হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না লৈবাক অসিনা কোবিদকা লান্থেংনরিঙৈ মতম অসিদা হেল্থ অমসুং ৱেলবিংবু ভারত লৈঙাক্কী মরু ওইবা লম ওইহনবা অমসুং তি.বি.গুম্বা লাইনা মুত্থৎনবা পান্দম থম্বা অমসুং লৌনগনবা লাইনা তরানিথোইগী মায়োক্তা ভারতকী অঙাংশিংবু তিকা থাদোক্নবা হোৎনবা অসিগীদমক প্রধান মন্ত্রী শ্রী নরেন্দ্র মোদী অমসুং শেলথুম মন্ত্রী শ্রীমতি নির্মলা সিতারমনবু মহাক্না তৌবিমল খঙবা অমদি থাগৎপা ফোঙদোকখ্রে।

মন্ত্রীনা হাব, “২০২১ বজেৎতা হেল্থ ইনফ্রাস্ত্রকচরদা ইনবেস্তমেন্ত তৌবা অসি শরুক ২.৩৭ নত্ত্রগা ১৩৭% হেনগৎহনখ্রে। লম অহুম মপাঙ্গল হাপ্পদা মীৎয়েং থমখ্রে – প্রিবেন্তিব হেল্থ, ক্যুরেতিব হেল্থ অমসুং ৱেল-বিং লোইননা হেল্থ সেক্তরদা অপুনবা এল্লোকেসন লুপা করোর ২,২৩,৮৪৬ অসিনা অরুবা তানফম অসিদা লৈবাক অসিবু চাউনা মতেং পাংলগনি”। মহাক্না হায় প্রধান মন্ত্রী শ্রী নরেন্দ্র মোদীনা কোবিদ-১৯গী মতমদা তেংবাং পীদুনা ৱাশক ঙাকপা খক্তা নত্তনা খুদোংথিবা অসি খুদোংচাবদা ওন্থোক্তুনা হেন্না চাউখৎপা পুরকখ্রে।

জল জীবম মিসনদা নৌনা মীৎয়েং চংবা, স্বচ্ছ ভারত অভিয়ান (অর্বান)গী অনিশুবা ফেজ অমসুং ক্লীন এয়র ইনিসিয়েতিব লৌখৎতুনা ভারতকী প্রজাশিংগী অপুনবা হেল্থতা তার্গেৎ তৌবা স্কীমশিং অসি লৌনগনবা লাইনাশিং শন্দোকপা থিংদুনা অমসুং পোলুসননা থোকহনবা লাইনাশিং ঙাকথোক্তুনা লাইনাগী পোৎলুম হন্থহন্নবা দিজাইন তৌখিবা অসিদা মহাক্না নুংঙাইবা ফোঙদোকখ্রে।

 দা. হর্শ বর্ধন্না পি.এম. আত্মা নির্ভর স্বাস্থ ভারত য়োজনা অসিবু থাগৎখ্রে। চহি ৬কী লুপা করোর ৬৪,১৮০গী আউৎলেগা লোইননা স্কীম অসিনা প্রাইমরী, সেকেন্দরী অমসুং তর্সরী হেল্থ কিয়র সিস্তেমশিংগী কেপাসিতীশিং হেনগৎহনগনি, অনৌবা অমসুং থোরকপা লাইনাশিং লায়েংনবা, খঙদোক্নবা অনৌবা ইন্সতিত্যুসনশিং লিংখৎহনগনি অমসুং হৌজিক লৈরিবা নেস্নেল ইন্সতিত্যুসনশিং মপাঙ্গল কনগৎহনগনি, হায়না মহাক্না ফোঙদোকখ্রে। “স্কীম অসিনা খুঙ্গংগী হেল্থ এন্দ ৱেলনেস সেন্তর ১৭,০০০ অমসুং সহরগী ১১,০০০গী মপাঙ্গল হাপকনি, জিলা পুম্নমক্তা অমসুং রাজ্য ১১গী ব্লোক পব্লিক হেল্থ য়ুনিৎ ৩৩৮২দা ইন্তিগ্রেতেদ পব্লিক হেল্থ লেবশিং লিংখৎকনি, জিলা ৬০২ অমসুং সেন্ত্রেল ইন্সতিত্যুসন ১২দা ক্রিতিকেল কিয়র হোস্পিতাল ব্লোকশিং লিংখৎকনি”, হায়না কেন্দ্রগী হকশেল মন্ত্রীনা ফোঙদোকখ্রে।

