কেন্দ্রগী গৃহ মন্ত্রী শ্রী অমিৎ শাহনা ইতিহাসিক ওইরবা বোদোলেন্দ তেরিতোরিএল রিজন (বি.তি.আর.) এগীমেন্তগী চহি অমা ফাবগী কুমওন পাল্লন তৌনবা অসামগী কোকরাজারদা পাঙথোকখিবা অখন্নবা থৌরম অমদা ঙসি শরুক য়াখ্রে। প্রোগ্রাম অসিদা অসামগী মুখ্য মন্ত্রী শ্রী সর্বানন্দা সোনোৱাল, শেলথুম অমসুং হকশেল মন্ত্রী দা. হিমন্তা বিস্বা শর্ম, চীফ ওফ বোদো তেরিতোরিএল কাউন্সিল (বি.তি.সি.) অমসুং অতোপ্পা লুচিংবশিংনা শরুক য়াখ্রে।

হাক্কী ৱারোলদা শ্রী অমিৎ শাহনা  হায় ঙসিদগী চহি অমগী মমাংদা প্রধান মন্ত্রীগী লুচিং মখাদা বোদো তেরিতোরিএল রিজন পীচ এগ্রীমেনন্ত খুৎয়েক পীনখি হায়রিবা অসিগীদমক্তা  প্রধান মন্ত্রীগী লুচিং মখাদা অৱাং-নোংপোক্তা তংদুন-লৈতদনা লৈরকপা মতমদা নাকল পুম্নমক্কা ৱারী শাদুনা শান্তি পুরকপা ঙমখ্রে। শ্রী শাহনা হায় বি.তি.আর. এগ্রীমেন্ত অসি চহি অমা মপুং ফাখ্রে অমসুং শ্রী মোদীগী মখাদা শান্তিগী অনৌবা চহিচা অমা হৌখ্রে। চহি কয়া লিশাংশিৎনা চত্থরকখিবা অমসুং মীওই ৫,০০০ হেনবগী পুন্সি পীখমনহনখ্রবা বোদো রিজনগী ইরাং অসি শ্রী মোদীগী অচেৎপা অনীংবা অমসুং লমজিং-লমতাকপীবগী ফলনা ৱারোইশিন পুরক্তুনা বোদো রিজনগী চাউখৎ-থৌরাংগী লম্বী ফাৎখ্রে।  

শ্রী অমিৎ শাহনা হায় বোদো রিজন অসি মতম অমদা ঈনাই তানদুনা মীয়াম্না খুৎলাই পাইদুনা অমসুং কিদনেপ তৌবা হেনগৎলমখিবা অদু চহি খরগী মতুংদা খ্বাইদগী চাউখৎলবা লম অমা ওইরগনি হায়না ঐহাক্না নখোয়দা থাজবা পীনবা লাকপনি। শ্রী শাহনা হায় ঙসি বোদো অমসুং বোদো নত্তবা অনিমক্না রেলী অদুদা শরুক য়াদুনা বোদোশিং অমসুং বোদো নত্তবশিং অসিনা লমদম অসিগী মচাশিংনি, ভারতকী মচানি অমদি অনিমক্না পুন্না শান্তি পুরক্নবা হোৎনরি হায়বা পাউজেল পীখ্রে। কেন্দ্রগী গৃহ মন্ত্রীনা হায় ভারত সরকারনা ৱাহৈ ওইনা অমসুং অইবা ওইনা থাজবা পীখিবা পুম্নমক থুংহনগনি অমসুং থাজবা মাংহল্লোই হায়না প্রধান মন্ত্রীগী লুচিং মখাদা ইতিহাসিক ওইবা এগ্রীমেন্ত অমা ইন্নখ্রে। শ্রী শাহনা হায় অসামগী মুখ্য মন্ত্রী শ্রী সর্বানন্দা সোনোৱাল অমসুং দা. হিমন্তা বিস্বা শর্মনা এগ্রীমেন্ত অসিগীদমক্তা হোৎনখিবা অদু শিংথানিংঙাই ওই।

কেন্দ্রগী গৃহ মন্ত্রীনা হায় প্রধান মন্ত্রীনা অসামদা তংদু-লৈতাদবা কোকহনবা ঙমবা খক্তা নত্তনা অৱাং নোংপোক্কী অপুনবদসু কোকহনবা ঙমখ্রে অমসুং মসি বোদো পীচ এগ্রীমেন্তসগী হৌরগা মতুংদা ব্রু-রীএং এগ্রীমেন্ত ওইখি। ঙসি হিংসাগী মতম লোইদুনা শান্তিগী মতম হৌরে। শ্রী শাহনা হায় প্রধান মন্ত্রীনা জম্মু অমসুং কাশ্মিরদগী সম্বিধানগী আর্তকল ৩৭০ অমসুং ৩৫এ লৌথোকখ্রে অমসুং হন্দক্কী পঞ্চায়ৎ মীখলদা পুলিসনা নোংমৈ মরু অমত্তা কাপ্পা মথৌ তাখিদে অমসুং শান্তি ওইনা মীখল পাঙথোকখ্রে।

