শেলথুম মন্ত্রালয়গী দিপার্তমেন্ত ওফ এক্সপেন্দিচরনা তেলঙ্গনাদা লুপা করোর ১৭৯গী অহেনবা শেন্ফমগী কেপিতেল প্রোজেক্ত অয়াবা পীখ্রে‍। মসি স্তেত অসিগী মমাঙদা অয়াবা পীখিবা লুপা করোর ১৭৯গী কেপিতেল প্রোজেক্তকী মথক্তনি‍। স্তেত অদুগী অহেনবা প্রোজেক্তশিং অসি মীয়ামগী য়াইফনবা হীরম মরিগী মনুংদা অহুমদা হায়বদি ৱন নেসন ৱন রেসন কার্দ, ইজ ওফ দুইং বিজিনেস, অমসুং অর্বান লোকেল বোদিজ রিফোর্ম হায়রিবশিং অসিদা অওনবা পুরকপগী থবক পায়খৎখিবগী মনা ওইনা পীবনি‍। প্রোজেক্তশিং অসি নৌনা হৌদোকখিবা “ফাইনান্সিএল এসিস্তেন্স তু স্তেতস ফোর কেপিতেল প্রোজেক্তস” স্কিমগী মখাদা অয়াবা পীবনি‍।

তেলঙ্গনানা স্কিম অসিগী মখাদা অহেনবা ফন্দ ফংবা অনিসুবা স্তেত ওইরে‍। মমাঙদা মধ্য প্রদেশতা খন্দোক্লবা হীরম মরিসিগী মনুংদা অহুমদা অওনবা পুরকপগী থবক পায়খৎখিবগীদমক লুপা করোর ৬৬০গী অহেনবা কোপিতেল প্রোজেক্তশিং সেংসন তৌখিবনি‍। স্তেতশিংনা অওনবা পুরক্নবা ভারত লৈঙাক্না খন্দোকখিবা মীয়ামগী য়াইফনবা হীরম মরিদুদি ৱন নেসন ৱন রেসন কার্দ রিফোর্ম্স, ইজ ওফ দুইং বিজিনেস রিফোর্ম্স, পৱার সেক্তর রিফোর্ম্স অমসুং অর্বান লোকেল বোদিজ রিফোর্ম্সনি‍।

অয়াবা পীখিবা লুপা করোর ১৭৯গী অহেনবা শেন্ফম অসিগী মনুংদা লুপা করোর ৮৯.৫০দি স্তেত অসিদা ১বা ইন্সতোলমেন্ত ওইনা থাদোকখ্রে‍। অহেনবা ফন্দ অসিনা পায়খৎকদবা তেলঙ্গনা স্তেত লৈঙাক্না খন্দোক্লবা কেপিতেল প্রোজেক্ত পুম্নমক লম্বী থোংগী সেক্তরদনি‍।

“স্পিসিএল এসিস্তেন্স ফোর কেপিতেল এক্সপেন্দিচর” স্কিম অসি শেলথুম মন্ত্রীনা আত্ম নিরভর ভারত পেকেজকী শরুক অমা ওইনা ওক্তোবর ১২, ২০২০দা লাউথোকখিবনি‍।

স্কিম অসি কোবিদ-১৯ লাইচৎনা মরম ওইরগা খাজনা কারকপা হন্থবদগী শেলথুমগী অৱাবা মায়োক্রিবা স্তেত লৈঙাকশিংগী কেপিতেল এক্সপেন্দিচর হেনগৎহন্নবা পান্দমদা পায়খৎপনি‍। কেপিতেল এক্সপেন্দিচর অসিদা হেন্না ৱাংবা মল্তিপ্লাইয়র ইফেক্ত, শেন্মিৎলোনগী তুংগী মতিং হেনগৎহনগদবা, অমদি শেন্মিৎলোন হেন্না চাউখৎহনগদবা মচাকশিং য়াওরি‍। মরম অদুনা, কেন্দ্র লৈঙাক্তা শেলথুমগী খুদোংচাদবা ফীভম মায়োক্নজরবসু, শেনবা চহী ২০২০-২১গী ওইনা কেপিতেল এক্সপেন্দিচরগী লমদা অখন্নবা তেংবাং পীননবা ফিরেপ লৌখিবনি‍।

