কমর্স অমসুং ইন্দস্ত্রী মন্ত্রালয়
ইন্দস্ত্রীশিংগী ইজ ওফ দুইং বিজিনেসকী ফীভম ফগৎহন্নবা বদজেত ২০২১-২০২২না রিগুলেতরী কম্প্লাইএন্সকী পোৎলুম হন্থহল্লে হায়না দি.পি.আই.আই.তি. সেক্রেতরীনা হায়রি
Posted On:
05 FEB 2021 3:33PM by PIB Imphal
ইন্দস্ত্রীশিংগী ইজ ওফ দুইং বিজিনেস অমসুং মীয়ামগী ইজ ওফ লিভিংগী ফীভম ফগৎহন্নবা বদজেত ২০২১-২২না রিগুলেতরী কম্প্লাইএন্সকী পোৎলুম হন্থহন্নবা থৌরাং কয়ামরুম প্রপোজ তৌরি হায়না ঙসি কম্মর্স অমসুং ইন্দস্ত্রী মন্ত্রালয়গী দিপার্তমেন্ত ফোর প্রমোসন ওফ ইন্দস্ত্রী অমসুং ইন্তরনেল ত্রেদ (দি.পি.আই.আই.তি.) সেক্রেতরী দোক্তর গুরুপ্রসাদ মোহাপত্রানা ফোঙদোকখ্রে।
মফমসিদা মিদিয়াদা ৱা ঙাঙলদুনা দোক্তর গুরুপ্রসাদ মোহাপত্রানা হায়খিবদা ভারত লৈঙাক্না লল্লোন ইতিক অমসুং মীচম মীয়ামগী রিগুলেত্রী কম্প্লাইএন্স লায়থোকহন্নবা অমদি পোৎলুম হন্থহন্নবা খোঙথাঙশিং মখা তানা পায়খৎনবা হীরম পুম্নমক কোনশিল্লবা মওং মরিল নাইবা থৌওং অমা লৌখৎলে। প্রধান মন্ত্রীনা থৌরাং অসি ভারতকী নীংতম্বগী ৭৫শুবা চহীগী থৌরমগা মপা চাননবা ওগস্ত ১৫, ২০২১ ফাওবগী মনুংদা লোইশিনগদবনি হায়না পাউতাক পীখ্রে।
হৌজিক লৈরিবা রিগুলেতরী রেজিম অসি লায়থোকহন্নবা, মওং মরিল নাইহন্নবা, দিজিতাইজেসন তৌননবা অমদি দিক্রিমিনেলাইজেসন তৌননবা কেন্দ্রগী মন্ত্রালয়শিং/দিপার্তমেন্তশিং অমসুং স্তেত/য়ু.তি. পুম্নমক্তা মওং চুম্বা থৌরাং লৌখৎলি হায়না মহাক্না হায়খি।
জনুৱারী ১, ২০২১দা দি.পি.আই.আই.তি.না রিগুলেতরী কম্প্লাইএন্স পোর্তেল অমা হৌদোকখ্রে। পোর্তেল অসিগী পান্দমদি কেন্দ্রগী অমসুং স্তেতকী থাক্কী কম্প্লাইএন্সশিংগী ওনলাইন রিপোজিতরী অমা ওইহন্নবা অমদি রিগুলেতরী কম্প্লাইএন্সকী পোৎলুম হন্থহনবনি হায়না মহাক্না মখা তাখি।
বদজেত ২০২১-২২দা লাউথোকখিবা মরুওইবা ৱাফমশিং
য়েৎনবা ৱাফমশিং হেন্না য়াঙনা লোইশিনবা
বদজেত ২০২১-২২না য়েৎনবা ৱাফমশিং হেন্না য়াঙনা লোইশিনবা য়াননবা দিজিতাইজেসন, ফেসলেস দিস্প্যুৎ রিজোলুসন অমসুং লায়থোকহনবগা মরী লৈনবা থৌরাং কয়া পুথোক্লে।
দিজিতাইজেসন
- এন.সি.এল.তি. ফ্রেৱর্ক মপাঙ্গল কনখৎহনগনি, ই-কোর্ত সিস্তেম পায়খৎকনি অমদি দেব্ত রিজোলুসনগী অতোপ্পা পাম্বৈ অমসুং এম.এস.এম.ই.শিংগী অখন্নবা ফ্রেমৱর্ক পুথোক্কনি।
ফেসলেস দিস্প্যুৎ রিজোলুসন