এন.সি.দি.সি.না অমদি অতোপ্পা পব্লিক হেল্থ ইন্সতিত্যুসনশিংনা কোবিদ লাইচৎ লাকশিনবদা লৌখিবা অচৌবা থৌদাংবু নীংশিংলদুনা মহাক্না হায়, “নেস্নেল সেন্তর ফোর দিজিজ কন্ত্রোল, মাগী রিজনেল ব্রাঞ্চ ৫ অমসুং মেত্রোপোলিতেন হেল্থ সর্ভিলেন্স য়ুনিৎ ২০গী মপাঙ্গল কনখৎহল্লগনি। কোবিদকী মায়োক্তা লৈবাক অসিনা চহি চুপ্পা লান্থেংনখিবগী এক্সপরিয়েন্স অসিনা কেন্দ্রগী বজেৎ শেম্বদা মতেং ওইখি। মসিনা ভারতকী হেল্থ ইনফ্রাস্ত্রকচরদা অচৌবা কান্নবা অমা পীরগনি।” মতুং তারকপদা মহাক্না পব্লিক হেল্থকী লমদা চাউনা হেনগৎহনবদা পব্লিক হেল্থ লেবশিংগা কন্নেক্ত তৌনবা রাজ্য/য়ু.তি. পুম্নমক্তা ইন্তিগ্রেতেদ হেল্থ ইনফোর্মেসন পোর্তেল চাউথোকপা, এয়রপোর্ত ৩২, সীপোর্ত ১১ অমসুং লেন্দ ক্রোসিং ৭, পোইন্ত ওফ এন্ত্রীশিংদা অনৌবা পব্লিক হেল্থ য়ুনিৎ ১৭ চল্লাইহনবা অমসুং হান্না লৈরিবা পব্লিক হেল্থ য়ুনিৎ ৩৩ মপাঙ্গল কনখৎহনবা, হেল্থ ইমর্জেন্সী ওপরেসন সেন্তর ১৫ অমসুং মোবাইল হোস্পিতাল ২ লিংখৎহনবা, ৱান হেল্থকী নেস্নেল ইন্সিতিত্যুসন অমা, দবল্যু.ঐচ.ও. সাউথ ইস্ত এসিয়া রিজনগী রিজনেল রিসর্চ প্লেৎফোর্ম অমা, বাইও-সেফতী লেবেল III লেবোরেতোরী ৯ অমসুং নেস্নেল ইন্সতিত্যুতস ওফ ভাইরোলোজী ৪ লিংখৎপা য়াওখি।

কোবিদ অমসুং অতোপ্পা লৌনগনবা লাইনশিং অমসুং মখোয়বু বেক্সিনেসনগী খুত্থাংদা ঙাকথোকপগী মতাংদা ৱা ঙাংদুনা মহাক্না হায়, “কোবিদ-১৯ বেক্সিনেসন দ্রাইভ অসি জনুৱারী ১৬তা ইকাই খুম্নরবা প্রধান মন্ত্রী শহরী নরেন্দ্র মোদীনা হৌদোকখ্রে অমসুং হৌজিক হেল্থ কিয়র ৱার্করশিং অমসুং ফ্রন্তলাইন ৱার্করশিংদা কাপ্লি; মতুং তারকপদা প্রাইয়োরিতী পেরামিদকী মতুং ইন্না বেক্সিন কাপকনি। মসিগীদমক শেলথুম মন্ত্রীনা লুপা করোর ৩৫,০০০ এল্লোকেৎ তৌখ্রে অমসুং করিগুম্বা মথৌ তারবদি অহেনবা ফন্দগী মতেং মহাক্না পীগনি হায়নসু ফোঙদোকখ্রে, মসিনা লৈবাক অসিগী থৌনা চাউনা হাপ্লগনি। ন্যুমোকোকল বেক্সিন, ‘মেদ ইন ইন্দিয়া’ প্রদক্ত অসি হৌজিল রাজ্য ৫দা খক্তা ফংলি, মসি লৈবাক শিনবা থুংনা রোল আউৎ তৌরগনি। মসিনা চহি অমদা অঙাং ৫০,০০০ হেন্না শীরিবা অসি ঙাকথোক্লগনি।”

