ইনফোর্মেসন এন্দ বোর্দকাস্তিংগী কেন্দ্রগী মন্ত্রী শ্রী প্রকাশ জাবদেকরনা ঙসি পুনেদা কোবিদ বেক্সিনেসন অমসুং আত্মানির্ভর ভারতকী মোবাইল একজিবিসন এৱের্নেস কেম্পেন অমা লমথাখ্রে।

কেম্পেন অসিগী মখাদা অখন্ননা শেম্বা ভেন ১৬না মীয়ামদা এৱের্নেস পীনবা মহারাস্ত্রগী জিলা ৩৬তা কোইনা চৎকনি। কেম্পেন অসি ৱর্ল্দ হেল্থ ওর্গনাইজেসন, য়ুনিসেফ অমসুং মহারাস্ত্রগী হকশেল বিভাগকী আই.ই.সি. দিবিজনগা লোইননা খুৎশম্নদুনা আই এন্দ বি মন্ত্রালয়গী পুনেগী রিজনেল আউৎরীচ ব্যুরোনা দিজাইন অমদি ইমপ্লিমেন্ত তৌখিবনি। ভেনশিং অসিনা এল.ই.দি স্ক্রীনশিংগী খুত্থাংদা পাউজেলশিং দিস্প্লে তৌগনি অমসুং ভেনশং অসি জি.পি.এস.কী খুত্থাংদা লাইফ ওইনা ত্রেক তৌগনি।

থৌরম অসিদা ৱা ঙাংলদুনা শ্রী জাবদেকরনা হায়, “মালেম পুম্বনা কোরোনাগা লান্থেংনরি। অদুম ওইনমক মীশিং করোর ১৩০ লৈবগা লোইননা ভারতনা মসিগী চৈথেং অসি লেতিন অমেরিকা, য়ুরোপ নত্ত্রগা অেরিকাদগী হন্থহনবা ঙমখি।”

মন্ত্রীনা মখা তারদুনা হায় কোবিদকী বেক্সিন কাপ্পা হৌখিবগা লোইননা ঐখোয়না অনৌবা ই-পাউ ফাওনবগী তাঙ্কক অমদা চংশিল্লক্লে।

"ভারতকী বেক্সিন রোল আউৎ হৌখ্রে। কোবিদ বেক্সিন কাপ্পগী থৌরম অসি হৌদোকখিবদগী লৈবাক অসিগী হেল্থ অমসুং ফ্রন্তলাইন ৱার্কর লাখ। ৫০ হেন্না বেক্সিন কাপখ্রে। ফ্রন্তলাইন হেল্থ ৱার্করশিংগী মতুংদা চহি ৫০গী মথক্তা লৈবা মীওইশিং বেক্সিন কাপকনি মখা তারকপদা মীয়াম পুম্বা বেক্সিন কাপকনি" হায়না জাবদেকরনা ফোঙদোকখ্রে।

মন্ত্রীনা মখা তারদুনা হায় মোবাইল একজিবিসন ভেনশিং অসিনা নুমিৎ খুদিংগী বেক্সিনেসন প্রোগ্রামগী মতাংদা এৱের্নেস পীনবা কিমিম ৮০-১০০ থৌদুনা চৎকনি। কেম্পেন অসিনা মহারাস্ত্রগী কাচিন-কোয়া শিনবা থুংনা বেক্সিনেসন প্লানগী মতাংদা অমসুং কোবিদকা চুনবা চৎন-লোনচৎ ঙাক্না চৎনবা পাউজেল পুদুনা চৎকনি।

সোঙ্গ এন্দ দ্রামা দিবিজনগী কলচরেল আর্তিস্তশিংনা মহারাস্ত্রগী রিজন অমমমগী মমিং লৈবা নাৎকী ওইবা শগোই-ঈশৈগী খুত্থাংদা পাউজেল পীগনি।

"বেক্সিনশিংগী মরমদা অরানবা পাউ অমসুং তোকঙা শন্দোক্লিবা অসি থিংনবা অমসুং সরকারনা আত্মানির্ভর ভারত ওইনবা হোৎনরিবা অসিগী এৱের্নেস শন্দোকপা অসিনা কেম্পেন অসিগী অতোপ্পা পান্দম ওইগনি" হায়না মন্ত্রীনা ফোঙদোকখ্রে।

কোবিদ১৯ লাইচৎ লাকশিনবদা কম্ম্যুনিকেসন অসিনা অচৌবা থৌদাং অমা লৌখি। মসিগী মতুং ইন্না কেম্পেন অসিনা সরকারগী ই-পাউ অসি মীয়ামগী থোংজিলদা য়ৌহন্নবা পান্দম থম্লি।

মহারাস্ত্রদা লৈবা আই এন্দ বি মন্ত্রালয়গী তোঙান তোঙানবা মীদিয়া য়ুনিৎশিংগী মকোক থোংবশিং, রাজ্য সরকারগ, দবল্যু.ঐচ.ও. অমসুং য়ুনিসেফকী মীহুৎশিংনা শরুক য়াখি।

* * *