কেন্দ্রগী জল শক্তি মন্ত্রী, শ্রী গজেন্দ্র সিংহ শেখাৱতনা ঙসি পুথোকলিবা য়ুনিয়ন বজেত ২০২১-২২বু থাগত্তুনা হায়খি “বজেত অসি মীচমগী তঙাইফদনা চংবশিংবু মনিংথুংহনবা অমসুং মায়কৈ পুম্নমকপু চাউখৎহন্নবগীদমক্তা ওই। ‘আত্মনির্ভর ভারত’পু অমুক্কসু হেন্না কনখৎহল্লিবা বজেত অসিগীদমক প্রধান মন্ত্রী, শ্রী নরেন্দ্র মোদী অমসুং কেন্দ্রগী ফাইনান্স মিনিস্তর শ্রীমতি নির্মলা সিতারমনবু থাগৎপা ফোংদোক্তুনা হায়খি “বজেত অসি মীচমগী তঙাইফদবা পোৎচৈ শিংগী মতুং ইন্না অমসুং  ঈশিংগা মরি লৈনবা হিরমশিংদা চাউখৎপগী লম্বিশিংবু পাঙ্গল হাপকৎকনি” হায়খি, শ্রী শেখাৱতনা কেন্দ্রগী ফাইনান্স মিনিস্তর শ্রীমতি নির্মলা সিতারমনবু বজেত অসিগীদমক থাগত্তুনা হায়খি মদুদি খ্বাইদগী অরোয়বা পরেংগী অরোয়বদা লৈবা মীগী তঙাইফদ্রবা অৱাবশিং অদুবু কোকহন্নবা পাম্বৈ অমা ফংননবা হোৎনবা হায়বসি ইকাইখুম্নরবা প্রধান মন্ত্রী, শ্রী নরেন্দ্র মোদীগী তুংগী ৱাখল খনবা ঙম্বা অদুগী মহৈনি।
কেন্দ্রগী মন্ত্রী অসিনা জল জিৱন মিশন (খুঙ্গং)গা লোয়না-লোয়ননা জল জিৱন মিশন (শহর)বুসু হৌদোকপগীদমক প্রধান মন্ত্রীবু থাংগৎখি। “জল জিৱন মিশন অসি প্রধান মন্ত্রীগী ৱাখল্লোনগী মহৈনি। খুঙ্গংশিং, লায়রবা ইমুংশিং অমসুং লৌমীশিংগী য়ুমদা তেপ ৱাতর কনেক্সন য়ৌহন্নবগীদমক্তশু বজেত হেনগৎহনখ্রে। ‘হর ঘর জল’ হায়রিবা খোংজং অসিনা খোংজেল য়াংনা চংশিল্লক্কনি। ইকাইখুম্নরবা প্রধান মন্ত্রীবু হন্না হন্না থাগৎচরি”।
কেন্দ্রগী মন্ত্রী অসিনা হারাওবা ফোংদোকপা ওইনা মথংগী চহি ৫দা শহরগী ইমুং করোর ২.৮৬গী য়ুমদা তেপ কনেক্সন লৈরগনি অমসুং স্কীম অসিদা লুপা করোর লাখ ২.৮৭ চংগনী হায়না হায়খি। খুঙ্গং অমসুং শহরদা থক্নবগী অশেংবা ঈশিং ফংহন্নবগীদমক সরকারনা য়াম্না মরু ওইবা থৌওং অসি পায়খৎপনি হায়নসু মহাক্না হায়খি।
শ্রী শেখাৱাতনা হায়খি মদুদি কোরোনা লাইনাগী লুরবা মতম অসিদা মালেম শিনথুংবগী শেনমিৎলোন পুংমাং মাংদুনা লৈরবা মতম অসিদা বজেত অসিনা লৈবাক অসিগী শেনমিৎলোনদা পাঙ্গল হাপকৎকনি। মহাক্না মখা তানা হায়রকখি হকচাং, লৌউ-শিংউ অমসুং ইন্ফ্রাস্ত্রকচর গুম্বা মরু ওইবা হিরমশিংদা শেল থাদবগী চাং হেনগৎপদা নত্তনা ইন্সুরেন্স সেক্তর অমসুং দিসইনভস্তমেন্ত, অহল ওইরবা প্রজাশিংদা তেক্স কোমথোকপা অমসুং  স্তার্ত অপশিংদা ইনসেনতিভ পীবা অমসুং লৈবাক অসিগী রাজ্য পুম্নমক্কি চাউখৎনবগীদমক চাউখৎলক্লিবা মরু ওইবা থবক কয়া অসিনা সরকারগী তুংগী ৱাখলবু উৎলি।
