কেন্দ্রগী বদজেত ২০২১-২২দা লাউথোকখিবা ইন্সুরেন্স কম্পেনীশিংদা এফ.দি.আই. লিমিত চাদা ৪৯দগী চাদা ৭৪দা হেনগৎহল্লিবা অসিনা ভারতকী শেন্মিৎলোন্দা কান্নবা শাফু পীগনি হায়না কম্মর্স অমসুং ইন্দস্ত্রী মন্ত্রালয়গী দি.পি.আই.আই.তি. সেক্রেতরী দোক্তর গুরুপ্রসাদ মোহাপত্রানা ঙসি ফোঙদোকখ্রে‍।

মফমসিদা মিদিয়াদা ৱা ঙাঙলদুনা মহাক্না হায়খিবদা অনৌবা স্ত্রকচর অসিগী মখাদা বোর্দকী দাইরেক্তরশিং অমসুং মরুওইবা মেনেজমেন্তকী মীওই অয়াম্বা ভারত মচা ঙাক্তা ওইগনি, অমদি য়ামদ্রবদা দাইরেক্তর মশিংগী চাদা ৫০দি ইন্দিপেন্দেন্ত দাইরেক্তরশিং ওইগনি, অমসুং শেন্দোংগী লেপথোক্লবা পর্সেন্তেজনা জেনেরেল রিজর্ব ওইনা থমগনি‍। ইন্সুরেন্স এক্ত ১৯৩৮ শেমদোকপনা ইন্সুরেন্স কম্পেনীশিংদা এফ.দি.আই. লিমিত চাদা ৪৯দগী চাদা ৭৪ ফাওবা হেনগৎহল্লগনি অমদি চেকশিন থৌরাং খরগা লোয়ননা মপান লৈবাক্কী মীওইশিংনা মপু ওইহনবা অমদি চুপ্লি পায়হনবা য়াহনগনি‍।

মসিগী কান্নবশিংগী মতাঙদা ঙাঙলদুনা দোক্তর মহাপত্রানা হায়খিবদা মালেমগী ইন্সুরেন্স কম্পেনীশিংবু ভারতকী ইন্সুরেন্স সেক্তরদা হেন্না স্ত্রেতেজিক ওইবা অমদি অশানবা মীৎয়েঙগী ওইবা থৌরাংশিং পায়খৎপা য়াহল্লগনি অমদি মসিনা লোং-তর্ম কেপিতেল, মালেমগী তেক্নোলোজী, থৌওং, মালেমগী ওইবা খ্বাইদগী ফবা মওং মতৌশিং হেন্না মরাং কায়না চঙহল্লক্কনি‍। মসিনা হিদান্নবা হেনগৎহন্দুনা, তাশিন খোমজিনবা ঙমহন্দুনা অমদি ইন্সুরেন্স য়ৌশিনবা হেনগৎহন্দুনা এন্দ-কঞ্জ্যুমরশিংগী হেন্না ইনোভেতিব ওইবা অমদি অহোঙবা পোত্থোকশিং পুরক্তুনা এন্দ কঞ্জ্যুমরশিংদসু কান্নহনগনি হায়না মহাক্না ফোঙদোকখি‍।

ইন্সুরেন্স ওপরেসন হেনগৎহনবনা সেমি-স্কিল্দ ইন্সুরেন্স এজেন্তশিং থবক পীবা অমদি সেল্স ফোর্স মশক থোক্না লৈহনগনি‍ হায়না মহাক্না হায়খি‍। মপাঙ্গল কল্লবা অমদি ইচঙ থৌরবা ইন্সুরেন্স সেক্তরসিনসু মতম শাংনা পন্দুনা লৈবা ইনফ্রাস্ত্রকচর প্রোজেক্তশিংদা লোং তর্ম ইনভেস্তমেন্তকী চৈঙাকসু পীগনি‍। হেনগৎহন্নবা হৌদোক্লিবা ৱাফমসিনা ইন্সুরেন্স সেক্তরবু এফ.দি.আই. চাদা ৭৪ ফাওবা য়াহল্লিবা প্রাইভেত সেক্তর বেঙ্কিংগা থোং মান্ননা পুখৎলক্কনি‍। এফ.দি.আই. লিমিত ৱাংখৎহনবনা ইন্সুরেন্স কম্পেনীশিংবু মখোয়গী কেপিতেলগী মথৌ তাবা ফংবা ঙমহন্দুনা ইন্সুরেন্স কম্পেনীশিংগী কেপিতেল খোমগৎনবগীদমক বেঙ্ক, এন.বি.এফ.সি.শিংদা লৈরম্বা পোৎলুমসু হন্থহল্লগনি‍।

রিজনেলগী ওইবা কান্নবশিংগী মতাঙদা পল্লদুনা মহাক্না হায়খিবদা ইন্সুরেন্স প্রোভাইদরশিংগী হেদক্বার্তরশিং অমসুং ওফিসশিং য়াম্না কূঙনা লৈরিবা মুম্বাই (মহারাস্ত্র), এন.সি.আর., বেঙ্গলোর (কর্নাতকা), হায়দরবাদ (তেলঙ্গনা)দসু কান্নহনগনি‍। মসিনা গিফ্ত সিতী, অহমদবাদবু ভারতকী মাঙজিল থাবা ফাইনান্সিএল/ফিনতেক হব অমা ওইহনবদসু ঙাক্লৌ ওইগনি‍। কোলকতা, জয়পুর, সুরত, ভোপাল, চান্দিজর, পত্না, অগ্রানচিংবা য়াওনা দিস্পোজেবল ইনকম হেন্না ৱাংনা লৈবা অমদি ফাইনান্সিএল লিতরেসী ৱাংবা হান্না লৈরবা অমদি নৌনা হৌগৎলক্লিবা মেত্রো হবশিংদসু মসিনা কান্নবা পীগনি‍।

******