সনাগী স্পাইস, য়াইঙংগী লৌরোক পান্থানা য়ৌশিল্লকপা অসিদা স্পাইসেস বোর্দনা মার্কেতকী মরী ফগৎনবা অমসুং মপাল লমদা থাদোকপা হেনগৎনবা ভর্চুএল বায়র সেল্লর মীত (বি.এস.এম.)অমা পাংথোকখ্রে। থৌরম অসিদা মীওই ১২২না শরুক য়াখি। বি.এস.এম. অসিনা লৌমীশিং অমসুং ফার্মর প্রোদুসর গ্রুপশিংদা মখোয়গী পোত্থোক্কী হেন্না ফবা মমল খঙনবা পান্দমদা হোৎনবনি।   

য়াইঙংদা য়াওরিবা হকচাংগী ইন্দ্রীবু কনখৎহনবা মচাক অসিনা কোবিদ-১৯গী লায়চৎ মনুংদা স্পাইস অসিবু ময়াম্না পাম্ননবগী চাওরবা থৌদাং অমা লৌরি, হায়রিবা অসিনা মশক থোক্না হেনগৎতুনা চাদা য়াইঙং অসি ৪২ অমা (মেত্রীক তোন ৯৯,০০০) অমসুং মমল ওইনা চাদা ৩৫ (লুপা লাখ ৮৫,৮১০) অসি ফাইনান্সিএল ওইবা চহি (২০২০গী এপ্রিলদগী সেপ্তেম্বর ফাওবা) অসিগী তঙখায় ফাওবগী মনুংদা মপালদা থাদোকখি।

বি.এস.এম. অসি হৌদোকপদা, শ্রী আর্বিন্দ ধর্মাপুরি, ইকাই খুম্নরবা নিজামাবাদকী এম.পি.না হায়খি মদুদি মফম অসি য়াইঙং থাবগীদমক মমিং লৈরি অমসুং স্পাইস অসি হকচাংদা কান্নবা মচাক য়াম্না য়াওবা মরম্না মফম অসিদা হেন্না মিৎয়েং চংদুনা মপাল লমদা থাদোকপগী ওইথোকপা য়াম্না ৱাংনা লৈ। মহাক্না হায়খি মদুদি লৌমীশিং অসিদা য়াইঙংগী মগুন অসি হেনগৎনবা লমজিং লমতাক পীবা য়াই।

য়াইঙং অসি মরুওইনা তেলঙ্গানা, আন্ধ্র প্রদেশ, তামিল নাদু, কর্নাতকা, কেরলা, মহারাস্ত্রা, ওরিশা, ৱেস্ত বেঙ্গাল অমসুং অৱাং নোংপোক লমদমদা হৌই। লৈবাক অসিদা তেলঙ্গানা অসি  স্পাইস পুথোকপদা খ্বায়দগী চাওবা মফম্নি হায়রিবা অসিদা দিস্ত্রীক্ত মরি মদুদি নিজামাবাদ, করিমনগর, ৱারঙ্গল অমসুং অদিলাবাদ অসিনা স্তেত অসিগী চাদা ৯০ য়াইঙং অসি পুথোকই।  

মতেং য়াম্না পীবী ঙমদ্রবশু, লৌ লোকপা মতুগী থৌওংশিং অমসুং মপালদা থাদোকপা অমসুং থৌবুশিং অসি ফম্বাক অমদা পুরকপা অসিনা স্পাইস বোর্দ অসিনা তর্মেরিক তাস্ক ফোর্স কম্মিতি (তি.তি.এফ.সি.) অমা শেমদুনা মতেং পাংনবা হেনগৎহল্লি। কম্মিতি অসিনা হৌজিক ফাওবদা মিতিং অহুম পাংথোকখ্রে অমসুং মরুশিংগী অশেংবা হিরমদা য়েংনবা, লৌরোক মতুংগী থবক অমসুং মফম অসিদগী অশেংবা অমসুং অফবা স্পাইসকীদমক থাজবা পীরি।

********

(Release ID: 1694911) Visitor Counter : 133