হ্যুমেন রিসোর্স চাউখৎ-থৌরাংগী মন্ত্রালয়

স্তারস প্রোজেক্তা শেন্থং পীনবা দি.ই.এ অমসুং ৱার্ল্দ বেঙ্কগী মরক্তা য়ানচে খুৎয়েক পীনখ্রে

Posted On: 29 JAN 2021 12:27PM by PIB Imphal

ইজুকেসন মিনিস্ত্রিগী স্ত্রেংথনিং তিচিং-লার্নিং এন্দ রিজল্তস ফোর স্তেৎস(স্তারস) প্রোজেক পায়খৎনবা শেন্থং পীনবা ইজুকেসন মিনিস্ত্রি য়াওনা ইকোনোমিক এফেয়ার্স দিপার্তমেন্ত অমসুং ৱার্ল্দ বেঙ্কগী মরক্তা য়ানচে খুৎয়েক পীনখ্রে। ৱার্ল্দ বেঙ্কগী য়ু.এস দোল্লর মিল্লিয়ন ৫০০(চাউরাক্না লুপা করোর ৩৭০০)গী মতেংগা লোয়ন্না স্তারস প্রোজেক অসি পায়খৎপদা লুপা করোর ৫৭১৮ চঙগনি অমসুং লেমহৌরিবা অতৈ শেনফম্না চহি ৫গী মনুংদা শরুক য়ারিবা রাজ্যশিংনা মখোয়গী চাকথুং ওইনা পুথোক্কনি।

স্তারস প্রোজেক অসি ইজুকেসন মিনিস্ত্রিগী স্কুল ইজুকেসন অমসুং লিতেরেসি দিপার্তমেন্তগী মখাদা অনৌবা কেন্দ্রনা শেন্থং পুথোকপা স্কিম অমা ওইনা পায়খৎকনি। ২০২০গী ওক্তোবর ১৪দা স্তারস প্রোজেক্কী থৌরাং অসি কেন্দ্রগী মন্ত্রীমন্দলনা অয়াবা পীখ্রে। প্রোজেক অসি হিমাচল প্রদেস, রাজস্থান, মহারাস্ত্রা, মৈধ্য প্রদেস, কেরলা অমসুং উরিসাদা পায়খৎকনি। মশক খঙদোক্লবা রাজ্যশিং অসিদা লাইরিক তাকপী-তম্বীবগী থবকশিং মগুন হেনগৎহন্নবা মতেং পাংগনি।

খনগৎলবা রাজ্যশিং অসিদা ভারতকী লাইরিক তাকপী-তম্বীবগী থবকশিং য়েংশিনবা অমসুং চাংয়েং তৌবগী থবকশিং হিরম খুদিংমক্তা ফগৎহন্নবা থবক অসিনা পান্দম থম্লি। ইজুকেসন মিনিস্ত্রিগী স্কুল ইজুকেসন অমসুং লিতেরেসি দিপার্তমেন্তনা জাতিগী থাক্তা পায়খৎনবা মরুওইবা এজেন্সি অমা ওইদুনা হৌজিক চৎনরিবা সমাগ্রা সিক্ষাগী মখাদা পায়খৎলিবা থবকশিং অসিগা স্তারসকা পুন্না চৎমিন্নগনি। রাজ্যগী থাক্তা, প্রোজেক অসি সমাগ্রা সিক্ষাগী স্তেৎ ইমপ্লেমেন্তেসন সোসাইতিগী খুৎথাংদা পায়খৎকনি।

স্তারসকী মখাদা ৱার্ল্দ বেঙ্কনা মতেং পীনবা থৌরাং তৌরিবা অসি প্রোজগ্রাম ফোর রিজল্তস(পিফোরআর) কৌবা ফলদা য়ুম্ফম ওইরগা শেন্থং পীবগী মওংদা পায়খৎকনি। মসিনা দিসবর্সমেন্ত-লিঙ্ক ইন্দিকেতরস(দি এল আই)গী খুৎথাংদা মসিনা রাজ্যগী থাক্তা অচৌবা অওনবশিং পুরকপা ঙমহনগনি। প্রোজেক্কী অপাম্বা পান্দমশিং ফংবা ঙম্নবা রাজ্যশিং পুক্নিং থৌগৎনবা স্তেৎ ইন্সেন্তিপ গ্রান্ত(এস আই জি) শীজিন্নগনি। পিফোরআর ইন্সত্রুমেন্তগী দরকার মতুংইন্না এস.আই.জি মেত্রিক্স অসি মরক্তা ফংবা ফলশিংগা চুনবা ঙম্লে। ফন্দশিং পীথোকত্রিঙৈ মমাঙদা ফলশিং ইন্দিপেন্দেন্ত ভেরিফিকেসন এজেন্সি(আই ভি এ)অমনা মশক খঙদোক্কনি।

নেসনেল ইজুকেসন পোলিসি ২০২০গী তোঙান-তোঙানবা ৱারেপশিং হায়বদি অঙাং ওইরিঙৈদগী অমসুং মখোঙদগী লাইরিক তম্বগী থবক ফগৎহনবা, চাংয়েং তৌবগী থবক ফগৎহনবা, লাইরিক তম্বদা আই.সি.তি শীজিন্নবা, ওজাশিং ফগৎহনবা অমসুং ভোকেসনেল ইজুকেসন অসিনচিংবা থবক ওইনা পায়খৎনবা স্তারস প্রোজেক শীজিন্নগনি।

*****



(Release ID: 1693247) Visitor Counter : 211


Read this release in: English , Urdu , Hindi , Bengali