ঙসি পার্লিয়ামেন্ততা সোসিএল জস্তিস অমসুং এম্পাৱরমেন্তগী কেন্দ্রগী মন্ত্রী শ্রী রতন লাল কতারিয়ানা সরকার অসিনা হকশেল, এজুকেসন, য়াইফ-থৌরাং, স্কিল অপগ্রেদেসন, লৈফম-চাফম অমসুং হিংনবগী পাম্বৈ পীনবা শেন্মীৎলোনগী ওইবা মতেং অসিগুম্বগা মরী লৈনবা ত্রান্সজেন্দরশিংগী সমস্যাশিং কোকহন্নবা অমব্রেলা স্কীম অমা পুথোক্নবা হোৎনরি হায়না ৱারোল অমা পীশিনখ্রে। ৱারোল অসি তেলঙ্গনাদা লৈবা মলকাজগীরিদগী পার্লিয়ামেন্তকী মেম্বর শ্রী অনুমুলা রেভান্থনা হংলকপা ৱাহং অমগী পাউখুম ওইনা পীশিনখিবনি।

এম.পি.না সরকার অসিনা কাংলুপ অসিগী হিংনবগী লম্বীগী খুদোংচাবশিং ফংহন্নবা অখন্নবা ফন্দশিং এল্লোকেৎ তৌবগী থৌরাংগী মতাংদা অমসুং পব্লিক সর্ভিসেসতা হৌজিক মথৌ তৌরিবা নুপী মানবীশিংগী মশিংগী দেতাগী মতাংদা ৱাহং হংখি।

পার্লিয়ামেন্তদা মীদিয়াপর্সনশিংগা ৱারী শান্নবদা মিস্তর কতারিয়ানা হায় অহানবা ওইনা সরকারনা ত্রান্সজেন্দর পর্সন্স (প্রোতেক্সন ওফ রাইৎস) এক্ত, ২০১৯ ইনেক্ত তৌখ্রে, হায়রিবা অসি কাংলুপ অসিগী য়াইফনবা অচৌবা খোঙথাং অমনি। এক্ত অসিনা নুপী মানবীশিংদা মখোয়গী মশক তাক্নবা সর্তিফিকেৎ পীনবগী খ্বাইদগী মরু ওইবা অমসুং সেন্সিতিব ইসু অসি য়েংশিল্লি অমসুং মসিগীদমক স্ত্রীমলাইন তৌরবা প্রোসিজর থমখ্রে। এক্ত অসিনা নন-দিসক্রিমিনেসন, থবক তৌবদা চপ মান্নবা খুদোংচাবশিং পীবা, এজুকেসন, সোসিএল সেক্যুরিতীগী স্কীমশিং শেম্নবা প্রোবিজনশিং অমসুং কাংলুপ অসিদা হেল্থকিয়র ফংহন্নবা প্রোবিজনশিং য়াওরি। মহাক্না হায় ২০২০গী নবেম্বরদা মন্ত্রালয়না নেস্নেল পোর্তেল অমা লোঞ্চ তৌখ্রে মসিদা মরী লৈনবা দিস্ত্রিক্ত মেজিস্ত্রেৎতগী নুপী মানবীশিংনা মখোয়গী শকতাকচে লৌনবা এপ্লাই তৌবা য়াগনি। পোর্তেল অসিনা ফিজিকেল ইন্তরফেসকী মথৌ তাবা অদু লৈহন্দে। হৌজিক ফাওবদা পোর্তেল অসিদা এপ্লিকেসন ২৫৯ লাকখ্রে।

মিস্তর কিতারিয়ানা মখা তারদুনা হায় সরকারনা নেস্নেল কাউন্সিল ফোর ত্রান্সজেন্দর পর্সন্স অমা শেমখ্রে – কাংলুপ অসিনা মখোয়না নুংতিগী থেংনরিবা সমস্যাশিং পুখৎলক্নবা মখোয়গী মীহুৎশিংগী প্লেৎফোর্ম অমা। মহাক্না হায় কাউন্সিল অসিনা কাংলুপ অসিগী খুদোংচাদবশিং কোকহন্নবা এপেক্স বোদী অমা ওইনা মথৌ তৌগনি। কাউন্সিল অসি সোসিএল জস্তিস এন্দ এম্পাৱরমেন্তগী মন্ত্রীনা লুচিংবনি অমসুং হকশেল অমসুং য়াইফ য়ুম্বাল, গৃহ মন্ত্রালণ, হাউসিং অমসুং অর্বান এফিয়র্স, এজুকেসন, খুঙ্গং চাউখৎ থৌরাং, লেবর অমসুং ইমপ্লোইমেন্ত, লিগেল এফিয়র্স, নিতি আয়োগ অসিনচিংবা মন্ত্রালয়শিং অসিগী ওফিসিএলশিংসু শরুক য়াহনখি।

কোবিদ লাইচৎ মনুংদা কাংলুপ অসিদা পাংখিবা মতেংগী মতাংদা মিস্তর কতারিয়ানা হায় এন.সি.ব.সি.এফ.দি.সি.গী খুত্থাংদা মন্ত্রালয় অসি নুপী মানবী মীওই অমদা লুপা ১৫০০গী অমুক্কী ওইবা তেংবাং ফংহনখি। দি.বি.তি.গী খুত্থাংদা নুপী মানবী মীওই পুন্না ৫৭১১দা কান্নবা ফংহনখি। মসিগী মথক্তা দিস্ত্রিক্ত এদমিনিস্ত্রেসনগী খুত্থাংদা চেং-হৱায় য়েন্থোকখি। রাজ্য ৮দা মেদিকেল কেম্পশিং পাঙথোকখি হায়রিবা অসিদা নুপী মানবী মীওই ১০০৫না শরুক য়াখি।

মিস্তর কতারিয়ানা হায় সরকার অসিনা কাংলুপ অসিনা থেংনরিবা সমস্যাশিং অসি কোকহন্নবা মপুং ফানা হোৎনরি অমসুং মতম কয়াদগী কাংলুপ অসিবু তাথি-তাওইনা তৌবা অমদি হন্থনা য়েংবিদুনা লাকখিবা অসি চুমথোক্নবা হোৎনরি।

*****