প্রধান মন্ত্রী শ্রী নরেন্দ্র মোদীনা প্রধান মন্ত্রী রাস্ত্রিয়া বাল পুরস্কার (পি.এম.আর.বি.পি.) এৱার্দীশিংগী ঙসি ভিদিও কনফরেন্সকী থোংদা ৱারী শাখ্রে। থৌরম অসিদা নুপী অমসুং অঙাংগী চাউখৎ থৌরাং মন্ত্রালয়গী কেন্দ্রগী মন্ত্রী শ্রীমতি সম্রিতি সুবিন ইরানিসু শরুক য়াখ্রে।

রাস্ত্রিয়া বাল পুরস্কার এৱার্দীশিংবু মখোয়গী মাই পাকপা অসিদা থাগৎপা ফোঙদোক্লদুনা , প্রধান মন্ত্রীনা হায় চহি অসিগী এৱার্দশিং অসি য়াম্না থোইদোকপা অমা ওই মরমদি ফংলিবশিংনা মসি কোরোনাগী ৱারবা মতমশিংদা মখোয়না ফংখিবনি। ৱারী-ৱাতাই শাবা অদুদা প্রধান মন্ত্রীনা স্বচ্ছতা ইহৌগুম্বা মরু ওইবা বেহেবিয়রেল-চেঞ্জ কেম্পেনশিংদা অঙাংশিংনা থৌদাং লৌবা অদু শক খঙবিখ্রে। মহাক্না হায় অঙাংশিংনা কোরোনাগী মতমগী মনুংদা খুৎ-শা হাম্বগী কেম্পেন অসিগুম্বা কেম্পেনশিংদা শরুক য়ারকপনা কেম্পেনশিং অসিনা মীয়ামগী পুক্নিং চিংশিনবা ঙমখি অমসুং মাই পাকপা ঙমখি। প্রধান মন্ত্রীনা চহি অসিদা পীখিবা এৱার্দশিং অসিগী লম মখলশিং অদু খংজিনখ্রে।

অপিকপা ৱাখল্লোন অমা অচুম্বা খোঙথাংনা তেংবাংলবদি মদুগী মহৈ অদু অফবা ওই হায়না প্রধান মন্ত্রীনা উবা ফংখি। মহাক্না অঙাংশিংদা থবক্তা থাজবা থম্নবা খংহনখ্রে মরমদি ৱাখল্লোন অমসুং থবক অনিগী মরীনা খোঙথাং কয়া পাইখৎহনদুনা মীওই কয়ানা অফবা থবকশিং তৌনবা ইথিল পীরি। প্রধান মন্ত্রীনা অঙাংশিংদা মখোয়না মিংচৎ ফংলে হায়দুনা হোৎনবা লেপ্তনবা অমসুং মখোয়গী পুন্সিদা হেন্না অফবা ফলশিং পুরক্নবা মখোয়না লেপ্পা লৈতনবা হোৎননবা পাউতাক পীখ্রে।

প্রধান মন্ত্রীনা অঙাংশিংদা মখোয়গী ৱাখলদা থবক অহুম, ৱাশক অহুম থম্নবা হায়খ্রে। অহানবদা অরেপ্পা লৈতনবা ৱাশকপা। থবকশিং তৌবদা খোঙজেল হন্থহল্লোইদবনি। অনিশুবদা লৈবাক্কীদমক্তা ৱাশকপা। করিগুম্বা ঐখোয়না লৈবাক্কীদমক্তা থবক তৌরবা অমসুং থবক খুদিংমক লৈবাক্কীনি খন্না তৌরবদি থবক অদু ইশাগী তৌবদগী হেন্না চাউগনি। মহাক্না অঙাংশিংদা নীংখা-তম্বগী চহি ৭৫শুরকপা অসিদা মখোয়না লৈবাক্কী করি তৌবা য়াবগে খল্লু হায়খ্রে। অহুমশূবা ৱাশক অসিনা নোলুকপা অসিনি। মাই পাকপা খুদিংমক্না হেন্না নোলুকপা ওইহনগদবনি মরমদি নোলুকপনা ঐখোয়না মাই পাকপদা অতোপ্পশিংগী ঐখোয়না হরাও নুংঙাইবা ফোঙদোকমিন্নবা ঙমগনি।  অসি হায়দুনা প্রধান মন্ত্রীগী ৱারোল লোইশিনখি।

