামশিং উৎখি হায়না শ্রী নাখবিনা ফোংদোকখ্রে৷ আর্তিস্তশিং মমিং ওইনা পল্লবদা শ্রী কাইলাশ খের(জানুৱারি ৩০); শ্রী ভিনোদ রাথোর(জানুৱারি ২৮); শ্রী সুদেশ বোন্সলি (ফেব্রুৱারি ০৬); শ্রী মোহিত খন্না(জানুৱারি ২২); শ্রী ভুপ্পি(জানুৱারি ২৩); শ্রীমতি রেখা রাজ(জানুৱারি ২৪); শ্রীমতি রানি ইনদ্রানিশ্রজানুৱারি ২৫); হমসর হয়ত গ্রুপ(জানুৱারি ২৬); শ্রী অমন্দীপ সিংহ(জানুৱারি ২৭); শ্রী প্রেম ভাতিয়া(জানুৱারি ২৯); শ্রীমতি শিবানি কেশ্বপ (জানুৱারি ৩১); শর্ম মচিন মনাউ(ফেব্রুৱারি ১); শ্রী অলমগির খান(ফেব্রুৱারি ২); শ্রী মুকেশ পঞ্চোলি(ফেব্রুৱারি ৩); শ্রী ইহসন কুরেশি(ফেব্রুৱারি ৪) অমসুং অতোপ্পা আর্তিস্তশিংনা মখোয় মখোয়গী ম্যুজিকেল প্রোগ্রামশিং অসিনা অয়েংবা মীশিংবু শুমহৎপা ঙমখ্রে৷

২৫শুবা “হুনর হাত”অসি মহিশুর(কর্নতকা)গী চমরাজাপুরমগী মহারাজা কোলেজতা ২০২১গী ফেব্রুৱারি ০৬তগী ১৪ ফাওবা পাংথোক্লগনি হায়না শ্রী নাখবিনা ফোংদোকখ্রে৷ লাক্কদৌরিবা নুমিৎশিং অসিদা “হুনর হাত” অসি ন্যু দিল্লী(২০২১গী ফেব্রুৱারি ২০দগী মার্চ ০১ ফাওবা), কোতা(২০২১গী ফেব্রুৱারি ২৮দগী মার্চ ৭ ফাওবা), জোইপুর, চান্দিগর্হ, ইন্দোর, মু্ম্বাই, হায়দ্রবাদ, রাঞ্চি, সুরাত/অহমেদবাদ, কোচি, পুদুচেরী অমসুং অতোপ্পা মফমশিং অসিদা পাংথোক্লগনি৷

                                                                     *****