এস.সি মহৈরোয়শিংগীদমক পোস্ত মেত্রিক স্কোলারসিপ স্কিমগী ফন্দ পীবগী মওং সরকারনা শেমদোক্লে অমসুং কেন্দ্রনা চাদা ৬০ অমসুং রাজ্যশিং/য়ু.তিশিংনা চাদা ৪০ পুথোক্লগনি। মসি অৱাং-নোংপোক রাজ্যশিংগী ওইনা কেন্দ্রনা চাদা ৯০ পুথোক্কনি। স্কিম অসি চহি অহুমগী মতম হায়বদি ২০১৭-১৮দগী ২০১৯-২০ ফাওবগী মনুং অসিদা চহিগী ওইনা চাদা ৫ হেনগৎলে।

স্কিম অসিগী মখাদা মহৈরোয়শিংদা চহিগী ওইনা পীরিবা অপুনবা শেনফম অসিদা কোর্সকী নন-রিফন্দেবল তুইসন ফি, কোর্স গ্রুপকী একাদেমিক এল্লাউয়েন্স য়াওরি।

শেমদোক্লবা স্কিম অসিনা রাজ্যশিং/য়ু.তিশিংনা মশক খঙদোক্লবা খ্বাইদগী লাইরবা এস.সি ইমুংশিং কান্নবা পীনবা পান্দম থম্লি।

২০২১-২২দগী হৌদুনা, নমথাক তৌবা হন্থহন্নবা স্কিম অসিগী কেন্দ্রনা পীফম থোকপা শেনফম দি.বি.দি ওইনা হকথেংন্না মহৈরোয়শিংগী বেঙ্ক একাউন্তশিংদা হাপ্লগনি। মতম চানা ফংহন্নবা, মরম চানা থবক পাংথোক্নবা,লেপ্তনা য়েংশিন্নবা অমসুং মনুং-মপান ফাওনা উবা ঙম্নবা পান্দমশিংগী মখাদা স্কিম অসি পায়খৎলি অমসুং মসিনা ফন্দশিং লান্না শীজিন্নবা ঙমদনবা অকনবা সাইবর সেকুরিতিগী চেকশিন-থৌরাংশিংগা লোয়ন্না ওনলাইন প্লেতফোর্ম অমগী মখাদা পাংথোক্কনি। গ্রাম পঞ্চায়তশিংগী নোতিস বোর্দশিং, স্কুল কমিতিশিং, মমা-মপা অমসুং ওজাশিংগী এসোসিএসনগী মীফমশিং অমসুং অতোপ্পা মীয়াম ৱাখল তাহন্নবা থবকশিংগী খুৎথাংদা স্কিম অসি লান্না শীজিন্নবা থিংনবা মীয়াম খঙহনবগী থবকশিং রাজ্য সরকারশিং অমসুং য়ু.তি লৈঙাকশিংনা পাংথোক্কনি।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা সোসিএল জজতিস অমসুং ইমপ্বারমেন্তগী রাজ্য মন্ত্রী শ্রী রত্তন লাল কাতারিয়ানা ফোঙদোকখিবনি।

*****