নেস্নেল স্পোর্তস ফেদেরেসনশিং অসি স্পোর্তস কোদ প্রোভিজনশিং ঙাক্তুনা চৎননবগীদমক মখোয়গী কন্সতিত্যুসনশিং অমসুং বাই-লোশিং অসিদা তঙাই ফদবা এমেন্দমেন্তশিং শেমদোক্নবা অমসুং স্পোর্তস কোদকী প্রোভিজনশিং চেকশিন্না ইন্নবা য়ুথ এফিয়র্স অমসুং স্পোর্তস মন্ত্রালয়না নেস্নেল স্পোর্তস ফেদেরেসনশিং(এন.এস.এফ.শিং) অসিদা হায়খ্রে৷

২০২১গী ফেব্রুৱারি ৪দা এন.এস.এফ.শিংগী মীহুৎশিংগা লোইননা জোইন্ত সেক্রেতরী(স্পোর্তস) শ্রী এল.এস. সিংহনা ভর্চুয়েল মীফম অমা পাংখোকখ্রে অমসুং স্পোর্তস কোদ প্রোভিজনশিংগী এন.এস.এফ.শিংনা ইনহল্লগনি হায়না অমুক হন্না হায়খ্রে অমসুং স্পোর্তস কোদ অসিগী মতুং ইন্না নিংথীনা চৎপা ঙম্নবা মখোয়না স্পোতস কোদতা য়াওরিবা প্রোভিজনশিং অসি ইনবা খক্তা নত্তনা মখোয়গী কন্সতিত্যুসনশিং/বাই-লোশিং অসিদা তঙাই ফদবা এমেন্দমেন্তশিং শেমদোক্নবা তঙাই ফদবা খোঙথাংশিংসু লৌখৎকদবনি হায়না অমুক হন্না হায়খ্রে৷

এন.এস.এফ.শিংগী রিকোগনিসন অসি রিন্যু তৌরিঙৈ চৈরক অসিদা মখোয়গী কন্সতিত্যুসনশিং/বাইলোশিং অদু স্পোর্তস কোদ অসিগা মান্ননবা শেমদোক্নবগী এন.এস.এফ. ৫দা স্পোর্তস মখল ৫গী অখন্নবা মওং মতৌ অসিনা মরম ওইরগা মতম চহী অমা পীখিবা এন.এস.এফ. ৫ অসি নত্তনা অতোপ্পা এন.এস.এফ.শিং অসিদা ফেদেরেসন অসিনা থা ৬কী মতম পীখ্রে৷ এমেন্দমেন্তশিং অসি মখাতাবা মতম লৌদুনা শেমদোকপা য়ারোই অমসুং পীরিবা মতম অসিগী মনুংদা লোইশিনগদবনি হায়না জোইন্ত সেক্রেতরী(স্পোর্তস)না ফোংদোকখ্রে৷ মতুং তারকপদা মখাতাবা মতম অমতা মসিগীদমক পীররোই হায়না এন.এস.এফ.শিং অসিদা খঙহনখ্রে৷ এন.এস.এফ. অমা হেক্তনা স্পোর্তস কোদ অসি ইন্দ্রবদি এন.এস.এফ. অদু দি-রিকোগনাইজ তৌগনি হায়নসু খঙহনখ্রে৷ এন.এস.এফ. খরদি মখোয়গী কন্সতিত্যুসনশিং/বাইলোশিং অদু মাংজৌননা শেমদোকখ্রে অমসুং মখোয়শিং অদু মন্ত্রালয় অসিনা য়েংলি হায়না জোইন্ত সেক্রেতরী(স্পোর্তস)না মীফম অমদা ফোংদোকখ্রে৷

মীফম অসি পাংথোকপগীদমক এন.এস.এফ.শিংগী মীহুৎশিং অদুনা স্পোর্তস মন্ত্রালয়বু থাগৎখ্রে অমসুং স্পোর্তস কোদ অসিগী মতুং ইন্না মখোয়গী কন্সতিত্যুসনশিং অদু মাংজৌননা শেমদোকখ্রে হায়না মন্ত্রালয় অসিনা ফোংদোকখ্রে অমসুং স্পোর্তস কোদ প্রোভিজনশিং অসিগী মতুং ইন্না মখাতানা তঙাই ফদবা এমেন্দমেন্তশিং মরু ওইরক্লবদি মখোয়না শেমদোক্কনি হায়না থাজবা পীখ্রে৷

স্পোর্তস কোদ প্রোভিজনশিং অসিগা মরী লৈনবা ই-পাউ অসি দিল্লী হাই কোর্তনা য়োংশিল্লিবনা মরম ওইদুনা দিল্লী হাই কোর্ততা খঙহন্নবগীদমক মন্ত্রালয় অসিদা চয়োল অনি খুদিংগী পাউশিং অসি খঙহনলক্নবা মন্ত্রালয় অসিনা এন.এস.এফ.শিং অসিদা হায়খ্রে৷

                                                                                       *******

(Release ID: 1695351) Visitor Counter : 82