রেলৱে মন্ত্রালয়

রেলৱেজজদা হন্দক্কী চহি অসিদা লুপা করোর ২,১৫,০৫৮গী হৌজিক ফাওবদা খ্বাইদগী ৱাংবা প্লান কেপেক্স লৈরে, হায়রিবা অসিদা ইন্তর্রনেল রিসোর্সেসতগী লুপা করোর ৭,৫০০, অহেনবা বদজেতরী রিসোর্সেসতগী লুপা করোর ১,০০,২৫৮ অমসুং জেনরেল বদজেত্তা পীবা কেপিতল এক্সপেন্দিচর এলোকেশনদগী লুপা করোর ১,০৭,১০০ য়াওরি


বি.ই. ২০২০-২১দা, অপুনবা কেপেক্স অদু লুপা করোর ১৬১০৪২ ওইখি। বি.ই.২০২১-২২দা ওইখিবা কেপেক্স অসি বি.ই. ২০২০-২১দগী লুপা করোর ৫৪,০১৬ (৩৩%) হেনখি
ফঙকলিবা ফন্দশিং অদু আত্মা নির্ভর ভারত মিশনবু অমুক্কসু হেন্না মপাঙ্গল কনখৎহনগনি অমসুং হায়রিবা ফন্দশিং অসিনা মরু ওইবা ইনফ্রাস্ত্রকচর প্রোজেক্তশিং, পেসেঞ্জরশিংগী খুদোংচানবা অমসুং অসোই-অঙাম য়াওহন্দনবগী হিরমশিং চাউখৎনবা শিজিন্নগনি

ৱেস্তর্ন দেদিকেতেদ ফ্রেত কোরিদোর (দি.এফ.সি.)অমসুং ইস্তর্ন দেদিকেতেদ ফ্রেত কোরিদোর ২০২২গী জুন থা ফাওবদা কমিশন তৌবা য়ানা লৈ। তুংদা লাক্কদবা দি.এফ.সি. প্রোজেক্তশিং, মীং ওইনা পল্লবদা ইস্ত কোস্ত কোরিদোর, ইস্ত-ৱেস্ত কোরিদোর অমসুং নোর্থ-সাউথ কোরিদোরগীসু থবক হৌরগনি

তুরিস্তকী ওইবা লম্বিশিংদা অতৈ অহেনবা ৱিস্তা দোম এল.ঐচ.বি. কোচ হৌদোকপা

হাই দেন্সিতী নেতৱার্ক অমসুং হাইলী য়ুতিলাইজ্দ নেতৱার্কশিংগীদমক্তা লৈবাক অসিদা মশানা পুথোকচবা ওতোমেতিক ত্রেন প্রোতেক্সন সীস্তেম

Posted On: 01 FEB 2021 6:06PM by PIB Imphal

রেলৱেজদা হন্দক্কী চহি অসিদা লুপা করোর ২,১৫,০৫৮গী হৌজিক ফাওবদা  খ্বাইদগী ৱাংবা অপুনবা প্লান কেপেক্স লৈরে, হায়রিবা অসিদা ইন্তর্রনেল রিসোর্সেসতগী লুপা করোর ৭,৫০০, অহেনবা বদজেতরী রিসোর্সেসতগী লুপা করোর ১,০০,২৫৮ অমসুং জেনরেল বদজেত্তা পীবা কেপিতল এক্সপেন্দিচর এলোকেশনদগী লুপা করোর ১,০৭,১০০ য়াওরি।

পার্লিয়ামেন্ততা ঙসি পুথোকখিবা য়ুনিয়ন বজেত ২০২১-২২দা ভারতকী রেলৱেজজকীদমক্তা লুপা করোর ১,১০,০৫৫গী য়াম্লবা শেনফম কাইথোরকখি, মসিগী মনুংদা লুপা করোর ১,০৭,১০০দি কেপিতল এক্সপেন্দিচরকীদমক্তা ওইখি।

হন্দক্কী বজেত্তা অপুনবা কাইথোরকখিবা শেল অসি বি.ই. ২০২০-২১দগী লুপা করোর ৩৭,০৫০ (৫৩%) হেনখি। কোবিদ লৈজরবসু, মসি  ভারতকী রেলৱেজজতা পাইখৎলিবা ইনফ্রাস্ত্রকচর প্রোজেক্তশিং অসিনা পুরক্লিবা চাউখৎ-থৌরাংশিংগী  শিংথানিংঙাই ওইবা চাউখৎপগী খুদম অমনি।

