কেন্দ্রগী বজেৎ ২০২০-২১না তোঙান-তোঙান খুদোংচাবা অমসুং শাফু পীবগী থৌওং কয়া পুরক্তুনা অয়ুশ সেক্তরনা তুং কোইনা শাহৌ লৌবা য়ানবা লম্বীদা থমখ্রে হায়না হন্দক্কী চহিগী বজেৎপু অয়ুশ সেক্তরগা মরী লৈননা য়েংশিনখিবা অখঙ-অহৈগী কাঙবুশিংনা ফোংদোকখ্রে।

কেন্দ্রগী শেল-থুম মন্ত্রী, শ্রীমতি নির্মলা সিতারামন্না নিংথৌকাবা নুমিত্তা পুথোকখিবা বজেৎ ২০২০-২১ অসিনা মথংগী শেনবা চহিগীদমক্তা অয়ুশ মন্ত্রালয়গীদমক্তা মমাংগী শেনবা চহিদা কায়থখিবা শেনফম (লুপা করোর ২১২২.০৮) অদুদগী ৪০%গী চাং হেনগত্তুনা লুপা করোর ২৯৭.০৩০গী শেনফম কায়থোকখিবনি। মখা তাবা ওইনা, হৌজিক্কী শেনবা চহিসিগী ওইনা নৌনা খন্ন-নৈনরবা লুপা করোর ২৩২২.০৮গী শেনফম কায়থবগী মতাংদা খন্নরকপদা, কায়থগদৌরিবা শেনফম অসিনা ২৮%দগী হেনবগী ফিভম থেংনখি। হৌজিক্কী কেন্দ্রগী বজেৎ অসিনা অয়ুশ সেক্তরদা পীরিবা চৈথেংবু খঙনবা অমসুং স্তেকহোলদরশিংদা নীংথিনা তাকপী-তম্বীনবগীদমক্তা, অয়ুশ মন্ত্রালয়না “কেন্দ্রগী বজেৎ ২০২০-২১না অয়ুশ সেক্তরদা পীবা য়াবা কান্নবশিং”গী মতাংদা ফেব্রুৱারি ৪, ২০২১দা পেনেল দিস্কসন অমা দিজিতেলগী খুত্থাংদা পাংথোকখি। তোঙান-তোঙানবা ইন্দস্ত্রী, সর্ভিস সেক্তর। মীদিয়া, সরকার অমসুং অয়ুশকী থবক তৌরিবা মীওই অমসুং মীহুৎ কয়ানা ফেব্রুৱারি ৬, ২০২১দা তোঙান-তোঙানবা দিজিতেল প্লেৎফোর্মশিংদা স্ত্রীম তৌখিবা খন্ন-নৈনবগী থৌরমদা শরুক য়াখি।

শ্রী ধুতাপাপেশ্বর লিমিতেদকী এম.দি্য. অমসুং সি.ই.ও. অমসুং অয়ুশ ইন্দস্ত্রীগী মীহুৎ অমসু ওইরিবা, শ্রী রঞ্জিৎ পুরানিক্না হন্দক্কী বজেৎ অসিদি অয়ুশ ইন্দস্ত্রী, মন্ত্রালয় অমসুং সেক্তর অসিগী অতোপ্পা স্তেকহোলদরশিংনা হৌখিবা মতম খরদা শৌগৎনখিবা ৱাখল্লোন খরবু পুন্সিন্দুনা পোলিসী অমবু মখা তানা চত্থহনবনি হায়বগী ৱাফম ফোংদোকখি। মহাক্না বজেৎ অসিগী তোঙান-তোঙানবা হীরম খরগী মতাংদা পল্লদুনা অয়ুশকী লমদা পাংথোকপা সাইন্তিফিক ওইবা নৈনবশিং হেনগৎলক্লগনি অমসুং মসিনা অয়ুশপু মেদিকেল স্ত্রীম অমা ওইনা শাফু পীগনি হায়না ফোংদোকখি। মহাক্না হিদাক ওইনা শিজিন্নবা য়াবা পাম্বীশিংগা মরী লৈনবা প্রোজেক্তশিংগা পুনশিন্নবগীদমক্তা নেস্নেল মেদিসিনেল প্লান্ত বোর্দ (এন.এম.পি.বি.)গী ওইনা হন্দক্তা লুপা করোর ৪০০০ খাক্তুনা থমখিবগী ৱাফমসু পনখি। ভারতকী অয়ুশ ইন্দস্ত্রীগী ওইনা চাউরাক্না য়ুনিৎ ৮৮০০না শরুক ওই অমসুং মসিগী বজেৎ অসিনা ইন্দস্ত্রী অসিগী ওইনা পীরিবা শাফু পীবগী খুদোংচাবশিংগী কান্নবা লৌনবসু শেম শাদুনা লৈরে হায়না মখা তানা ফোংদোকখি।

