কেন্দ্রগী এজুকেসন মন্ত্রী শ্রী রামেশ পোখ্রিয়ল ‘নিশঙ্ক’না ঙসি ভর্চ্যুএল ওইনা এগ্রি-ফুদ তেকাথোন ২০২১ হৌদোকখ্রে। ‘এগ্রি-প্রিনোর্দ’ শেম্নবা লৌউ-শিংউ অমসুং ফুদ তেক্নোলোজী দোমেন্দা ইন্নোবেতিব ওইবা ৱাখল্লোনশিং ইনক্যুবেৎ তৌনবা এগ্রি-বিজিনেস ইনক্যুবেসন সেন্তর (এ.বি.আই.সি.)গী উরেপ উয়ুংসু তমখ্রে। আই.আই.তি. খরগপুরগী দিরেক্তর প্রোফেসর ভি.কে. তিৱারি, এন.এ.বি.এ.আর.দি.গী চিয়রমেন মিস্তর দা. জি.আর. চিন্তলা অমসুং লৈবাক অসিদগী পার্তিসিপেন্তশিংনা থৌরম অসিদা শরুক য়াখ্রে।

থৌরম হৌদোকপদা ৱারোল পীরদুনা শ্রী পোখ্রিয়লনা আই.আই.তি. খরগপুরগী অমসুং এন.এ.বি.এ.আর.দি.বু তোপ-তোপ্পা থৌরাং অসিগীদমক থাগৎপা ফোঙদোকখ্রে। মহাক্না হায় এগ্রি-ফুদ তেকাথোন ২০২১গী মখাদা স্তার্তঅপশিং ইনক্যুবেৎ তৌনবা ইকোসিস্তেম অমা শেম্বগী মঙলান অসিনা ঐখোয়গী লৈবাক অসিগী লৌমীশিংবু মতেং পাংনবা সাইন্স অমসুং তেক্নোলোজী অমদি লৌউ-শিংউ পুশিনবা ঙমহল্লগনি। অসিগুম্বা থৌরাংশিং অসিনা ‘ভোকেল ফোর লোকেল অমসুং লোকেল ফোর গ্লোবেল’গী খোঙথাংবু ঐখোয়গী লৈবাক্কী কাচিন-কোয়া য়ৌহনবদা মতেং পাংগনি। এগ্রি-ফুদ তেকাথোন অসিগী অচৌবা কান্নবশিং লৈ হায়না ফোঙদোক্লদুনা শ্রী পোখ্রিয়লনা হায় তেকাথোন অসিনা আত্মানির্ভর ভারতকী য়ুম্ফম ওইরগনি অমসুং ভারতপু বিশ্বাগুরু অমা ওইহনবদা মতেং পাংগনি।

ন্যু এজুকেসন পোলিসী ২০২০ (এন.ই.পি.)না ভারতপু মালেমগী লুচিংবা অমা ওইহনগনি হায়না ফোঙদোক্লদুনা হায় আই.আই.তি. খরগপুরনা এন.ই.পি.গী মঙলান মঙফাওনবা ঙম্নবা খুমাংচাউশিল্লি খঙবদা মহাক্না নুংঙাইবা পোকই। মহাক্না এন.ই.পি. মাই পাক্না ইমপ্লিমেন্ত তৌনবা মাংজিল থানা হোৎন্ননবা স্তেকহোল্দর পুম্নমক্তা হায়খ্রে।

ইন্দিয়ন ইন্সতিত্যুত ওফ তেক্নোলোজী খরগপুরনা এন.এ.বি.এ.আর.দি.গা চুংশিন্নদুনা ভারতকী নহারোলশিংবু এগ্রি-ফুদ সেক্তরগী তোঙান তোঙানবা দোমেনশিংদা ইন্নোবেসন অমসুং ওন্তোপ্রিনোশিপ্তা শরুক য়ান্নবা থৌগৎলিবা অহানবা মখলগী থৌরম ‘এগ্রি-ফুদ তেকাথোন ২০২১’ (এ.এফ.তি. ২০২১) পাঙথোকখ্রে।

এ.এফ.তি. ২০২১ অমসুং এ.বি.আই.সি.গী অহেনবা মরোলগীদমক মসিদা চংবীয়ু:

https://kgpchronicle.iitkgp.ac.in/agri-food-techathon-aft-2021/

****