রাজস্থান্না শেল থুম মন্ত্রালয়গী এক্সপেন্দিচর দিপার্তমেন্তনা হায়বগী মতুং ইন্না অর্বান লোকেল বোদী (য়ু.এল.বি.)গী শেমদোকপশিং মাই-পাক্না লোইশিনবা ঙম্বা লৈবাক অসিগী ৫শুবা রাজ্য ওইদুনা মসিগা মরী লৈনবা অহেনবা শেনফম পুশিনবগী অয়াবসু ফংখ্রে। হীরম অসিগা মরী লৈনননা, রাজ্য অসিনা ওপন মার্কেৎ বোরোৱিংগী খুত্থাংদা অহেনবা শেনফম লুপা করোর ২,৭৩১ শিজিন্ননবা এক্সপেন্দিচর দিপার্তমেন্তনা অয়াবসু পীখ্রে।

রাজস্থান্না য়ু.এল.বি.গী শেমদোকপশিং লোইশিনবা ঙমখ্রবা অতোপ্পা রাজ্য মরি, মিং ওইনা পল্লবদা, আন্ধ্র প্রদেশ, মধ্য প্রদেশ, মনিপুর অমসুং তেলঙ্গনাগী মরক্তা চনখ্রে। মসিগী শেমদোকপগী থৌওংশিং অসি লোইশিনখিবগা লোয়ননা, মসিগী রাজ্য ৫ অসিনা অপুনবা লুপা করোর ১০,২১২গী অহেনবা শেনফম পুশিনবগী অয়াবসু ফংনখ্রে। রাজ্যশিংগী ওইনা অহেনবা পুশিনবা য়াখ্রবা শেনফমশিংগী অকুপ্পা ৱারোলশিং মখাদা পীরিঃ

য়ু.এল.বি. অমসুং অর্বান য়ুতিলিতীগী শেমদোকপশিং পাংথোকপগী পান্দমদি রাজ্যশিংগী মনুংদা য়ু.এল.বি.শিংগী মপাঙ্গল কনখৎহন্দুনা মীয়ামদা হেন্না ফগৎপা মীয়ামগী হকশেল অমসুং সেনিতেসনগী সেবা পীবা ঙমহন্নবনি। শেন্মিৎলোনগী মপাঙ্গল হাপ্লবা য়ু.এল.বি.শিং অসিনা অফবা সিবিক ইনফ্রাস্ত্রকচরসু শেম-শাগৎপা ঙমগনি।

মসিগী পান্দমশিং অসি ফংনবগীদমক্তা, এক্সপেন্দিচর বিভাগনা হায়বা শেমদোকপগী থৌওংশিং অদুদিঃ

১) রাজ্যশিং অসিনা হীরমশিং অসিগী মতাংদা পাউ পীবাঃ

ক) হৌজিক লৈরিবা সর্কল রেৎকা চান্নবা য়ু.এল.বি.শিংদা চৎনবা প্রোপর্তী তেক্সকী ফ্লোর রেৎ (হায়বদি, প্রোপর্তী ত্রাঞ্জেক্সনগী রেৎকী কাঙলোন) অমসুং;

খ) হৌজিক লৈরিবা মমল নত্ত্রগা মমাংদা লৈখিবা ইনফ্লেসনগী ফিভম উৎপা থক্নবা ঈশিং, ঈশিং চুথফম অমসুং ঈশিং চেনফম লৈহনবগা মরী লৈননা মসিবু শিজিন্নরিবা মীওইশিংনা পীরিবা ফ্লোর রেৎ।

২) রাজ্যশিং অসিনা মমল হেনগৎলকপগী মতুং ইন্না প্রোপর্তী তেক্স/শিজিন্নরিবা মীওইশিংনা থীরিবা ফ্লোর রেৎশিং মতম নায়না হেনগৎপগী পথাপ অমা শেম্বা।

কোবিদ-১৯গী লাইচৎ অসিনা ওইহল্লকপা শিংনবশিং থেংনবা ঙম্নবা রিসোর্সকী তঙাই ফদবা লৈরিবা অসি য়েংলুরবা মতুংদা, ভারত সরকারনা মে ১৭, ২০২০দা রাজ্যশিংনা শেল পুশিনবা য়াবগী অকক্নবা অসি  মখোয়গী গ্রোস স্তেৎ দোমেস্তিক প্রদক্ত (জি.এস.দি.পি.)কী ২%গী চাংদা হেনগৎখি। মসিগী অখন্নবা অয়াবা অসি রাজ্যশিংনা মীয়ামগীদমক্তা শেমদোকপগী থৌওং পাংথোকপগা মরী লৈনহনখি। রাজ্যশিংনা সেক্তর খুদিংদা হায়রিবা শেমদোকপশিং অসি মাই-পাক্না লোইশিল্লবা তুংদা মখোয়গী জি.এস.দি.পি.গী শরুক্কী ০.২৫%গা মান্নবা শেনফম শিনবগী অয়াবা ফংগনি। শেমদোকপগী থবক পাংথোক্নবা মীয়ামগী কান্নগদবা হীরম মরি অদু মখাদা পীরিঃ

১) লৈবাক অমা, রেসন কার্দ অমগী পথাপ্পু থবক ওইনা পাংথোকপা

২) কারবার তৌবদা লাইহন্নবা শেমদোকপা

৩) অর্বান লোকেল বোদী/য়ুতিলিতীগী শেমদোকপশিং

৪) পাৱর সেক্তরগী শেমদোকপশিং

অহেনবা শেনফম শিনবা য়াবগী অয়াবা পীবগা শেমদোকপগী থবকশিংগা মরী লৈনহনবা অসিনা রাজ্য কয়াদা মীয়ামগী কান্নগদবা হীরম মরিদা শেমদোকপগী থবক কয়া পাংথোকহনখি। হৌজিক ফাওবগী ওইনা, রাজ্য ১১না লৈবাক অমা, রেসন কার্দ অমগী পথাপ, রাজ্য ৮না কারবার তৌবদা লাইথোকহনবগী শেমদোকপা, রাজ্য ৫না লোকেল বোদীগী শেমদোকপা অমসুং রাজ্য ১না পাৱর সেক্তরগী শেমদোকপশিংবু থবক ওইনা পাংথোক্নখ্রে। শেমদোকপগী থবক পাংথোকখ্রবা রাজ্যশিংদা শেমদোকপগা মরী লৈনবা অহেনবা শেনফম পুশিনবগী অয়াবা পীখিবগী অপুনবা শেনফম অসি হৌজিক ফাওবগী ওইনা লুপা করোর ৬৫,৪৯৩ ওইরি।

****