কেন্দ্ৰীয় গৃহমন্ত্ৰী অমিত শ্বাহৰ অধ্যক্ষতাত অনুষ্ঠিত উচ্চ পৰ্যায়ৰ সমিতিয়ে ৰাষ্ট্ৰীয় দুৰ্যোগ প্ৰশমন পুঁজি(এনডিআৰএফ)ৰ অধীনত পাঁচ খন ৰাজ্যলৈ অতিৰিক্ত কেন্দ্ৰীয় সাহায্যত অনুমোদন জনাইছে। যিসমূহ ৰাজ্যই ২০২০ বৰ্ষত হোৱা বান/ভূমি-স্খলন আৰু ২০১৯-২০ ৰবি বৰ্ষত ব্যাপক ক্ষতিৰ সন্মুখীন হৈছিল সেই ৰাজ্যসমূহে এই সাহায্য লাভ কৰিব৷ অতিৰিক্ত কেন্দ্ৰীয় সাহায্য সন্দৰ্ভত কেন্দ্ৰীয় গৃহমন্ত্ৰীগৰাকীয়ে কয় যে প্ৰধানমন্ত্ৰী নৰেন্দ্ৰ মোদী নেতৃত্বাধীন কেন্দ্ৰীয় চৰকাৰে  অসম, অৰুণাচল, ওড়িশা, তেলেংগানা আৰু উত্তৰপ্ৰদেশৰ ভাই-ভনীসকলক সহায় কৰাৰ সংকল্প লৈছে, যিসকল প্ৰাকৃতিক দুৰ্যোগৰ দ্বাৰা প্ৰভাৱিত হৈছে৷

উচ্চ পৰ্যায়ৰ সমিতিয়ে পাঁচ খন ৰাজ্যলৈ ৰাষ্ট্ৰীয় দুৰ্যোগ প্ৰশমন পুঁজি(এনডিআৰএফ)ৰ অধীনত অতিৰিক্তভাৱে ১,৭১৫.০৫ কোটি টকাৰ কেন্দ্ৰীয় সাহায্যত অনুমোদন জনাইছে৷

২০২০ বৰ্ষৰ দক্ষিণ-পশ্চিম মৌচুমীৰ ফলত বান/ভূমিস্খলনত ক্ষতিক্ষপুৰণৰ বাবে অসমক ৪৩৭.১৫ কোটি টকা, অৰুণাচলপ্ৰদেশক ৭৫.৮৬ কোটি টকা, ওড়িশাক ৩২০.৯৪ কোটি টকা, তেলেংগানাক ২৪৫.৯৬ কোটি টকা আৰু উত্তৰপ্ৰদেশক ৩৮৬.০৬ কোটি টকা দিয়াৰ বাবে অনুমোদন জনোৱা হৈছে।

২০১৯-২০ ৰবি বৰ্ষত শিলাবৃষ্টিৰ বাবে উত্তৰপ্ৰদেশক ২৮৫.০৮ কোটি টকা অনুমোদন জনোৱা হৈছে।

এই প্ৰভাৱিত পাঁচখন ৰাজ্যৰ পৰা কোনো ধৰণৰ স্মাৰকপত্ৰলৈ অপেক্ষা নকৰি কেন্দ্ৰীয় চৰকাৰৰ এক আন্তঃমন্ত্ৰালয় গোটক ক্ষয়-ক্ষতিৰ বুজ ল’বলৈ প্ৰেৰণ কৰা হৈছিল৷

তদুপৰি, ২০২০-২১ বিত্তীয় বৰ্ষৰ বৰ্তমানলৈকে কেন্দ্ৰীয় চৰকাৰে ২৮খন ৰাজ্যক এছডিআৰএফৰ ১৯,০৩৬.৪৩ কোটি টকা আৰু ১১খন ৰাজ্যক এনডিআৰএফৰ ৪,৪০৯.৭১ কোটি টকা মুকলি কৰি দিছে।

***

NW/RK/PK/AY/DD/DB