হেল্থকী হোলিস্তিক নেচরগী মতাংদা ৱা  ঙাংলদুনা দা. হর্শ বর্ধন্না ন্যুত্রিস্নেল কন্তেন্ত, দেলিবরী, আউৎরীচ অমসুং আউৎকম হেনগৎহন্নবা মিসন পোশন ২.০গী মতাংদা পাউদমখি। মসিনা সপ্লিমেন্তরী ন্যুত্রিসন প্রোগ্রাম অমসুং পোশন অভিয়ান পুনশিনগনি অমসুং এস্পিরেস্নেল দিস্ত্রিক্ত ১১২দা ন্যত্রিস্নেল আউৎকমশিং হেনগৎনবা অকনবা লালোং অমগা প্রপোজ তৌখ্রে।

কেন্দ্রগী হকশেল মন্ত্রীনা রেস্পিরেতরী দিজিজ হন্থহনবদা অফবা নুংশিৎকী তঙাই ফদবা অদু ফোঙদোক্লদুনা মহাক্না হায়, “এয়র পোলুসনগী সমস্যা অসি লাকশিন্নবা অর্বান সেন্তর ৪২  লোইননা মীশিং মিলিয়ন অমা হেনবা অসি ফগহন্নবা বজেৎ অসিদা লুপা করোর ২,২১৭গী বজেৎ হাপখ্রে”। মহাক্না মখা তারদুনা হায়, “ভারতকী সহর লুনানহন্নবা, বজেৎ অসি মপুং ফানা ফিকেল স্লদজ মেনেজমেন্ত অমসুং ৱেস্ত ৱাতর ত্রীৎমেন্ত, গর্বেজ সেগ্রিগেসনগী সোর্স, সিঙ্গল-য়ুজ প্লাস্তিক হন্থহনবা, কনস্ত্রক্সন অমসুং দেমোলিসনগী থবক থৌরমশুংদগী থাদোরকপা ৱেস্ত মপুং ফানা মেনেজ তৌদুনা এয়র পোলুসন হন্থহনবা অমসুং লেগেসী দম্প সাইৎ পুম্নমক্তা বাইও-রিমেদিএসন তৌবা হায়রিবশিং অসিদা মীৎয়েং চংগনি। অর্বান স্বচ্ছ ভারত মিসন ২.০অসি ২০২১-২০২৬ ফাওবা চহি ৫ চংনা লুপা করোর ১,৪১,৬৭৮কী অপুনবা ফাইনান্সিএল এল্লোকেসন অঞগা লোইননা ইমপ্লিমেন্ত তৌগনি।”

দবল্যু.ঐচ.ও.না তোইনা অরুবা ঈশিং, সেনিতেসন অমসুং লুনানবা অকোইবগী ফীভম অসি য়ুনিভর্সেল হেল্থকী মথৌ তাবা অমনি হায়না তোইনা ফোঙদোকপদা পল্লদুনা মন্ত্রীনা হায়, “কেন্দ্রগী বজেৎনা জল জীবন মিসন (অর্বান) হৌদোক্নবা লাউথোকখ্রে। মসিনা অর্বান লোকেল বোদ ৪,৩৭৮তা য়ুমথোংদা তোতি কন্নেক্সন করোর ২.৮৬ পীদুনা য়ুনিভর্সেল ৱাতর সপ্লাই ফংহন্নবা লোইননা অমরুৎ সহর ৫০০দা লিক্বিদ ৱেস্ত মেনেজমেন্ত তৌনবা পান্দম থমখ্রে। মসি লুপা করোর ২,৮৭,০০০গী আউৎলেগা লোইননা চহি ৫ ইম্পলিমেন্ত তৌগনি।”

****