স্কিম অসি স্তেত লৈঙাকশিংনা তরাম্না ওক্নখি‍। হৌজিক ফাওবদা স্তেত ২৭তগী লুপা করোর ১০৮৩৫.৫০গী কেপিতেল এক্সপেন্দিচরগী প্রোপোজেল শেলথুম মন্ত্রালয়না অয়াবা পীখ্রে‍। স্কিম অসিগী মখাদা অহানবা ইন্সতোলমেন্ত ওইনা স্তেতশিংদা লুপা করোর ৫৪১৭.৭০কী শেন্ফম থাদোকখ্রে‍। স্তেত স্তেতকী ওইনা অয়াবা পীখিবা অমদি থাদোকখিবা শেন্ফমশিং মসিদা হাপ্লি‍। তামিল নাদুনা স্কিম অসিগী কান্নবা লৌদ্রি‍।

কেপিতেল এক্সপেন্দিচর প্রোজেক্তশিং অসি হকশেল, খুঙ্গঙ চাউখৎহনবা, ঈশিং পীবা, লম্বী অমসুং থোং, ঈথৈ-লৌখোং, মৈ, ত্রান্সপোর্ত, মহৈ মশিং অমসুং ময়োল্লম চাউখৎহনবনচিংবা শেন্মিৎলোনগী তোঙান তোঙানবা হীরমশিংদা অয়াবা পীবনি‍।

স্কিম অসিগী শরুক অহুম লৈ‍। স্কিমগী অহানবা শরুক্না অৱাং-নোংপোক অমসুং চীংগী স্তেতশিং কোনশিল্লি‍। শরুক অসিগী মখাদা অৱাং-নোংপোক স্তেত ৭ মক্তা (অরুনাচল প্রদেশ, মেঘালয়া, মনিপুর, মিজোরাম, নগালেন্দ, সিক্কিম অমসুং ত্রিপুরা) লুপা করোর ২০০ অমসুং চীংগী স্তেত খুদিংদা (হিমাচল প্রদেশ অমসুং উত্তরাখন্দ) লুপা করোর ৪৫০গী শেন্ফম এলোকেত তৌখ্রে‍। মীশিং য়ামবা অমদি লম পাক চাউবগী য়েংলগা অসামদা লুপা করোর ৪৫০গী শেন্ফম স্কিম অসিগী মখাদা থুংলি‍।

স্কিম অসিগী ২শুবা শরুক্না ১বা শরুক্তা য়াওদবা স্তেত পুম্নমক্কীনি‍। শরুক অসিগী লুপা করোর ৭৫০০গী শেন্ফম খাক্তুনা থমখি‍। শেনফম অসি হায়রিবা স্তেতশিং অসিদা ২০২০-২১গী ১৫শুবা ফাইনান্স কম্মিসননা পীখিবা মরক্কী এৱার্দকী মতুং ইন্না মখোয় মখোয়গী কেন্দ্রগী খাজনাগী শরুক্কা চাননা থুংলি‍।

স্কিম অসিগী ৩শুবা শরুক্না স্তেতশিংদা তোঙান তোঙানবা মীয়ামগী য়াইফনবা অওনবা পুরকপদা থৌননবা পান্দম থম্লি‍। শরুক অসিগী মখাদা লুপা করোর ২০০০গী শেন্ফম খাক্তুনা থমখি‍। হায়রিবা শেনফম অসি অহেনবা শেন্ফম পুবগী অয়াবা পীননবা অওনবা পুরকপগা মরী লৈনননা মে ১৭, ২০২০দা শেলথুম মন্ত্রালয়গী চেরোলদা পনখিবা অওনবা পুরক্কদবা হীরম ৪গী মনুংদা য়ামদ্রবদা ৩দা ফেব্রুৱারী ১৫, ২০২১ ফাওবগী মনুংপা থবক পায়খৎপা স্তেতশিংদা ফংহনগদবনি‍।

স্কিম ফোর স্পিসিএল এসিস্তেন্স তু স্তেতস ফোর কেপিতেল এক্সপেন্দিচর

(লুপা করোরগী খুজিংদা)

*****