লায়রবা কোকহন্নবা অমসুং সহরগী লায়রবা ইমুংশিং খুদোংচাদবশিংদগী কন্নবা কেন্দ্র সরকারনা শেন পুথোকপা ‘দিনদয়াল অন্তয়োদয়া য়োজনা-নেসনেল অর্বান লাইভলিহুদ মিসন’(দি এ ৱাই-এন য়ু এল এম) হাওসিং অমসুং অর্বান এফেয়ার্স মিনিস্ত্রিনা পায়খৎলি। মিসন অসিগী শরুক অমা ওইরিবা সপোর্ত তু অর্বান স্ত্রিৎ ভেন্দরস(এস য়ু এস ভি)না মতিক চাবা মফম পীদুনা, শেন্থং পীদুনা অমসুং ঙাকপী-শেনবীবগী খুদোংচাবা পীদুনা সহরগী লম্বী নাকলদা পোৎ য়োল্লিবশিংগী হিংনবা লম্বী পীনবা পান্দম থম্লি। জুন ১,২০২০দা মিনিস্ত্রিনা হৌদোকখিবা প্রধান মন্ত্রী স্ত্রিৎ ভেন্দরস অত্মানির্ভর নিধি(পি এম শ্বনিধি) স্কিম্না মখোয়গী ললোন-ইতিক্কি থবক অমুক হৌনবা লম্বী নাকলদা পোৎ য়োল্লিবা মীওই লাখ ৫০ রোমদা চহি অমদা গরেন্তর য়াওদনা লুপা ১০,০০০ লোন পীনবা খুদোংচাবা পীরি।লোন চাংনাইনা শিংলকপগী মনা ওইনা চহি অমদা চাদা ৭ শেন্দোয়গী সবসিদি পীরি অমসুং দিজিতেল ত্রান্সসেক্সনশিং পাংথোকপগীদমক চহি অমদা লুপা ১,২০০ ফাওবগী শেনফম হন্দোক্কনি। স্কিম অসিগী মখাদা পীখিবা ‘লেত্তর ওফ রিকমেন্দেসন(এল ও আর)না সর্ভেদা চিৎথরম্বা স্ত্রিৎ ভেন্দরশিং নত্রগা সর্ভে মতুংদা পোৎ য়োনবা হৌরকপশিং নত্রগা খুঙ্গংদগী লাক্লগা সহরগী মফমশিংদা পোৎ য়োনবশিং স্কিমগী কান্নবশিং ফংগনি। তোঙান-তোঙানবা সরকারগী য়াইফ-থৌরাংশিংগী ফংবা য়াবরা হায়বদু খঙদোক্নবা বেনিফিসরিশিং অমসুং মখোয়গী ইমুং-মনুংগী শেন-থুমগী ফিবম খঙদোক্নবা থবক হৌদোকখ্রে। স্কিমশিং অসিগী কান্নবশিং ফংনবা মখোয়গী মতেং পাংগনি। ই-কমর্স প্লেতফোর্মশিংদা স্ত্রিৎ ফুদ ভেন্দরশিং য়াওনবা মিনিস্ত্রিনা থবক পায়খৎলে।

দিনদয়াল অন্তয়োদয়া য়োজনা-নেসনেল অর্বান লাইভলিহুদ মিসনগী মখাদা শেনবা চহি ২০১৪-১৪দা লুপা কোতি ৩,৪৮৭.৩২ থাদোকখ্রে। পি.এম শ্বনিধি স্কিমগী কাইথোকলিবা শেনফম লুপা কোতি ৬০০নি। মসিগী মনুংদা লুপা কোতি ৬৬.৫৬ শীজিন্নখ্রে।

 

রাজ্যশিং/য়ু.তিশিংদগী ফংবা পাউগী মতুংইন্না দিনদয়াল অন্তয়োদয়া য়োজনা-নেসনেল অর্বান লাইভলিহুদ মিসনগী মখাদা স্ত্রিৎ ভেন্দর লাখ ৪২ হেন্না মশক খঙদোক্লে। মখোয়গী মনুংদা স্ত্রিৎ ভেন্দর লাখ ২১.৭দা সর্তিফিগেত ওফ ভেন্দিং(সি ও ভি)পীখ্রে অমসুং স্ত্রিৎ ভেন্দর লাখ ২৪.৪ হেনবদা আই.দি কার্দশিং পীখ্রে।

জনুৱারি ৩১,২০২১ ফাওবদা পি.এম শ্বানিধি স্কিমগী মখাদা লোন এপ্লিকেসন লাখ ৩৩.৭ হেন্না ফংলে। মখোয়গী মনুংদা, লোন লাখ ১৮.৪ হেন্না অয়াবা পীরে অমসুং লোন লাখ ১৩.৮ হেন্না য়েন্থোকখ্রে।

মরোল অহুমগী মিসন মেনেজমেন্ত য়ুনিতশিং হায়বদি নেসনেল, স্তেৎ অমসুং অর্বান লোকেল বোদিগী থাক্কী খুৎথাংদা রাজস্থান য়াওনা লৈবাক শীনবা থুংনা দিনদয়াল অন্তয়োদয়া য়োজনা-নেসনেল অর্বান লাইভলিহুদ মিসন পায়খৎলে।

কেন্দ্রগী স্কিম অমা ওইনা স্মোল ইন্দস্ত্রি দিবলপমেন্ত বেঙ্ক(সিদবি)গা লোয়ন্না পি.এম শ্বানিধি স্কিম পায়খৎলি। স্ত্রিৎ ভেন্দরশিং মশক খঙদোকপা অমসুং মখোয়দা লোন য়েন্থোকপদা য়ু.এল.বিশিং অমসুং বেঙ্কশিংনা মরুওইবা থৌদাং অমা লৌরি।

ৱাফম অসি ঙসি লোক সভাদা অইবা ওইনা পীবা পাউখুম অমদা হাওসিং অমসুং অর্বান এফেয়ার্সকী রাজ্য মন্ত্রী(ইন-চার্জ) শ্রী হরদিপ সিংহ পুরিনা ফোঙদোকখিবনি।

*****

 

 

(Release ID: 1695293) Visitor Counter : 117