আয়ুশ সেক্তরদা থাদরিবা শেনফম্বু হেনগৎলক্লিবা অসিবু তরাম্না ওক্লদুনা, আয়ুর্ভাইদ হোস্পিতালগী এম.দি. অমসুং সি.ই.ও. অমদি সি.আই.আই. আয়ুর্বেদ গ্রুপকী চেয়রমেন, শ্রী রজিব ভাসুদেবন্না  হায়খিবদা হৌখিবা বজেৎ খরা অসিদা য়েংলুরবা তুংদা ওইরক্লিবা পাথোক চাউথোরক্লিবা হেল্থকেয়র সেক্তর (মসিদা আয়ুশ অসিসু শরুক অমা ওইরিবনি) অসিগী অপুনবা পান্দম অসিদা মপুং ওইবা থৌওংশিং য়াওরি। চহি খুদিংগী ওইনা, হেল্থকেয়র সেক্তরগী ওইনা থাদরিবা শেনফম অসি ৭%গী চাংদা হেনগৎলক্লি। মসিগী হেনগৎলকপগী মতৌ অসিগী মরুমদা হকশেলগী পথাপ অসিগী তোঙানবা মিৎয়েং অমদি লৈরি। মসিগী বজেৎ অসিদগী আয়ুশ সেক্তরনা কান্নবা লৌবা য়াবা অসি মসিগী সব-সেক্তরশিংগী ওইনা খল খায়দুনা শেল থাদবগী ৱাংমদনি। চহি ৫গী ওইনা লুপা করোর ১০,০০০গী অপুনবা শেনফম লৈবা নেস্নেল রিসর্চ ফাউন্দেসনগুম্বা মচা খায়বা পান্দম থম্বা প্রোজেক্ত অসিগুম্বা ফাওবা অসি আয়ুর্বেদ সেক্তরবু থুনা চাউখৎহনবগী মতিক লৈ অমসুং মসিগী কায়থরিবা শেনফম অসিগী অপিকপা শরুক অমনা ফাওবা আয়ুর্বেদগী লম খরদা মালেমগী থাক্তা চাউখৎহনবা ঙম্বগী মতিক লৈ। স্তেতিস্তিক্স খরা মীয়ামদা লান্থোক্লদুনা, শ্রী ভাসুদেবন্না মালেমগী থাক্তা খুৎশম্ননা চৎমিন্ননবগীদমক্তা আয়ুশ মন্ত্রালয়দা শেল থাদবা হেনগৎলক্লিবা অসি আয়ুশ হেল্থকেয়র সীস্তেম্না ভারতকী সোফ পাৱর হেনগৎলক্লিবা অসিদা মতৌ করম্না তেংবাংবগে হায়বগী থৌওং উৎলি। আয়ুশ দেলিভরী সীস্তেমদা শেল থাদবগী চাং অসি হৌখিবা চহিদা লুপা করোর ১২২ ওইখিবা অদুদগী হন্দক্কী চহিদা লুপা করোর ২৯৯দা হেনগৎলে অমসুং থৌওং অসিনা গ্রাউন্দগী থাক্তা ফংবা মহৈবু হেন্না ফগৎহল্লে। মমাংগী চহিদা লুপা করোর ১৫দগী হন্দক্কী চহিদা লুপা করোর ১৫০দা হেনগত্তুনা সর্ভিস সেক্তর স্কিমগী চেম্পিয়নশিংদা শেল থাদবা হেনগৎপা অসি য়াম্না মশক থোকই অমসুং মসিনা সেক্তর অসিনা মালেমগী থাক্তা চাংয়েংনবা ঙম্বগী মতিকসু লৈহনবা ঙম্লে। ইং ২০২১-২২গী বজেৎ এলোকেসন অসিনা মসিগী খোঙথাংশিং অসিবু হেন্না মপাঙ্গল হাপ্লি অমসুং মসিগী অহেনবা শেল থাদবা অসিনা অয়ুশপু হেন্না মপাঙ্গল লৈহল্লগনি।