কেপেক্স হেনগৎলকপগা লোয়ননা, ভারতকী রেলৱেজজনা ভারতকী শেনমিৎলোনগী থৌপুবা ওইগদৌরি। ২০২১-২২ চহিগী থৌরাং অসিদা ইনফ্রস্ত্রকচর শেমগৎপা, থ্রুপুত হেনগৎহনবা, তর্মিনেলগী খুদোংচাবা হেনগৎহনবা, ত্রেন য়াংবগী চাং হেনগৎহনবা, সিগ্নেল সীস্তেমশিং,  পেসেঞ্জর / শিজিন্নরিবশিংগী খুদোংচাবা হেনগৎহনবা , থোংশিংগী মথক্তা অমসুং মখাদা চৎপা লম্বিশিংবু অসোই-অঙাম য়াওদনবগী থবক্নচিংবা কয়া য়াওরি।

মখাগী প্লান হেদশিং অসি বি.ই. ২০২১-২২দা খাইদোরকখিবা হৌজিক ফাওবগী ওইনা খ্বাইদগী য়াম্বা শেনফমনি -

 ( করোর দা)

প্লান হেদ

বি.ই. ২০২০-২১

বি.ই. ২০২১-২২

বি.ই. ২০২০-২১গা চাংদম্নবদা  হেনগৎলকপা

অনৌবা রেল লাইনশিং

২৬৯৭১

৪০৯৩২

৫২%

দব্লিং

২১৫৪৫

২৬১১৬

২১%

ত্রাফিক ফেসিলিতীশিং

২০৫৮

৫২৬৩

১৫৬%

আর.ও.বি./ আর, য়ু. বি.শিং

৬২০৪

৭১২২

১৫%

 

জম্মু অমসুং কশ্মির, হিমাচল প্রদেস, উত্তরাখন্দ অমসুং অৱাং নোংপোক্কী মফমশিংদা লৈবাক অসিগী প্রোজেক্তশিংগীদমক বি.ই. ২০২১-২২গী বজেত্তা হৌজিক ফাওবগী খ্বাইদগী য়াম্বা শেল লুপা করোর ১২,৯৮৫ কাইথরকখি, মসি আর.ই. ২০২০-২১দা ফংবা শেল লুপা করোর ৭৫৩৫গা চাংদম্নবদা ৭২% হেল্লি।  দি.এফ.সি.সি.আই.এল.গীদমক লুপা করোর ১৬,০৮৬, এন.ঐচ.এস.আর.সি.এল.গীদমক লুপা করোর ১৪,০০০ অমসুং কে.এম.আর.সি.এল.গীদমক লুপা করোর ৯০০ কাইথোক্তুনা পি.এস.য়ু / জে.ভি./এস.পি.ভি.শিংদা শেল থাধনবগীদমক লুপা করোর ৩৭,২৭০গী জি.বি.এস. পীখি।

বি.ই. ২০২০-২১গা চাংদম্নবদা বি.ই. ২০২১-২২গী সোর্সকী মতুং ইন্না অকুপ্পা মরোলশিং অদু মখাদা পীরিবা তেবল অসিদা উৎলি:

 ( করোর দা)

সোর্স

বি.ই.

২০২০-২১

বি.ই.

২০২১-২২

গ্রোস বজেতরী সপোর্ত

৭০২৫০

১০৭৩০০

ইন্তর্নেল রিসোর্সেস

৭৫০০

৭৫০০

ইক্সত্রা বজেতরী রিসোর্সেস

৮৩২৯২

১০০২৫৮

অপুনবা কেপেক্স

১৬১০৪২

২১৫০৫৮

 