- লিতিগেসন হন্থহন্নবা অমদি অপীকপা তেক্সপেয়রশিংগী য়েৎনবা ৱাফম লোইশিনবদা খোঙজেল হাপ্ননবা দিস্প্যুৎ রিজোলুসন কম্মিতী অমা শেম্নবা ৱাফম হৌদোক্লি। কম্মিতী অসিগী থবক থৌরমশিং ফেসলেস মওংদা পাঙথোক্কনি।
- লৌথুপ লৌকোয় লৈতবা তেক্স অপিলেত মেকানিজম ফংহন্নবগীদমক, ইনকম তেক্স অপিলেত ত্রাইব্যুনেলবু ফেসলেস ওইহন্নবা অমদি জুরিস্দিক্সন লৈহন্দনবা ৱাফম হৌদোক্লি। ত্রাইব্যুনেল অমসুং অপিলেন্তকী মরক্তা ইলেক্ত্রোনিক ওইবা মওংদা ঈ-পাউ ফাওনগদবা নেসনেল ফেসলেস ইনকম তেক্স অপিলেত ত্রাইব্যুনেল সেন্তর অমা লিংখৎকনি।
লায়থোকহনবা
- ওথোরিতী ফোর এদভান্স রুলিংবু বোর্দ ফোর এদভান্স রুলিংনা মহুৎ শিন্দোক্নবা অমদি অসিগুম্বা বোর্দগী য়াথংবু হায় কোর্ততা অপিল চৎপা য়াহন্নবা ৱাফম হৌদোক্লি।
এক্সপোর্ত ইম্পোর্তকী থৌওং মওং মরিল নাইহনবা
কস্তম ক্লিয়রেন্সকী থবক থৌওংশিং য়াঙ্খৎহন্নবা, কোমথোকহন্নবা অমদি হ্যুমেন ইন্তরভেন্সন লৈহন্দনবা তোঙান তোঙানবা অওনবা পুরকপগী থৌরাংশিং হৌদোক্তুনা পায়খৎখ্রে। মসিনা এক্সপোর্ত অমসুং ইম্পোর্ত ক্লিয়রেন্সকী মপুং ওইবা অচঙবা শেন্ফম অমদি মতম হন্থহল্লে। বদজেত ২০২১দা এক্সপোর্তরশিং অমসুং ইম্পোর্তরশিংগী ইজ ওফ কম্প্লাইএন্সকী ফীভম পুরক্নবা থৌরাংশিং লাউথোকখ্রে।
মতম ককপা সর্ভিস দেলিভরী
- কস্তম্স এক্ত, ১৯৬২ (সেক্সন ৪৬) শেমদোক্তুনা পোৎলমশিং য়ৌরক্কদবা নোংমা ৱাৎলিঙৈদা এন্ত্রীগী বিলশিং ফাইল শোয়দনা তৌহন্নবা ৱাফম হৌদোক্লি।
- অকক্নবা ৱাফম খরখক নত্তনা থিজিন হুমজিনবা লোইশিন্নবগী অকক্নবা মতম চহী অনি ওইহন্নবা কস্তম্স এক্ত ১৯৬২দা অনৌবা সেক্সন ২৮বি.বি. হাপচিন্নবা ৱাফম হৌদোক্লি।
দিজিতাইজেসন
- পেপরলেস প্রোসেসিং পুক্নিং থৌগৎনবা, নোতিস, ওর্দরনচিংবা পীবদা কম্মন পোর্তেল শীজিন্নববু শকখঙনবা অমদি পোর্তেল অসিবু ত্রেদশিংনা কস্তম্সকা পাউ ফাওদোক ফাওজিন তৌননবা ৱন-পোইন্ত দিজিতেল ইন্তরফেস অমা ওইহন্নবা ৱাফম হৌদোক্লি।
হেন্না লায়বা তেক্স কম্প্লাইএন্স
বদজেত ২০২১দা তেক্স রিতর্ন ফাইল তৌবদা কোমহন্দুনা খাজনা থীরিবশিংগী পোৎলুম হন্থহন্নবা ৱাশক ঙাক্তুনা তোঙান তোঙানবা থৌরাং কয়া লাউথোকখি। ইনকম তেক্স ফাইল তৌবদা লায়থোকহন্নবা থৌরাং হৌদোকপসিনা ভারতকী মশিং য়াম্লবা অহল ওইরবশিংদা কান্নবা পীগনি।
দিজিতাইজেসন
- লিস্তেদ সিক্যুরিতীশিং, দিভিদেন্দ ইনকম, অমসুং বেঙ্ক, পোস্ত ওফিসনচিংবদগী লাকপা ইন্তরেস্তশিংগী কেপিতেল গেনগী মচা খায়বা ৱাফমশিং ইনকম তেক্স রিতর্নদা প্রি-ফিল্দ তৌগনি।