হৌজিক-হৌজিক দবল্যু.ঐচ.ও.গী ত্রেদিস্নেল মেদিসিন য়ূনিত্তা তেক্নিকেল ওফিসর ওইনা থৌ পুরীবা আয়ূর্বেদগী অখঙ-অহৈ, দাঃ গীতা কৃষ্ণন্না মসিগী বজেৎ অসিনা আয়ুশ সেক্তরবু “লেপ্তনা শাহৌ লৌরিবা” হায়না উহল্লে হায়বা তাকখি। আয়ুশকী শেল থাদবগী ফিভমদা ৩০০%গী শাহৌ লৌবগী চৎনবী অসিবু কুপ্না য়েংশিনবা ওইবা ওইনা, মহাক্না হৌজিক্কী বজেৎ অসিনা সেক্তর অসিবু লৈবাক্কী মপুং ওইবা শাহৌ লৌবগী থৌওং অসিগী মনুংদা মতৌ করম্না চলহনবগে হায়না কুপথনা তাকখি। নেস্নেল হেল্থ পোলিসী, ২০১৭কী ইথিল অসি হৌখিবা চহি ৩দা সরকারনা লুচিংদুনা হেল্থকেয়রগী ইনফ্রাস্ত্রকচরদা শাহৌ লৌখিবা অসিদা উবা ফংই অমসুং মসিনা আয়ুশকী পথাপ্পু চাউখৎপদা থুহন্দুনা শেলগী তেংবাং ফংবদসু হেন্না খোঙজেল য়াঙখৎহল্লি। শাহৌ লৌবদা তেংবাংবা পোৎলমশিং অসি মফম চানা লৈরে অমসুং হায়রিবশিং অসি আয়ুশনা হেল্থকেয়র সীস্তেম খুদিংগী শরুক ওইরকপদা য়াম্না মরু ওই হায়না মহাক্না মিৎয়েং চঙখি।

নেস্নেল য়োগ আসন স্পোর্ত ফেদেরেসনগী ভাইস প্রসিদেন্ত, শ্রী উদিৎ সেথনা পীরকপা পাউতাকশিং অসি অয়াম্বনা য়োগ আসন অমসুং স্পোর্তকা মরী লৈনবা ঙাক্তনি অমসুং মহাক্না বজেৎ অসিদা য়োগ আসন অসিবু মালেমগী মীয়াম্না পাম্নহনবগী তঙাই ফদবা তেংবাংবগী পোৎলমশিং য়াওই হায়খি। আয়ুশ অসিনা হৌজিক্কী মতমদা ভারতকী শেন্মিৎলোন্দা সেক্তর অমা ওইনা চৈথেং পীবা হেনগৎলক্লিবা অসি য়াম্না মশক থোকপনি অমসুং মসিগী কেন্দ্রগী বজেৎ অসিনা মসিদগী হেন্দোক্না কান্নবা পীরি। মসিনা তেংবাংবা অমসুং শাফু পীবগী থৌওং কয়া লৈহল্লক্লি অমসুং হৌজিক্তি সেক্তর অসিনা মসিগী খুদোংচাবা লৌদুনা ভারতকী নাৎকী ওইবা হিদাকশিংবু মালেমগী থাক্তা পুখৎপগী মতম য়ৌরক্লে। আয়ুশপু মীয়াম্না পুক্নিং চঙবা প্লেৎফোর্ম অমা ওইহন্দুনা, ঐখোয়গী এজুকেসন অমসুং নাৎ অসি মীরমদা থাদোক্তুনা ভারতনা হকচাং ফবগী হব অমা ওইবা য়ারগনি।

