ঙসি ন্যু দিল্লীদা শিনখিবা আদি মহোতসব ত্রাইবেল কুহ্মৈ অদু ভারতকী উপ-রাস্ত্রপতি শ্রী এম.ভেনকাইয় নাইদুনা হৌদোকখ্রে৷ ন্যু দিল্লীগী দিল্লি হাত্তা পাংথোক্কদৌরিবা আদি মহোতসব কুহ্মৈ অসি ২০২১গী ফেব্রুৱারী ১-১৫ ফাওবা পাংথোক্লগনি৷ ত্রাইবেল এফিয়র্স্কী মন্ত্রী শ্রী আর্জুন মুন্দা; ত্রাইবেল এফিয়র্স্কী রাজ্যগী মন্ত্রী শ্রীমতি রেনুকা সিংহ; স্কিলগী এম.ও.এস. শ্রী ফগন সিংহ কুলাস্ত; ত্রিফেদকী চিয়রমেন শ্রী রামেশ চান্দ মীনা; ত্রাইবেল এফিয়র্স মন্ত্রালয়গী সেক্রেতরী শ্রী আর. সুব্রামনিয়ম, ত্রিফেদকী এম.দি. শ্রী প্রভির কৃস্নগা লোইননা ত্রিফেদ অমসুং মন্ত্রালয় অসিগী সেনিয়র ওফিসিয়েলশিং অসিগা লোইননা থৌরম অসিদা শরুক য়াখি৷

শ্রী এম. ভেনকাইয় নাইদুনা হৌনবিগী মতুং ইন্না ত্রেদিস্নেল লেম্প অমা চুখৎতুনা কুহ্মৈ অসি হৌদোকখি৷ থৌরম অসিদা ৱা ঙাংলদুনা ত্রাইবেলশিং অসিগী অখন্নবা শক্তম অসি কাইহন্দনা থম্নবা দিভেলপমেন্তগী মোদেল অমা শেম্নবা শ্রী এম.ভেনকাইয় নাইদুনা ফোংদোকখ্রে৷ “মখোয়গী চৎনবি অসিনা মখোয়গী শক্তম ওই”, হায়না মহাক্না ফোংদোকখ্রে অমসুং মসিগী চৎনবি অসি মাংহন্দনা লেংদনা অদুমক থম্বা মহাক্না পাম্মী৷ ত্রাইবেলগী খুৎ-শাগী তোঙান তোঙানবা পোত্থোকশিং অসি য়েংলগা মখোয়গী পোত্থোকশিং অসি হেন্না হেন্না য়োকখৎতুনা মখোয়গী ইনকম অসি হেনগৎনবা ত্রাইবেলশিং অসিগী নেচরেল স্কিলশিং অসি উৎথোকপগী তঙাই ফদবা লৈ হায়না উপ রাস্ত্রপতি অসিনা ফোংদোকখ্রে৷ মমিং লৈরবা ওর্গনাইজেসনশিং অসিগী দিজাইনরশিং অমসুং ত্রাইবেল আর্তিসনশিং অসিগী মরক্তা লৈরিবা মরী অসি হেন্না য়োকখৎনবা সরকার অসিনা হোৎনরিবা অসিগীদমক মহাক্না সরকার অসিবু থাগৎখ্রে৷  

থৌরম অসিদা থৌরম মপু ওইদুনা ত্রাইবেলশিং অসিগী পুন্সি অসি হেন্না য়াইফনবগীদমক ত্রিফেদ অমসুং মন্ত্রালয় অসিনা হোৎনখিবশিং অদু ত্রাইবেল এফিয়র্স্কী মন্ত্রী শ্রী আর্জুন মু্ন্দানা থাগৎপা ফোংদোকখ্রে৷ “মসিগী চহীগী ওইবা কুহ্মৈ অসিনা লৈবাক অসিগী ত্রেদিস্নেল আর্ত অমসুং হেন্দিক্রাফতশিং অমসুং কল্চরেল হেরিতেজ অদু উৎলি অমসুং ত্রাইবেল আর্তিসনশিং অসি অচৌ অচৌবা মার্কেৎশিং অসিগা মরী লৈনবা হেনগৎহল্লি৷

আদি মহোতসব অসি ২০১৭দা হৌদোক্তুনা চহীগী ওইনা পাংথোক্লি৷ মমল লৈরবা অমসুং মখল কয়াগী ক্রাফতশিং অমসুং লৈবাক অসিগী ত্রাইবেল কম্ম্যুনিতীশিং অসিগী চৎনবি অসি মফম অমদা উৎতুনা মীয়ামদা খঙহন্নবা কুহ্মৈ অসিনা হোৎনরি৷ অদুমওইনমক লাইনা-লাইচৎ অসিনা মরম ওইদুনা কুহ্মৈ অসিগী ২০২০ ইদিসন অসি পাংথোকপা য়াররোই৷

ত্রাইবেল মীয়ামশিং অসিগী মরু ওইবা মওং মতৌ অমসুং হৌনশা উৎতুনা পাংথোক্লিবা “ত্রাইবেল ত্রাফতশিং, কল্চর অমসুং কম্মর্জকী মগুল উৎথোকপা” অসিনা কুহ্মৈ অসিগী ৱাহন্থোক ওই৷ মতম শাংনা পাংথোক্কদৌরিবা কুহ্মৈ অসিনা ত্রাইবেল হেন্দিক্রাফতশিং, আর্ত, পেন্তিংশিং, ফি-রোলশিং, সনা-লুপা য়োনবগা লোইননা এগজিবিসন পাংথোক্তুনা হায়রিবা ময়াম অসি উৎথোক্নবা স্তোল ২০০ হেন্না ফম্লগনি৷ মসিগী কুহ্মৈ অসিদা লৈবাক অসিগী ত্রাইবেল আর্তিসন অমসুং আর্তিস্ত ১০০০রোম্না শরুক য়াগদৌরি৷

মখল মখা কয়াগী ত্রাইবেল হেন্দিক্রাফতশিং, ত্রাইবেল নেচরেল প্রদক্তশিং, ত্রাইবেল কুইজিন অমসুং কল্চর থৌরম অসিদা উৎলগনি৷ প্রধান মন্ত্রীগী মীয়ামগী খোল্লাউ অমসুং মশা মরোমদোম লেপচবা ঙম্বা ভারত অমা ওইহন্নবা হোৎনরিবা অসিগা লোইননা ভারতকী সমাজ অসিগী খ্বাইদগী শোত্থনা কান্নবা ফংদনা লৈহৌরিবা মীওই কাংলুপ অসিগী মমল নাইদ্রবা আর্ত মখলশিং অমসুং চৎনবিশিং অদু উৎথোকপা অমসুং মখোয়না শাজবা পোত্থোকশিং অসি হেন্না চাউবা মার্কেৎতা য়ৌহনবদা মতেং পাংবা অসিনা কুহ্মৈ অসিগী পান্দম ওই৷

ত্রাইবেলশিং অসিগী য়াইফ থৌরাংগীদমক য়াম্না কন্না হোৎনরিবা নোদেল এজেন্সী ওইনা ত্রিফেদনা ত্রাইবেলগী মীয়াম অসিগী পুন্সি মরেল অমসুং চৎনবি অসি কাইহন্দনা থমদুনা মীয়ামশিং অসিগী পুন্সি অসি হেন্না য়াইফনবা অমসুং মখোয়দা ইনকম হেন্না লাকহনবদা মতেং পাংবা তোঙান তোঙানবা ইনিসিয়েতিবশিং পুথোক্তুনা লাক্লি৷

*****