য়ুমলৈ-কৈরৈ মন্ত্রালয়

সাইবর ক্রাইমস

Posted On: 03 FEB 2021 4:42PM by PIB Imphal

ইন্তর্নেৎ শিজিন্নবা হেনগৎলকপগী মতুং ইন্না সাইবর ক্রাইমগী মশীংশু হেনগৎলক্লি। এন.সি.আর.বি.না থম্বা দেতা অমসুং ফোংবগী মতুং ইন্না সাইবর ক্রাইম কেস ২১৭৯৬, ২৭২৪৮ অমসুং ৪৪৫৪৬ অসি ২০১৭,২০১৮ অমসুং ২০১৯দা মথংশিৎনা রেজিস্তর তৌরি। লৈবাক অসিদা সাইবর ক্রাইমদা মরুওইনা চৎথরিবা অসি মশাগী ওইবা লমন খুম্বা, তৌশিন্নবা, সেক্সুএল এক্সপ্লোইতেসন, তুকৎচবা উৎপা, পাইরেসি শন্দোকপা, ই-পাউ হুরানবা অসিনচিংবা অসিনি। 

“পুলিস” অমসুং “পব্লিক ওর্দর” অসিনা ইন্দিয়ন কন্সতিত্যুসনগী তরেৎশুবা শেদ্যুলগী স্তেত সবজেক্তনি অমসুং স্তেত অসিনা ক্রাইম অমসুং সাইবর ক্রাইম য়াওনা প্রিবেন্সন, দিতেক্সন, ইনবেস্তিগেসনগী অহানবা লৌগদবা থৌদাংনি। লো এনফোর্সমেন্ত এজেন্সিশিং অসিনা সাইবর ক্রাইম তৌরিবা অসিগী মথক্তা লেগেলগী ওইবা থবক লৌখৎকনি।

সাইবর ক্রাইম অসিগী মেকানিজম অসি খুমাং চাওশিন্না মপাঙ্গল কনখৎনবা সেন্ত্রেল সরকারনা সাইবর ক্রাইমগী মতাংদা পাউজেল কয়া অমা শন্দোক্লি; পাউতাক অমসুং চেকশিন ৱা হায়রি;লো পায়রিবা পর্সোন্নেল/প্রোজেক্যুতর/জুদিসিএল ওফিসরশিংদা মথৌ হাপ্পা/ত্রেনিং পীবা; সাইবর ফোরেন্সিক্কী খুদোংচাবা হেনগৎহনবা; অসিনচিংবা অসিনি। সেন্ত্রেল সরকারনশু নেস্নেল সাইবর ক্রাইম রিপোর্তিং পোর্তেল www.cybercrime.gov.in অসি হৌদোক্তুনা মীয়ামদা সাইবর ক্রাইম অসি মরুওইনা নুপী অমসুং অঙাংশিংদা তৌবা সাইবর ক্রাইম য়াওনা ৱাকৎশিং রিপোর্ত তৌবা য়াহল্লি।

সরকার অসিনা সাইবর স্বাচতা কেন্দ্র (বোৎনেৎ ক্লিনিং অমসুং মালৱায়র এনালাইসিস সেন্তর) মসিনা শোকহনবা য়াবা প্রোগ্রামশিং থিদোকপা অমসুং শোকহনবা য়াবা কোদ লৌথোকপা লোয়ননা এম.-কাবাচ অসি ফোনদগী লৌথোকপা অসি তৌরি। ইন্দি.ন কম্প্যুতর ইম্মর্জেন্সি রেস্পোনজ তীম (সি.ই.আর.তি.-ইন.) অসিনা মপাল লমগী এজেন্সিশিংগা মতেং লৌনদুনা মপাল লমদগী হৌরকপা অসি য়েংশিল্লি।

হায়রিবা অসি  হোম এফিয়র্সকী মিনিস্তর ওফ স্তেত শ্রী জি. কিশন রেদীনা রাজ্যা সভাদা ঙসি ৱাহং অমগী পাউখুমদা অইবা ওইনা পীখিবনি।

*****



(Release ID: 1694826) Visitor Counter : 99


Read this release in: English , Urdu , Tamil , Malayalam