স্পোর্তস মিনিস্তর শ্রী কিরেন রিজিজুনা লুচিংদুনা য়ুমশকৈশা নুমিত্তা স্পোর্তস ওথোরিতি ওফ ইন্দিয়াগী ৫৪শুবা গভর্নিং বোদি মীফম পাংথোকখ্রে। নেসনেল সেন্তর ফোর এক্সলেন্স চাউখৎহন্নবা ৱাফমশিং মরুওইনা মীফম অদুদা খন্নখি। মীফম অদুদা অয়াবা পীখিবা মরুওইবা ৱাফমশিংদি মচাক-মথুমশিং শেমগৎতুনা নেসনেল সেন্তর ফোর এক্সলেন্স খুদিংমক অৱাংবা থাক্তা পুখৎপা, অখন্নবা এজেন্সি অমগী খুৎথাংদা হোস্তেলশিং অমসুং চাকশঙগী অশীন-অরাংগী থবকশিং শীন্নবা অমসুং তোঙান-তোঙানবা এন.সি.ও.ইশিংদা স্পোর্তস সাইন্সকী খুৎলায়শিং অমসুং মীওইশিং ফংহনবা অসিনি। নেসনেল সেন্তর ওফ এক্সলেন্সশিং মপুংফানা মথৌ পাংথোক্নবা অখঙ-অহৈশিং নেকপা হায়না মীফম  অদুদা ৱারেপ লৌখি।

খ্বাইদগী ফবা লৈফমগী খুদোংচাবশিং ফংহন্নবা অমসুং শান্নরোয়শিং নুংঙাইনবা থ্রি স্তারগী খুদোংচাবশিং থাক য়ৌনা পুখৎনবা তোঙান-তোঙানবা সাই সেন্তরশিংদা হোস্তেল, মেস  অমসুং চাকশঙগী অশীন-অরাংগী থবকশিং এক্সপার্ত এজেন্সি অমদা শীন্নবা হায়না মীফম অদুদা ৱারেপ লৌখি। কারনি সিংহ সুতিং রেঞ্জ অমসুং জে.এল.এন কমপ্লেক্সতা শাবা অনৌবা হোস্তেলশিংদা চাংয়েং ওইনা থবক অসি পাংথোকপা হৌরগনি।

মালেমগী শান্নরোয়শিং কোচ ওইনা হাপ্নবা মালেমগী চাংদম্নবশিংদা মেদল ফংলবশিং তোঙান-তোঙানবা কেদরশিংদা কন্ত্রেক নত্রগা দিপুতেসন্দা কোচ ওইনা নেক্নবা মীফম অদুদা ৱারেপ লৌখ্রে। হায়রিবা নিয়ম অসি দ্রোনাচার্য়া মনা ফংলবশিংদা চৎনগনি। স্পোর্তস মিনিস্তর শ্রী কিরেন রিজিজুনা হায়খি ঐখোয়গী শান্নরোয়শিং অসি ঐখোয়গী লৈবাক্কী চাউথোকচফমনি। ভারতকী শক্নাইরবা কোচশিং অমসুং শক্নাইরবা হান্নগী শান্নরোয়শিং সাই এন.সি.ও.ইশিংদা পুরক্নবা মমাঙদা ঐহাক্না লাউথোকখ্রবনি।

তোঙান-তোঙানবা পব্লিক সেক্তর অন্দরতেকিংস(পি এস য়ু) অমসুং সরকারগী ওইনা থবক তৌরিবা শক্নাইরবা কোচশিং কোচিংগীদমক দিপুতেসন্দা সাইদা লাক্নবা খঙহনগনি। মসি সাইগী এন.সি.ও.ইশিংদা ভারতকী শক্নাইরবা কোচশিং অমসুং শক্নাইরবা হান্নগী শান্নরোয়শিং পুরক্নবা মিনিস্তরনা থাজবা পীখিবা অদুগী মতুংইন্না পাংথোক্কদবনি।

মতম অমতদা নহা ওইরিবা শান্নরোয়শিং মখোয়গী লাইরিক তম্বা অমসুং শান্নবা ঙম্নবা ত্রেনিশিংগী লাইরিক-লাইশু তম্বগী দরকার ওইবশিং ফংহন্নবা সাই সেন্তরশিংদা কেম্পস স্কুলশিং লিংখৎলগনি। খ্বাইদগী ফবা লৈফম অমসুং চাফমগী খুদোংচাবশিং ফংহন্নবা হোস্তেলশিং শেমগৎপা দরকার ওই। মরম অসিনা মতমগী অনৌবা তেক্নোলোজিশিংগী খুৎথাংদা মালেম থাক্কী লাইরিক-লাইশু তম্বগী খুদোংচাবা ফংনবা অমসুং ফজনা শেমগৎ-শানবা, মথৌ পাংথোক্নবা অমসুং অশীন-অরাং তৌনবা স্কুলশিং লিংখৎনবা অমসুং হোস্তেলশিং থবক তৌনবা প্রাইবেত/পব্লিক সেক্তরশিং নেক্কনি।

লৈবাক শীনবা থুংনা লৈরিবা এন.সি.ও.ইশিংগী মচাক-মথুমশিং শেমগৎনবা অমসুং হেন্না ফগৎহন্নবা লুপা করোর ১০০গী প্রোজেকশিং গভর্নিং বোদিনা অয়াবা পীরে। হায়রিবা প্রোজেকশিং অসিগী মনুংদা বেঙ্গলোরদা হোস্তেলশিং শাবা অমসুং দিল্লিদা আই.সি স্তদিয়ম শাবা অমসুং হৌজিক লৈরিবা তোঙান-তোঙানবা খুদোংচাবশিং ফগৎহনবা অমসুং শান্নবুংশিং শেমগৎপা য়াওরি।

শান্নরোয় অমা শেমগৎপদা স্পোর্তস সাইন্সকী থৌদাং খঙলদুনা, অহানবা তাঙ্কক্তা কোনশিনবা ঙমখিদ্রবা লেমহৌরিবা এন.সি.ও.ইশিংগীদমক ফিজিওথেরাপিগী খুৎলায়শিং লৈনবা অমসুং ফিজিওথেরাপিস্তশিং অমসুং দোক্তরশিং নেক্নবা মীফম অদুদা ৱারেপ লৌখ্রে।

মীফম অদুদা সেক্রেতরি(স্পোর্তস) শ্রী রবি মিত্তল; সাইগী দি.জি শ্রী সন্দিপ প্রধান; আই.ও.এগী সেক্রেতরি জেনেরেল শ্রী রজিব মহেতা; শাক্নাইরবা ফুতবোল শান্নরোয় বাইচুং ভুতিয়া অমসুং হান্নগী ইন্তরনেসনেল স্বুইমর শ্রী খাজান সিংহ শরুক য়াখি।

****