ইন্দিয়ন কোস্ত গার্দনা ২০২১গী ফেব্রুৱারীগী ১দা ৪৫শুবা রাইজিং দে পাকথোক্কদৌরি। ১৯৭৮তা সর্ফেস প্লেতফোর্ম ৭না শাবা পীক্না হৌখিবা, আই.সি.জি. য়াম্না কনবা ফোর্স জহাজ ১৫৬ অমসুং এয়রক্রাফ ৬৩ মশাগী ওইনা চাওখৎলে অমসুং ২০২৫তা সর্ফেস প্লেতফোর্ম ২০০ অমসুং এয়রক্রাফ ৮০গী থাক্তা ফোর্স লৈনবা পান্দম থম্লি।  

মালেমদা মরিশুবা খ্বায়দগী চাওবা কোস্ত গার্দ অমা ওইনা, ইন্দিয়ন কোস্ত গার্দনা ইন্দিয়ন কোস্ত অমসুং ইন্দিয়াগী শমুদ্রগী ওইবা মফমশিংদা চৎন-কাংলোন কয়া অমা ঙাক্তুনা চাওরবা থৌদাং অমা লৌরক্লি। মখোয়গী মোত্তো অসিদা অশেংবা ওইনা “বায়ম রক্ষামাহ” হায়বদি “ঐখোয়না ঙাক্লি”, থবক অসিনা ১৯৭৭দগী হৌরকপা অসিদা মীওই ১০,০০০গী পুন্সি কন্দুনা অমসুং লান্না তৌবা মীওই ১৪,০০০ রোম ফাজিন্দুনা মখোয়গী মথৌ পাংথোক্লি। চাংচৎতা কোস্ত গার্দনা শমুদ্রদা মিকুপ খুদিং মমল য়াম্লবা মীওই অমগী পুন্সি কল্লি।

‘কোবিদ-১৯’ লায়চৎনা মরম ওইদুনা অথিংবা কয়া অমা লৈরবশু, ইন্দিয়ন কোস্ত গার্দনা জহাজ ৫০ অমসুং এয়রক্রাফ ১২ শিজিন্নদুনা ইকোনোমিক জোনশিং অসি ২৪x৭ য়েংশিন্দুনা লৈখি। শমুদ্রদা শংলিবা অমসুং এয়রশিং অসিনা য়াম্না কুপ্ন য়েংশিনবা মরম্না লোন্না পুবা খুৎশু খুলায় লুপা করোর ১,৫০০গী শেনফম ওইগদবা ফাখি অমসুং মীরমগী ঙা ফাবা হি ১০গা লোয়ননা ইন্দিয়া ই.ই.জি.খক্তদা লান্না চংলকপা মীওই ৮০ অমশু ২০২০দা ফাগৎপা ঙমখি। চহি অমগী মমাংদা হৌদোকখিবা ‘প্রিবেন্তিব অমসুং মিজর রেস্পোন্জ’ না মমাং চহিদা লাকখিবা সাইক্লোন ১১ অসিদা ঙা ফাবা হি ৬,০০০ লোয়ননা ঙা ফাবা মী ৪০,০০০ রোম হিদাংফম তেক-কাইদনবা ঙাকখি, মসিনা শমুদ্রদা মীওই কয়া অমগী পুন্সি কনখি অমসুং পোৎ চৈ কয়া অমা অমাং অতাদগী কনখি।

ইকাই খুম্নরবা প্রধান মন্ত্রীগা ‘সাগর’ য়ান্নখিবা অমদা – মফম খুদিংদা তেক্ত কাইদ অমসুং চাওখৎলকপদা ইন্দিয়ন কোস্ত গার্দনা মিতর ৩৩৩ য়াম্না শাংবা শী লঙ্কাগী ক্রদ পুবা মোতোর তেঙ্কর ন্যু দাইমন্দ অসিদা পুবা মেত্রিক লাখ তোন ৩গী মৈনা চাকপা কনদুনা শমুদ্রগী পুৱারী অমা শেমখি, হায়রিবা অসিনা ইকোলোজিকেল দিজাস্তর অমা কনখি। মখা তানা, আই.সি.জি.না মৌরিসিয়স্তা মর্চেন্ত ভেসেল ৱাকাশিওদা মতেং তৌখি। আই.সি.জি.না শমুদ্রগা শম্নবা লৈবাকশিং অসিনা ক্রাইম কয়াদগী ঙাকথোকপদা মতেং পী অমসুং শমুদ্রগী ওইবা ঙাক-শেনবদা অমসুং ইন্দিয়ল ওসিনগী মফমশিংদা মতেং পীরি।     

শমুদ্রগী ওইবা অমসুং সিবিল এবিএসন সর্স অমসুং রেস্কু মেকানিজম অসিদা, আই.সি.জি.না নেস্নেল মেরিতাইম সর্স অমসুং রেস্কু বোর্দ মিতিং শিনখি অমসুং এস.এ.আর. এক্সর্সাইজ-২০২০ (এস.এ.আর.ই.এক্স.-২০২০) অসি মাস রেস্কু তৌনবা লৌখি। কোস্তেল সেক্যুরিতি অসি ঙাক্নবা অমসুং হেন্না হৈ-শিংনবা, অহানবা ওইনা সেমিনার অমা থৌবুশিং অসিগী মরক্তা পাংথোকখি। থবক অসি সেন্ত্রেল অমসুং স্তেতকী এজেম্সিশিং কোস্তেল সেক্যুরিতি মেকানিজম মপাঙ্গল কনখৎনবা থম্বনি।

ভারতকী রাস্ত্রপতি, উপ-রাস্ত্রপতি, প্রধান মন্ত্রী অমসুং দিফেন্স মিনিস্তরনা ইন্দিয়ন কোস্ত গার্দপু লৈবাক অসিদা চহি ৪৪ মপুং ফাবগী অমসুং শমুদ্রগী মফমশিংদা লৈবাক্কীদমক শিংথাবা য়াবা থবকশিং অসি তৌবগীদমক থাগৎপা ফোংদোকখি।

***