মহাক্কী মন্ত্রালয়গী স্কীমশিংগী মরমদা ৱা ঙাংবদা, শ্রী শেখাৱতনা  ২০২৪ ফাওবদা জল জিৱন য়োজনা (শহর)গী মখাদা শহরগী য়ুম করোর ১৯.০৪দা তোতিগী ঈশিংগী কনেক্সন পীবগী থবক য়াম্না কন্না চৎথরি হায়না হায়খি। মহাক্না হায়খি প্রধান মন্ত্রী, শ্রী নরেন্দ্র মোদীনা ২০১৯গী অগস্তকী ১৫দা লাল কিলাদগী লুপা করোর লাখ ৩.৬কী স্কীম লাউথোকখি অমসুং ২০২১গী ফেব্রুৱারিগী তাং ১ ফাওবদা লৈবাক শিনথুংনা য়ুম করোর ৬.৫৬দা তোতিনা ঈশিং কনেক্সন পীবা লোয়খ্রে। মহাক্না গোৱা অমসুং তেলঙ্গনাগী খুঙ্গংগী য়ুমথোং ১০০%দা থকপা য়াবা তোতিগী ঈশিং য়ৌখ্রে হায়না মখা তানা হায়রকখি।
মরু ওইনা পনবা য়াবদি, নৌনা শেম্বা মিনিস্ত্রী অসিদা হৌখিবা বজেত্তা লুপা করোর ৩০,৪৭৮ কাইথখি, মসিদগী থক্নবগী ঈশিং অমসুং সেনিতেশনগীদমক্তা লুপা করোর ২১,৫০০ থমখি। জল জিৱন মিশনদা তোঙান্না লুপা করোর ১১,৫০০ কাইথখি।
বজেত অসিদা থক্নবা ঈশিংগীদমক লুপা করোর ৫০,০০০ তোঙান্না থমখি অমসুং লুপা করোর ১০০০০না সেনিতেশনগীদমক্তা ওইখি। অসুম্না হনদক্কী চহি অসিদা জল জিৱন মিশনগীদমক চাউরাক্না চাদা ৪৫০ হেগৎখ্রে। মন্ত্রালয় অসিগী অপুনবা বজেতসু চাউরাক্না চাদা ১৮০ হেনগৎখ্রে, মসিনা মোদীগী সরকার অসিনা ঈশিংগী অৱাবা অসিগী মতাংদা য়াম্না মরু ওইনা অমসুং লুনা লৌই হায়বদু উৎলি।
কেন্দ্রগী মন্ত্রী অসিনা বজেত অসিদা স্বচছ ভারত ২.০ কেমপেনগী মখাদা এ.এম.আর.য়ু.তি. শহর ৫০০দা লিক্বিদ ৱেস্ত মেনেজমেন্ত মতাংদা মরু ওইবা উৎপদা হরাউবা ফংদোকখি। মহাক্না চহি ২০২১-২৬গী মনুংদা স্কীম অসিনা লুপা করোর ১,৪১,৬৭৮ চংগনি হায়না হায়খি। ১৫ শুবা ফাইনান্স কমিশনগী রিকমেন্দেসনগী মখাদা পঞ্চায়তি রাজকীদমক খাইদোকখিবা অপুনবা বজেতকী চাদা ৬০দি “তাইদ অপ গ্রান্ত’কী মওংদা ঈশিং অমসুং সেনিতেশনগীদমক্তা শিজিন্ননবা থমগনি, মসি মথংগী ফিস্কেলদা করোর ৩৬,০০০ রোম ওইগনি।

*****