- দিজিতেল ত্রাঞ্জেক্সন ইন্সেন্তিভাইজ তৌনবা অমদি কম্প্লাইএন্সকী পোৎলুম হন্থহন্নবা লুপা করোর ৫দগী লুপা করোর ১০ ফাওবগী চাংদা চাদা ৯৫ ফাওবগী শেন্ফম দিজিতেল ত্রাঞ্জেক্সন তৌবা মীওইশিংগী তেক্স ওদিত লিমিত হেনগৎহন্নবা ৱাফম হৌদোক্লি।
লায়থোকহনবা
- চহী ৭৫ অমদি মথক্তা লৈবা অমদি পেন্সন অমসুং শেন্দোয়গী শেন্থোকখক্তমক লৈজবা অহলশিংগীদমক্তা করিগুম্বা থিফম থোকপা খাজনাগী শেন্ফম পুম্বা পেয়িং বেঙ্কতগী ককহৌরবদি ইনকম তেক্স ফাইল তৌবগী মথৌ তাহন্দনবা ৱাফম হৌদোক্লি।
- চহীগী একাউন্ত ওদিত তৌবা অমদি রিকোন্সিলিএসন স্তেতমেন্তকী মথৌ তাবা, সেল্ফ-সর্তিফিকেসন বেসিসতা চহীগী রিতর্ন ফাইল তৌবা অমদি নেত কেস লাইএবিলিতীদা শেন্দোয় লৌবগী মথৌ তাবশিং জুলাই ১, ২০১৭দগী লৌথোকখ্রে।
রেসনেলাইজ সিক্যুরিতিজ ত্রাঞ্জেক্সনশিং
- সেবি এক্ত, ১৯৯২, দিপোজিতরিজ এক্ত ১৯৯৬, সিক্যুরিতিজ কন্ত্রেক্ত (রিগুলেসন) এক্ত, ১৯৫৬ অমসুং গভর্নমেন্ত সিক্যুরিতিজ এক্ত, ২০০৭গী প্রোভিজনশিং সিক্যুরিতিজ মার্কেত কোদ অমখক্তদা পুনশিন্নবা ৱাফম হৌদোক্লি।
কম্পেনীশিংগী লায়থোকহল্লবা কম্প্লাইএন্স
বদজেত ২০২১না ভারত্তা বিজিনেস অমা হৌদোকপদা অমদি চলাইবদা হেন্না লায়হন্নবা দিক্রিমিনেলাইজেসন অমসুং লায়থোকহনবগী ৱাফমশিংদা মীৎয়েঙ থম্লি।
দিক্রিমিনেলাইজেসন
- লিমিতেদ লাইএবিলিতি পার্ত্নরসিপ (এল.এল.পি.) এক্ত, ২০০৮ দিক্রিমিনেলাইজ তৌননবা থৌরাং লৌখৎলি।
লায়থোকহনবা
- পেদ অপ কেপিতেলগী থ্রেসহোল্দ লুপা লাখ ৫০দগী লুপা করোর ২দা অমদি তর্নওভরগীনা লুপা করোর ২দগী লুপা করোর ২০দা হেনগত্তুনা অপীকপা কম্পেনীশিংগী মশক মওং নৌনা শেমদোক্নবা হৌদোক্লিবা ৱাফমসিনা কম্পেনী লাখ অনি হেনবগী কম্প্লাইএন্সকী মথৌ তাবা লায়থোকহল্লগনি।
মতমগা চুনবা তেক্নোলোজীশিং শীজিন্নবা
- লাক্কদৌরিবা শেন্বা চহী ২০২১-২২ অসিগী মনুংদা, দেতা এনালাইতিক্স, অর্তিফিসিএল ইন্তলিজেন্স, মেচিন লর্নিংনা থৌবা এম.সি.এ.২১ ভর্জন ৩.০ হৌদোক্লগনি। ভর্জন ৩.০ অসিদা ই-স্ক্রুতিনী, ই-এদজুদিকেসন, ই-কন্সলতেসন অমসুং কম্প্লাইএন্স মেনেজমেন্তকী মোদ্যুশিং য়াওগনি।
মনীং তমহল্লবা রিগুলেতরী রেজিম্না পোত্থোক পুথোকপা, থবক পীবা অমদি শেন্মিৎলোন চাউখৎহনবগী চাং হেনগৎহনবতা নত্তনা ভারতপু মালেমগী পাম্নরবা শেল থাদফম ওইহন্দুনা মরোমদোম লেপচবা ভারতকী মঙলানবু মাঙদা পুখৎকনি।
*****
(Release ID: 1695557)