লৈবাক শিনবা থুংনা কোবিদ-১৯ বেক্সিনেসন প্রোগ্রাম অসি তরামথোই শুবা নুমিৎতা মাই পাক্না পাঙথোকখ্রে।

লৈবাক অসিদা রিপব্লিক দেগী থৌরম পাল্লন তৌবা অসিনা ঙসি অকক্নবা রাজ্যশিং অকক্নবা মশিংদা সেসনশিং পাঙথোকখ্রে।

ঙসিগী নুমিদাং পুং ৭ ফাওবদা ফংবা প্রোবিজনেল রিপোর্তকী মতুং ইন্না রাজ্য মঙাদা বেনিফিসরী ৫,৬১৫দা বেক্সিন কাপখ্রে। মখোয় অদুদি অন্ধ্র প্রদেশ (৯), কর্নাতকাদা (৪২), রাজস্থান্দা (২১৬), তামিল নাদুদা (৪৯২৬) অমসুং তেলঙ্গনা (৩৫) হায়রিবশিং অসিনি। ঙসি নুমিদাং পুং ৭ ফাওবদা সেসন ১৯৪ পাঙথোকখ্রে।

কোবিদ ১৯গী মায়োক্তা বেক্সিন কাপখ্রবা হেল্থকিয়র ৱার্করশিংগী অপুনবা মশিং অসি ঙসি লাখ ২০.২০ হেনখ্রে। প্রোবিজনেল রিপোর্তকী মতুং ইন্না সেসন ৩৬,৫৭২গী খুত্থাংদা পুন্না বেনিফিসরী ২০,২৯,৪২৪ (ঙসি নুমিদাং পুং ৭ ফাওবদা) বেক্সিন কাপখ্রে।

অরোইবা রিপোর্ত ঙসি নুমিদাং অথেংবদা মপুং ফংগনি।

বেক্সিনেসন দ্রাইভকী তরা-মাথোই শুবা নুমিৎকী নুমিংদাং পুং ৭ ফাওবদা এ.ই.এফ.আই. ৬ রিপোর্ত তৌখ্রে।

****