রাস্ত্রিয়া বাল পুরস্কার এৱার্দীশিংগা প্রধান মন্ত্রীনা ৱারী শাখিবা অসিদা তৌবিমল খঙবা উৎলদুনা শ্রীমতি সম্রিতি জুবিন ইরানিনা মহাক্কী থৌরম হৌদোকপী ৱারোলদা হায়  মহৈরোইশিংগা ৱারী ৱাতাই শাদুনা ‘ওজাগী নুমিৎ’তা এজুকেসনগী মরু ওইবা নত্ত্রগা ‘পরিক্ষা পর চর্চা’দা মহৈরোইশিংগী অৱাবা সিয়র তৌববু ওইরবসু প্রধান মন্ত্রীগী প্রোগ্রামশিং অসি অঙাংশিংদা য়াম্না ইথিল পীনিংঙাই ওই। মন্ত্রীনা হায় চহি কুনথ্রাগী মতুংদা এন.দি.এ. সরকারনা ন্যু ইন্দিয়াগী য়ুম্ফম অসি হেন্না মপাঙ্গল লৈনবা ন্যু এজুকেসন পোলিসী অসি পুরকখি। বেতি বচাও বেতি পরাও স্কীমগী মতাংদা মহাক্না হায় বি.বি.বি.পি.গী মখাদা কান্নবশিং ফংলবা মতুংদা ঙসি ইচানুপীশিংনা নুংঙাইনা হিংলি। মন্ত্রীনা এৱার্দ অসি ফংখিবা অঙাং পুম্নমক্তা থাগৎপা ফোঙদোকখ্রে। থৌরম অসিদা পি.এম.আর.বি.পি.গী এৱার্দীশিংদা প্রজেন্তেসন অমা উৎখ্রে।

অঙাং ৩২দা প্রধান মন্ত্রী রাস্ত্রিয়া বাল পুরস্কার, ২০২১ পীখ্রে। ভারত সরকারনা থোইদোক হেনদোকপা মথৌনা লৈবা অমসুং ইন্নোবেসন, মহৈগী লমদা মাই পাকখিবশিং, শান্ন-খোৎনবা, আর্ত অমসুং কলচর, সোসিএল সর্ভিস অমসুং মথৌনা লৈবগী লমশিংদা প্রধান মন্ত্রী রাস্ত্রিয়া বাল পুরস্কারগী মখাদা বাল শক্তি পুরস্কার পীরি।

এৱার্দ ফংখ্রবা অঙাংশিং অদু রাজ্য/য়ু.তি. ২১গী জিলা ৩২দগীনি। আর্ত অমসুং কলচরগী লমদা এৱার্দ ৭ পীখি, ইন্নোবেসন্দা এৱার্দ ৯ অমসুং মহৈ মশিংগী ওইবা মাই পাকপদা ৫ পীখ্রে। অঙাং ৭নে শান্ন-খোৎনবগী লমদা ফংখি, অঙাং ৩না থৌনা ফবগীদমক্তা পীখি অমসুং অঙাং অমনা সোসিএল সর্ভিসকী লমদা ইকাই খুম্নবা ফংখ্রে। এৱার্দ অমমমদা মেদল অমা, শেলগী মনা ওইনা লুপা ১,০০,০০০/-, সর্তিফিকেৎ অমা অমসুং সাইতেসন অমা য়াওখি।

সাইতেসন বুকলেৎতা  য়াওবা বাল পুরস্লার এৱার্দীশিংগী অকুপ্পা মরোলশিং। মসিগী লিঙ্ক অসিদা নম্বীয়ু :

********