প্রোজেক্ত চৎথরিবা মফমশিংদা কুপ্না য়েংশিনবা, হেন্না ফনা পানবা অমসুং স্তেক হোল্দরশিংগা য়ানবা পুরকপনা থবকশিং অসি থোইদোক-হেন্দোকপা চাংদা চৎথরি। প্রোজেক্ত খরা ২০২১গী মার্চ ফাওবদা কমিশন তৌরগনি, মসিদা গান্ধিনাগর অমসুং হবিবগঞ্জ স্তেসনশিংবু অমুক্কসু হেন্না শেমগৎপা, এহমাদাবাদ-বোতাদ গেজ ওন্থোকপা (কি.মি. ১৭০), পিলিভিত-শাহঝানপুর গেজ ওন্থোকপা (কি.মি. ৮৩), উত্রেতিয়া-রায়বরেলি দব্লিং (কি.মি. ৬৬), ঘাজিপুর- আউনিহার দব্লিং (কি.মি. ৪০), অজমের- বেংগুরগ্রাম দব্লিং (কি.মি. ৪৭) অমসুং কোসি থোং (কি.মি. ২২) য়াওনা নির্মলি-সায়রাগরগী অনৌবা রেল লম্বি শেম্বা য়াওরি। রেলৱেজ ইলেকত্রিফিকেশন তৌনবগী মরু ওইবা প্রোজেক্ত খরা ২০২১গী মার্চ ফাওবদা লোয়শনবা ঙমগনি হায়না থাজবা থমলি, মসিদা মুম্বাই-অবু রোদ, মুম্বাই-রত্নাগিরি, হাওরা- মালদা ফাউদুনা ন্যু কুচ বিহার সেক্সন, পিপাৱা পোর্তপু রেল কনেক্তভিতি লৈহনবা, রতলাম/ মথুরা-জয়পুর অমসুং পুনে-সতারা, সোনিপত-জিন্দ য়াওরি।

হৌখিবা ফাইনান্সিয়েল য়িয়রদা ভারতকী রেলৱেজজনা কোবিদনা মরম ওইদুনা থাজরুদবা অৱাবা কয়া থেংনখি। কোরোনা ভাইরসপু শন্দোকপা থিংননবগীদমক পেসেঞ্জরগী থবক তৌবা লেপখি । অদুবু য়াম্না থিনা শোক্লবা ফিভমশিংদশু রেলৱেজজনা লৈবাক শিনথুংনা মরু ওইবা পোৎচৈশিং য়ৌহনবা অমসুং মরু ওইবা থবক তৌবা লেপখিদে অমসুং মশিং য়াম্লবা মাইগ্রেন্তশিংবুসু মখোয়গী ময়ুম-ময়ুমদা য়ৌহনখি।

ভারতকী রেলৱেজনা লোকদাউনগী মতম অসিদা য়াম্না মরু ওইবা শেমজিন শাজিনবগী প্রোজেক্ত ২০০দগী হেন্না লোয়শিন্নবগীদমক্তা ওইনা শিজিন্নখি। মসিদা য়াম্না চাউনা রেলগী লম্বিশিংগী শেমজিন-শাজিনবা, ফ্রেত বিজনেসকা মরী লৈনবা হিরমশিংদা শেমজিনবা অমসুং চত্থরিবা ইনফ্রাস্ত্রকচর প্রোজেক্তশিং খুদম ওইনা দেদিকেতেদ ফ্রেত কোরিদোরশিং, জম্মু অমসুং কশ্মির অমসুং নোর্থ-ইস্ত কনেক্তিভিতিনচিংবা থবক য়াংশিনহনবা কয়া য়াওরি। লোকদাউনগী মতুংদা, মরু ওইনা হৌখিবা থা ৫দা ফ্রেত লোদিংদা থোইদোক-হেন্দোকপা অহোংবা উবা ফংঙি, মসিনা লৈবাক অসিগী শেনমিৎলোন নৌনা শেমগৎনবতসু নত্তনা ভারতকী রেলৱেজ তোপ-তোপ্পা অহোংবা অমা উবা ফংঙি । মসি ফ্রেত রেলশিংখোংজেলদা চাংচত্তা পুং অমদা কি.মি.২৩দগী হেনগত্তুনা পুং অমদা কি.মি. ৪৬ ওইরকপা, তোঙান-তোঙানবা তারিফ অমসুং নন-তারিফ পাম্বৈশিং পাইখৎপগা লোয়ন-লোয়ননা ওনলাইন বুকিং তৌনবগীদমক “ফ্রেত বিজনেস দিবেলপমেন্ত পোর্তল” হৌদোকপনা ওইবা ঙমখিবনি। হৌখিবা চহি অসি মমাংগী চহিগা চাংদম্নবদা লোদিং হেন্না তৌদুনা লোইশিনগনি হায়না থাজবা থম্লি।

