উপ-রাস্ত্রপতি, শ্রী এম. ভেঙ্কয়া নাইদুনা গনতন্ত্রা দিবস নুমিৎকা মাংওইননা লৈবাক মীয়ামদা য়াইফ-পাউজেল পীখ্রে। মহাক্কী অপুনবা ৱারোল অদু মখাদা পীরিঃ

“ঐহাক্না গনতন্ত্রা দিবস নুমিৎকী হরাওরবা নুমিৎ অসিদা ঐহাক্কী লৈবাক মীয়ামদা য়াইফ-পাউজেল পীজরি।

ঙসিগী নুমিৎ অসিদা, ঐখোয়না সংবিধান অমসুং ঐখোয়গী গনতন্ত্রা হৌদোকখিবগী য়ুম্ফম ওইবা ৱাখল্লোনশিং – নিং-তম্বা, মান্নবা, থবক মান্নবা অমসুং মীয়াম খুদিংদা অচুম্বা ৱায়েল পীবা, অসিদা খোঙফম চেৎপা অসি অমুক্কা হন্না উৎকদবনি। ঐখোয়গী সংবিধানগী ওইবা ভেল্যু অসিনা নীংথিবা ৱাখল খনবা ঙম্বা লৈবাক অমা শেম্বগী ৱাখল্লোন্নি অমসুং মসিনা ঐখোয়গী গনতন্ত্রগী মরা চেৎহন্নবা মরু ওইবা পোৎলম অমসু ওইরিবনি।

ঙসি, ভারত অসি তৌবা ঙম্বগী মতিক্না থন্দুনা হীরম খুদিংদা তুং কোইনা চাউখৎপগী থৌওং খুদিংমক মনুং চনবা লম্বী অমদা মাং থাদুনা চৎলিবা লৈবাক অমা ওইরবনি। ঐখোয়গী গনতন্ত্রা অসি মতিক-মগুন য়াম্না লৈ অমসুং ঐখোয়না নীংথিবা লৈঙাক্তা খোঙফম চেৎলি অমসুং নুং-পান ফাওনা উবা ঙম্বগী থৌওং অসিসু হান্নদগী হেন্না মপাঙ্গল লৈরে। ঙসিগী শেংলবা নুমিৎ অসিদা, ঐখোয় খুদিংমক্না লৈবাক অসিগী চাউখৎপগী য়ুম্ফম ওইরিবা ৱাখল্লোনশিং অমসুং সংবিধানগী ভেল্যুশিং অসিবু অৱাংবা থাক্তা পুখৎনবা ৱারেপশিং অদুবু অমুক্কা হন্না নৌথোকহনবগা লোয়ননা মীপুম খুদিংমক মনুং-চনবা, তংদু-লৈতাবা, নুংশী-চান্ননা লৈবা অমসুং চাউখৎপা ভারত অমা শেম্নবগীদমক্তা ইশাবু কত্থোক্লসি।

ঙসিগী নুংঙাইরবা নুমিৎ অসিদা, ঐখোয়গী লৈবাক অসিগী মাই-পাকপশিংগী হরাওবা ফোংদোক্লসি অমসুং ইশাবু হেন্না থাজবা অমসুং লিরবা চৎনবীশিংবু মখা তানা চত্থদুনা মালেমগী শান্তি লৈনবা অমসুং হীরম খুদিংদা চাউখৎহন্নবা তেংবাংবা মরমদোম লেপচবা ঙম্বা ভারত অমা শেম্নবা অচেৎপা ৱারেপ অমা লৌরসি”।

*****