খন্ন-নৈনবা অসিদা তেংবাংলদুনা, অমর উজালাগী সেনিয়র ন্যুজ ইদিতর, শ্রী শশিধর পাথক্না হকচাং ফনা লৈবা, অৱাবা ৱাখল লৈতবা পুন্সি অমসুং মসিগী পান্দম অসিবু ফংনবগীদমক্তা আয়ুশকী থৌদাংনচিংবা ৱাফমশিংদা মিৎয়েং চঙখি। মহাক্না কোবিদ-১৯গী মনুংদা মীয়াম্না আয়ুশপু তরাম্না ওক্নখিবগী মতাংদা ঙাংলদুনা হৌজিক্কী বজেৎ অসিনা নাৎকী ওইবা হিদাকশিংগী খুদোংচাবা কয়াগী থোঙ কয়া অমা হাংলে হায়না মহাক্না ফোংদোকখি। ওন্তোপ্রিনরগী অকোয়ববু মপাঙ্গল হাপ্পগী থৌওংদগী হেন্দোক্তুনা, মসিনা সাইন্তিফিক ওইবা রিসর্চ কয়াদসু শাফু পীরগনি অমসুং মসিনা আয়ুশপু মীয়াম্না মালেমগী থাক্তা হেন্না থাজহল্লগনি। ফার্মগী সেক্তরদা বজেৎ অসিনা খুদোংচাবা পীরিবা, মরু ওইনা ফার্মগী শেন্থোকপু শরুক অনিদা হেনগৎহনবা অসিনা হিদাক ওইনা শিজিন্নবা য়াবা পাম্বী থাবদা মশক থোক্না শাহৌ লৌবা ঙম্লগনি হায়বগী থাজবা লৈরে হায়না মহআক্না ফোংদোকখি। পুন্সিগী খোঙথাং খুদিংদা লৈরিবা য়োগগী বেনিফিশরী মশিং য়াম্না লৈবা অসি য়েংলুরগদি, বজেৎ অসিদা য়োগবু খুমাং চাউশিলহন্নবা খুদোংচাবা কয়া য়াওরি হায়না শ্রী পাথক্না ফোংদোকখি।

পেনেল অসিবু ৱাতেম্বীরিবা, নেস্নেল মেদিসিনেল প্লান্ত বোর্দকী সি.ই.ও., দাঃ জে.এল.এন. শাস্ত্রীনা সেসন অসিদগী থোক্লকপা কান্নবা খন্ন-নৈনবগী ৱাফম অসিদা হরাওবা ফাওই হায়রদুনা অখঙ-অহৈশিংনা কান্নবা ৱাফম কয়া হৌদোরকখিবা অসিগীদমক্তা মীয়াম্বু থাগৎখি। বজেত্তা পীরিবশিং অসি হৌজিক্তি কাখল নায়দ্রে অমসুং আয়ুশ সেক্তরনা খুদোংচাবা কয়া শিজিন্নবা ঙম্বগী মপুং-মরৈ ফাবা ফিভম য়ৌরে। শেল থাদবগী খুদোংচাবা, সাইন্তিফিক স্তদীজ অমসুং আয়ুশ ব্রান্দিং তৌবগী থৌওংশিংগী মওং-মতৌ উৎলিবা কয়াদসু মিৎয়েং চঙখি।

*****