ভারতকী উপ রাস্ত্রপতী শ্রী এম. ভেঙ্কৈয়া নাইদুনা ২০২১গী ফেব্রুৱারী ১ (নিংথৌকাবা) নুমিৎকী নুমিদাংৱাইরম পুং ৬.৩০ তাবা মতমদা দিল্লী হাত, আই.এন.এ., ন্যু দিল্লীদা ত্রাইবেল এফিয়র্স মন্ত্রালয়গী ত্রিফেদনা শিনবা নেস্নেল ত্রাইবেল ফেস্তিবেল অমা ওইরিবা “আদি মহোতসব” হৌদোক্লগনি। ত্রাইবেল এফিয়র্সকী কেন্দ্রগী মন্ত্রি অর্জুন মুন্দানা হৌদোকপগী থৌরম অদুদা ময়াইগী তাংবলদা লেংশিনগনি। ত্রাইবেল এফিয়র্সকী রাজ্য মন্ত্রী শ্রীমতী রেনুকা সিংহ, ত্রিফেদকী চিয়র্মেন শ্রী রামেশ চান্দ মীনা, ত্রাইবেল এফিয়র্স মন্ত্রালয়গী সেক্রেতরী শ্রী আর. সুব্রাহমনিয়মনা হৌদোকপগী থৌরম অদুগী অথোইবা মীথুংলেনশিং ওইরগনি। আদি মহোতসব অসি ফেব্রুৱারী ১-১৫ ফাওবা পাংথোক্লগনি।

ত্রাইবেল কলচর, ক্রাফশিং, ক্যুজিন অমসুং কমর্সকী অপুনবা থৌরম অমা ওইরিবা আদি মহোতসব অসি ২০১৭দগী পাংথোকপা হৌখিবা চহিগী ওইবা মাই পাক্লবা অনৌবা থৌরাং অমনি। ফেস্তিবেল অসি লৈবাক্কী মফম খুদিংমক্তা লৈরিবা ত্রাইবেল কম্ম্যুনিতীগী ফজরবা অমসুং মশক নাইরবা ক্রাফ, কলচর অসি মীপুম খুদিংমক্তা মশক তাক্নবা থৌরম অমনি।

লাইচৎ অসিনা মরম ওইদুনা খুদোংচাদবা কয়ামরুম থোকখিবনা ত্রিফেদনা ২০২০দা আদি মহোতসব অমত্তা শিনবা ঙমখিদ্রে অদুম ওইনমক হৌজিক্তি মসি অমুক শিনবা হৌরগনি। দিল্লী হাত্তা পাংথোক্কদৌরিবা নেস্নেল ত্রাইবেল ফেস্তিবেল অসিদা ত্রাইবেল ওইবা আর্ত অমসুং ক্রাফ উৎপা অমসুং য়োনবা, মেদিসিন অমসুং হিল্লরশিং, ক্যুজিন অমসুং ফোল্ক পর্ফোর্মেন্সশিং উৎক্কনি অমসুং লৈবাক অসিগী রাজ্য ২০ হেনবদগী ত্রাইবেল আর্তিসানশিং, আর্তিস্তশিং অমসুং চেফশিংগী অপুনবা ১০০০মুক্না শরুক য়াগনি অমসুং মখোয়গী থাক ৱাংলবা চৎন-লোনচৎশিং অদু উৎকনি।

ঐখোয়গী অপুনবা মীশিংগী ৮% অসি ত্রাইবশিং ওইজরবসু মখোয় অসি ঐখোয়গী সোসাইতীগী খ্বাইদগী শোত্থরবা সেক্সনশিংগী মরক্তা লৈ। মহৌশাগী ওইবা ফজবশিংনা থল্লবা মখোয়গী পোৎলমশিং অসি পুক্নিং হুনিংঙাই ওইরি। খুৎনা লোনবা লশিংগী ফী, সিল্ককী ফীরোলশিং, শামতু, য়োৎকী পোৎলম, তেরাকোত্তা, নপ্পগী থবক্কুম্বা হেন্দিক্রাফশিংগী মখল কয়ামরুম অসি মাংহন্দনা থম্বা অমসুং অৱাংবা থাক্তা পুখৎপা মথৌ তাই। ত্রাইবেল এফিয়র্সকী নোদেল এজেন্সী অমা ওইনা লৈরিবা ত্রিফেদনা ত্রাইবেল মীয়ামগী পুন্সি মহিং অমসুং চৎনবীশিং ঙাক্তুনা থম্বগা লোইননা মখোয়গী শেন্মীৎলোন অমসুং হিংনবগী শিনফমশিং শেমগৎনবা কন্না হোৎনরি। 

*****