পনবা য়াবদি ভরতকী রেলৱেজনা ভারত -২০৩০গীদমক নেস্নেল রেল প্লান (এন.আর.পি.) অমা শেমখ্রে। মসিনা তুংদা রেলৱেজগী মথৌতাবা পোৎচৈশিংবু মপুং ফাহন্নবগীদমক ওইগনি, মসিগী মতুং ইন্না রেলৱেজনা ২০৩০ ফাওবদা ইনফ্রাস্ত্রকচর শেমগৎকনি অমসুং ২০৫০ ফাওবদা রেলৱেজগী মথৌতাবা পোৎ পুম্নমক পীবা ঙমগনি। ২০৩০ ফাওবদা মথৌ তারিবা দিমান্দ অমসুং কেপাসিতী হেনগৎহন মথৌ তারিবশিং অদুবু খঙদোকলিবা এন.আর.পি.না শেনমীৎলোনগী লোজিস্তিক্সতা চংলিবা শেলবু হন্থহন্নবগী পান্দমগা লোইন-লোইননা  ২০৫০ ফাওবদা ৪৫%গী থাক্তা ভারতকী রেলৱেজগী মোদেল শেয়রবু কন্নবগী মতাংদসু মীৎয়েং থম্লি।

বজেত্তা ৱেস্তর্ন দেদিকেতেদ ফ্রেত কোরিদোর (দি.এফ.সি.) অমসুং ইস্তর্ন দেদিকেতেদ ফ্রেত কোরিদোরবু ২০২২গী জুন ফাওবদা কমিশন তৌনবগী থাজবা থম্লি হায়না লাউথোকখি। লোইন-লোইননা ফাইনান্স মিনিস্তরনা মখাদা পীরিবা অহেনবা থবকশিং অসি পায়খৎনবগীদমক ৱাফম থাংগৎখ্রে:

১.         সোননগর- ইস্তর্ন দেদিকেতেদ ফ্রেত কোরিদোরগী গোমোহ সেক্সন (কি.মি. ২৬৩.৭)বু ২০২১-২২দা পি.পি.পি. মোদতা পাইখৎলগনি। মসিগী মতুংদা অথুবা মতমদা কি.মি. ২৭৩ শাংবা গোমোহ-দানকুনি সেক্সনসু পি.পি.পি. মোদতা পাইখৎলগনি।

২.         তুংদা পাইখৎকদবা দেদিকেতেদ ফ্রেত কোরিদোরশিং, মীং ওইনা পল্লবদা খরগপুরদগী ৱিজয়ৱাদা ইস্ত কোরিদোর, ভুসাৱলদগী খরগপুর অমসুং দুনকুনি ফাওবগী ইস্ত-ৱেস্ত কোরিদোর অমসুং ইতারসিদগী ৱিজয়ৱাদা ফাওবগী নোর্থ-সাউথ কোরিদোর হৌরগনি। অহানবগী তাঙ্কক্তা প্রোজেক্ত রিপোর্তশিংগী অকুপ্পা মরোলদা থবক পাইখৎকনি।

৩.         ২০২৩ দিসেম্বর ফাওবদা ব্রোদ-গেজ লম্বিশিংবু ১০০% ইলেক্ত্রিফিকেশন লোইশিল্লগনি।  ব্রোদ গেজ রুত কিলোমিতরস (আর.কে.এম.) ইলেক্ত্রিফিকেশন তৌবা অসি আর.কে.এম. ৪৬,০০০ য়ৌবগী থাজবা থম্লি হায়বদি ২০২০গী ওক্তোবর ১দা আর.কে.এম. ৪১,৫৪৮ লৈরম্বদগী ২০২১ লোইশিল্লকপা ফাওবদা ৭২% লোইশিনবা।

 পেসেঞ্জরশিংগী নুংঙাইবা অমসুং খুদোংথিনিংঙাই ওইদনবা, বজেত অসিদা য়াম্না ফজনা দিজাইন তৌরবা তুরিস্তকী ওইবা লম্বিশিংদা পেসেঞ্জরশিংনা হেন্না নুঙাইনা চৎনবা ৱিস্তা দোম এল.ঐচ.বি. কোচ হৌদোক্নবা  অমসুং ভারতকী রেলৱেজকী হাই দেন্সিতী নেতৱার্ক অমসুং হাইলি য়ুতিলাইজ্দ নেতৱার্কশিংগীদমক লৈবাক অসিদা পুথোকচবা ওতোমেতিক ত্রেন প্রোতেক্সন সীস্তেম হৌদোকপগী ৱাফমসু থমলি। মসিগী সীস্তেম অসিনা মীওইবনা শোইবনা মরম ওইরগা ত্রেন থেংজিন্নবগী ওইথোকপা য়াবশিং অদুবু হন্থহনখি

*****



(Release ID: 1695742) Visitor Counter : 259


Read this release in: English , Urdu , Hindi , Punjabi