সমুদ্রদা লৈরিবা শাশিং অমসুং সমুদ্রগী থেঙ্গুশিং অসি কন্নবগী তঙাই ফদবা অসিগী মতুং ইন্না ঙসি ন্যু দিল্লীদা এনবাইরোনমেন্ত ফোরেস্ত অমসুং ক্লাইমেৎ চেঞ্জকী মন্ত্রালয়না(এম.ও.ই.এফ. অমসুং সি.সি.) ‘মেরিন মেগা ফৌনা স্ত্রান্দিং গাইদশিং’ অমসুং  ‘নেস্নেল মেরিন তর্তল এক্সন প্লান’ পুথোকখ্রে৷

ভর্চুয়েল ওইনা লো়্ঞ্চ তৌবগী থৌরম অসিদা ৱা ঙাংলদুনা মেরিন বাইওদাইভর্সিতী য়াওনা ফ্লোরেল অমসুং ফৌনা দাইভর্সিতী অনিমক অসিনা ভারত অসি ফজহল্লি অমসুং ঐখোয়না হায়রিবশিং অসি খ্বাইদগী ফবা মওং অমদা য়োক্তুনা থমগদবনি হায়না কেন্দ্রগী এনবাইরোনমেন্ত মন্ত্রীনা ফোংদোকখ্রে৷

ভারততা কি.মি. ৭,৫০০ শাংবা কোস্তলাইন লৈদুনা মেরিন বাইওদাইভর্সিতী য়াম্না মরাং কাইনা ফংই৷ য়াম্না ফজরবা মচু কয়াগী ঙাশিং, ৱেল শার্কশিং য়াওনা শার্কশিং, থেঙ্গুশিং অমসুং ৱেলশিং য়াওনা অচৌবা মম্মেলশিং, দোল্ফিনশিং অমসুং দুগোঙ্গশিং অসিদগী হৌদুনা অরংবা কোরেলশিং, মেরিন হেবিতেৎশিং অসিনা তোঙান তোঙানবা স্পিসিসশিং অসিগী মনুং চনবা খক্তা নত্তনা মীওইবনা হিংবদা তঙাই ফদনা চংবা মরু ওইবা রিসোর্চশিং পীরি৷

মেরিতাইম ত্রেদ অমসুং ত্রান্সপোর্ত, ফুদ, মিনরেল রিসোর্সেস, কল্চরেল ত্রেদিসনশিং, স্পিরিচুয়েল ভেল্যুশিং অমসুং মালেম অসিগী মফমশিং অসিদগী তুরিস্তশিং কৌশিল্লিবা এস্পিরসনশিং য়াওনা মীওই মিলিয়ন কয়ানা হায়রিবা রিসোর্চশিং অসিদা মখা পোন্দুনা লৈরি৷

ভারততা লৈরিবা মেরিন হেবিতেতশিং অসিনা মমল নাইদ্রবা ইকোনোমিক, ইকোলোজিকেল অমসুং কল্চরেল ভেল্যশিং পীরবসু  মেরিন মেগা ফৌনা স্পিসিস অমসুং মেরিন তর্তলশিং অসিনা মফম মরাং খঙদনা লৈবা অমসুং ফাবা পুনবা য়াওনা তোঙান তোঙানবা চেলে়ঞ্জ কয়ামরোম থেংনরি৷ অসিগুম্বা চেলে়ঞ্জশিং অসি থেংনবা মতমদা পুন্না থবক তৌমিন্নবা অমসুং মীয়াম পুম্নমক অমতা ওইনা শরুক য়ামিন্নবা মরু ওই, মসিনা মেরিন স্পিসিস অমসুং মখোয়গী হেবিতেৎশিং অসি মতম কুইনা কাইহন্দনা থম্বদা অচৌবা মতেং ওইরগনি৷

ঙসি পুথোক্লিবা দোকুমেন্ত অসিদা শাশিং অসি য়োক্তুনা থম্নবা ইন্তর-সেক্তোরেল এক্সন প্রমোত তৌনবা লম্বীশিং অমসুং উপাইশিং অসি য়াওবতা নত্তনা মেরিন মম্মেলশিং মফম মরাং খঙদনা লৈরিবা, ফাবা পুনবা য়াওরিবা, শোক্লিবা, শিরিবা অমসুং মেরিন তর্তলশিং অসি যোকখৎনবগী কেসশিং অসিদা য়েংশিন্নবা সরকার, সিভিল সোসাইতী অমসুং মরী লৈনবা স্তেকহোলদরশিং অসিগী মরক্তা লৈরিবা মরী অদু হেন্না ফনবা লমজিংলগনি৷

সমুদ্র মপানশিংদা মফম মরাং খঙদনা লৈরিবা শাশিং, সমুদ্রদা অমসুং হিশিংদা স্ত্রান্দেদ ওইনা নত্রগা ফাবা পুনবা তৌদুনা লৈরিবা শাশিং, অমগা অমগা মতেং পাংবা হেনগৎনবা মেনেজমেন্ত এক্সনশিং, মেরিন স্পিসিস অমসুং মখোয়গী হেবিতিৎতা পীরিবা চৈথেংশিং হন্থনবা, মাংশিল্লক্লবা হেবিতেৎশিং শেমগৎনবা, মীয়ামশিং হেন্না শরুক য়াহন্নবা, সাইন্তিফিক রিসর্চশিং হেন্না এদভান্স ওইনা পাংথোক্নবা অমসুং মেরিন মম্মেলশিং অমসুং মেরিন তর্তলশিং অমসুং মখোয়গী হেবিতেৎশিং অসিগী মতাংদা ই-পাউ এগচেঞ্জ তৌনবগী এক্সনশিং অদু মসিগী দোকুমেন্ত অনি অসিনা পল্লি৷

                                                                                        *****