লেবর অমসুং ইম্প্লোইমেন্ত মন্ত্রালয়

য়ুথ এমপ্লোইমেন্ত

Posted On: 03 FEB 2021 4:33PM by PIB Imphal

থবক তৌরবা অমসুং থবক ফংদ্রিবা অসিদা চহিগী ওইবা পেরিওদিক লেবর ফোর্স সর্ভে (পি.এল.এফ.এস.) অসি স্তেতেতিক্স অমসুং প্রোগ্রাম ইম্প্লিমেন্তেসন মিনিস্ত্রীগী, নেস্নেল স্তেতেতিক্স ওফিস (এন.এস.ও.)না ২০১৭দগী শিন্দুনা লাক্লি। পি.এল.এফ.এস. ২০১৮-১৯গী মতুংইন্না লৈবাক অসিদা চহি ১৫ অমসুং মথক্তা লৈবা থবক তৌদ্রিবা অসি (প্রিন্সিপাল স্তেতস+সবসিদিএরি স্তেতস) অসি ৫.৮% ওইরি. রিপোর্ত অসি স্তেতেতিক্স অমসুং প্রোগ্রাম ইম্প্লিমেন্তেসন মিনিস্ত্রীগী ৱেবসাইত্তা ফংবিগনি(https://www.mospi.nic.in)।   

মালেমগী ওইনা শন্দোরকপা কোরোনা ভাইরস (কোবিদ-১৯) অসিনা মরম ওইদুনা লোকদাউন্দ তৌখিবনা ইন্দিয়া য়াওনা মালেমগী মফম পুম্বদা ইকোনোমীদা শোকহনখি। কোবিদ-১৯না মশীং য়াম্লবা লম কোইনা চৎপা থবকশুবসিং মখোয়গী মরমদা হনখি। সরকারনা মীয়ামদা আত্মানির্ভর ভারতকী মতেং নীখি।আত্মানির্ভর ভারত অসি ইকোনোমী, ইনফ্রাস্ত্রকচর, সিস্তেম, ভাইব্রেন্ত দেমোগ্রাফী অমসুং নহাশিংগী থবক অসিনি।  

প্রধান মন্ত্রী গরীব কালয়ান য়োজনা (পি.এম.জি.কে.ৱাই.)গী মখাদা, ভারত সরকারনা ১২% অমা এম্প্লোয়রগী শরক্তা অমসুং ১২% অমা এম্প্লোয়ীগী শরুক্তা এম্প্লোয়ী প্রোবিদেন্ত ফন্দ (ই.পি.এফ.)কী মখাদা পুন্না ২৪% অসি ২০২০গী মার্চতগী ওগস্ত ফাওবা তোলোপ অসি পি.এম.জি.কে.ৱাই. স্কীমগী মখাদা লুপা করোর ২৫৬৭.৬৬ অমা ফংফম থোকপা এম্প্লোয়ী লাখ ৩৮.৮২ ই.পি.এফ. একাউন্তদা চংহনখি।

অতল বিমীত ব্যাক্তি কালয়ান য়োজনাগী মখাদা থবক ফংদবশিংনা এম্প্লোয়ী স্তেত ইন্সুরেন্স কোর্পোরেসন (ই.এস.আই.সি.) না পীদুনা চু্ম্নগী খুৎশুমন অসিদগী ৫০% অমসুং ২৫% হেনগৎতুনা নুমিৎ ৯০ হেন্না কান্নবা পীখি।

এম্প্লোয়র অমসুং এম্প্লোয়ী অনিগী স্তেততোরী পি.এফ. অসিনা ১০% অসি হান্না লৈরম্বা ১২% অসিদগী থা অহুমগী ওইনা হনথরি।

আত্মনির্ভর ভারত রোজগার য়োজনা (এ.বি.আর.ৱাই.) স্কীম অসি ২০২০গী ওক্তোবরগী ১দগী হৌদোক্তুনা সোসিএল সেক্যুরিতি কান্নবশিং লৌদুনা অমসুং কোবিদ-১৯ লায়চৎ মনুংদা থবক তৎখ্রবশিংদা পীরি। মসিগী স্কীম অসিনা সেক্তর কয়াদা এম্প্লোয়রশিংগী পোৎলুম হন্থরি অমসুং মখোয়বু হেন্না থবক তৌনবা পুক্নিং থৌগৎলি। এ.বি.আর.ৱাই.গী মখাদা ভারত সরকারনা (খুৎশুমনদগী ১২% )অমা এম্প্লোয়রগী শরক্তা অমসুং (খুৎশুমনদগী ১২%) অমা এম্প্লোয়ীগী শরুক্তা এম্প্লোয়ী প্রোবিদেন্ত ফন্দ ই.পি.এফ.ও. দা তৌরি।

কোবিদ-১৯গী লায়চৎনা শন্দোরকপা মরম্না কোইনা চৎতুনা থবক শুবশিং ময়ুমদা হল্লক্তনা লৈরবা মখোয়গী থবক ফংনবা অমসুং পুন্সি মহিংগী খুদোংচাবা ফংননবা ভারত সরকারনা গরীব কালয়ান রোজগার অভিয়ান অসি ২০২০গী জুনগী ২০দা হৌদোকখি। অভিয়ান অসিনা পান্দম থম্লিবা অসি মতম শাংনা লৈবা খুঙ্গংগী ইনফ্রাস্ত্রকচর অমসুং খুঙ্গংদা মতমগী ওইবা খুদোংচাবা হায়বদি ইন্তর্নেত পীবা অসিনি।

সরকার অসিনা ইনফ্রাস্ত্রকচর লোজিস্তিক, মথৌ ফগৎহনবা, লৌউ-শিংউবগী গবর্নান্স অমসুং এদমিনিস্ত্রেতিব শেম্বা, ফিসরি অমসুং চিঞ্জাক লীবগী সেক্তরদা মপাঙ্গল কনহনবা অসিনি।

ভারত সরকারনা পি.এম. এস.ভি.এ.নিধি স্কীম হৌদোক্তুনা চাওরাক্না লম্বী মতাইদা পোৎফম ফম্বা লাখ ৫০ রোম, মখোয়গী ব্যুজিনেস অমুক হঞ্জিন্নবা, লুপা ১০,০০০ চহি অমগী তেনর ওইবা লেম্না খুৎপায় শেল পীরি।

মখা তানা, আর.বি.আই. অমসুং ভারত সরকারনা মার্কেৎকী ইকোনোমী লেঙদনা লৈনবা অমসুং থবক্কী থাক হেনগৎনবা খোঙথাং কয়া অমা লৌখৎলি।

মসিগী পাউ অসি লেবর অমসুং এম্প্লোইমেন্তগী মিনিস্তর ওফ স্তেত (আই./সি.) শ্রী সম্তোশ কুমার গাঙৱারনা রাজ্যা সভাদা ঙসি অইবা ওইনা পাউখুম পীখিবনি।

*****



(Release ID: 1695082) Visitor Counter : 97