শ্রী অমিৎ শাহনা হায় মমাংদা এগ্রীমেন্ত কয়া খুৎয়েক পীনখ্রে অদুবু মদু ঙাক্না চৎতে, থাজপা পীখিবা অদু থুংহনখিদে অদুবু হৌজিক পাইরিবা শ্রী নরেন্দ্র মোদীগী সরকার অইদা প্রধান মন্ত্রীনা পীখিবা থাজবশিং অদু মাগী তেনর মনুংদা থুংহনবা ঙমখ্রে। কেন্দ্রগী গৃহ মন্ত্রীনা হায় বোদো রিজনগী প্রোজেক্ত মশিং কয়া পাইখৎখ্রে অমসুং মখোয়গী চাউখৎ-থৌরাংগীদমক্তা থবকশিং খুরক্তা পাইখৎলি। তোঙানবা কম্মিসনশিং অমসুং এদভাইজরী কম্মিতিশিংগী খুত্থাংদা বোদো রিজনদা খুন্দারিবা মীয়ামগী চাউখৎ থৌরাং পাইখৎলি। শ্রী শাহনা হায় সরেন্দর তৌদুনা লৈরিবা লালহৌবা পুম্নমক্কীমক্তা লুপা লাখ ৪গী মতেং পীবা হৌখ্রে। বোদোগী লোল য়োকখৎপগী থবকসু পাইখৎখ্রে অমদি রাজ্য অসিগী কো-লেংগ্বেজ স্তেসত অদু মতম শাংনা পীদনা লাকখিবা অদু থুংহনখ্রে।

কেন্দ্রগী গৃহ মন্ত্রীনা হায় অসাম সরকারনা লমদম অসিদা দিগ্রী কোলেজ অহুম লিংখৎনবা তৌরি। শ্রী উপেন্দ্র নাথ ব্রহমাগী মমিংদা ইন্সতিত্যুত অমা হাংদুনা মহাকপু ইকাই খুম্নবা উৎলি। বোদোগী লমশিংদা রোদ নেৎৱার্ক শেমগৎনবা লুপা করোর ৫০০ থাদখ্রে অমসং লম্বী অসিগী খুত্থাংদা বোদো রিজন চাউখৎহনবা ঙমলগনি। লুপা করোর ৭৫০গী স্কীম ৬৫ কম্মিসন তৌখ্রে অমসুং লুপা করোর ৫৬৫কী তোখাইবা এলোকেসনসু থাদখ্রে। শ্রী শাহনা হায় প্রধান মন্ত্রীনা সবকা সাথ, সবকা বিকাস, সবকা বিশ্বাস হায়বা অসি ভারতপু আত্মানির্ভর ওইহন্নবা, বোদো তিজনগী নাৎ য়োকখৎনবা অমসুং মসিবু মখা তানা থৌগৎতুনা অমসুং চাউখৎহনদুনা মাংলোমদা চংশিন্নবা লাইৱানি হায়না থাজবা থম্মি।  শ্রী শাহনা হায় শেন্মীৎলোন, নাৎ অমসুং এজুকেসনগী ওইবা খুমাং চাউশিনহনবা খক্তা নত্তনা রাজনিতীগী হকশিংসু ঙাক শেল্লি।

শ্রী অমিৎ শাহনা হায় ২০১৪দা মোদী সরকার শেমখিবা মতুংদা অনৌবা চাউখৎ থৌরাংগী চহিচা অমা ওইহনবা ঙমখ্রে অমসুং   হৌখিবা চহি ৫ অসিদা হৌখিবা চহি ৭০ অসিদা অমুক্তা পুরকখিদ্রিবা চাউখৎ থৌরাং অদুসু পুরকপা ঙমখ্রে। অসামগী মুখ্য মন্ত্রী অমসুং হকশেল মন্ত্রীগী লুচিং মখাদা কোরোনাগী মায়োক্তা লান্থেংনবা অসিদা চাউনা মাই পাকখ্রে অমসুং শীখিবগী চাং অসি চাদা ০.৪৭ খক্তা ওইখি মসি য়াম্না শিংথানিংঙাই ওই। শ্রী শাহনা হায় বেক্সিনেসন সেন্তর কয়া হাংদোক্তুনা বেক্সিনেসন প্রোসেস অসি হেন্না লাইথোকহল্লি।

কেন্দ্রগী গৃহ মন্ত্রীনা হায় চাউখৎ=-থৌরাংগী খুত্থাংদা তুরিজম চাউখৎকনি অমসুং রাজ্য অসিগী চাউখৎ থৌরাংগা লোইননা অৱাং নোংপোক অপুনবসু চাউখৎলগনি।  মহাক্না হায় কেন্দ্র সরকারনা অসামগীদমক্তা খোঙফম চেৎনা লেপ্পী, নখোয়না মাংদা অদুমক চংশিল্লু। শ্রী শাহনা হায় শ্রী মোদীগী লুচিং মখাদা অসামদা শেঞ্জা-থুমজা, ইনফিলত্রেসন, তেরোরিজম অমসুং পোলুসন কোকহনবা ঙমগনি।

*****