ঙসি মেঘলয়গী কোনুং শিল্লোংদা পাংথোকখিবা নোর্থ-ইস্ত কাউন্সিল(এন.ইসি.)গী ৬৯শুবা মীফমদা কেন্দ্রগী গৃহ মন্ত্রী শ্রী অমিত শাহনা থৌরম মপু ওইখ্রে৷ শ্রী অমিত শাহনা ৱা ঙাংবা হৌরকপদা ২০১৪দা শ্রী নরেন্দ্র মোদীনা ভারতকী প্রধান মন্ত্রীগী ফম অসিগী থৌ পুখিবা মতুংদা করিগুম্বা অৱাং-নোংপোক থংবা রাজ্যশিং অসি চাওখৎহনগে হায়বা তারবদি সরকার অসিগী লৈরিবা চাওখৎ থৌরাংগী স্কিম মখল খুদিংমক রাজ্যশিং অসিদা পীগদবনি হায়না প্রধান মন্ত্রীনা ফোংদোকখ্রে৷ নুমিৎ ১৫নি খুদিংগী কেন্দ্রগী মন্ত্রী অমা অৱাং-নোংপোক থংবা রাজ্যশিংদা মথং-মথং চৎলগনি অমসুং শ্রী নরেন্দ্র মোদী মশামকশু অৱাং-নোংপোক থংবা রাজ্যশিং অসি ৪০দগী হেন্না চৎলে অমসুং কেন্দ্র সরকার অসিগী তোঙান তোঙানবা মন্ত্রীশিংনা খোঙচৎ ৩০০হেন্না চৎখ্রে হায়না প্রধান মন্ত্রীনা ফোংদোকখ্রে৷ প্রধান মন্ত্রী শ্রী নরেন্দ্র মোদীনা অৱাং-নোংপোক থংবা রাজ্যশিং অসি কয়াগী মতিক খনবগে হায়বা অদু মসিনা উৎলে৷

ঙসিগী নুমিৎ অসি অতোপ্পা মরু ওইবা মরম অমদা য়েংলুবা মতমদা য়াম্না মরু ওইবা নুমিৎ অমা ওই হায়না কেন্দ্রগী গৃহ মন্ত্রী অসিনা ফোংদোকখ্রে৷ ঙসি অসি সুবাশ বাবুগী পোকপগী নুমিৎ ১২৫শুবনি৷ সুবাশ চন্দ্রনা কল্লম্লিবা মফম অসি নিংতম লান্মীশিং অসিগী মরক্তা ধ্রুবতারাগুম্বনি হায়না শ্রী শাহনা ফোংদোকখ্রে৷ লৈবাক অসিনা মনিং মখা তম্নবা মহাক্না হোৎখিবা থেংনখিবা ময়াম অসি লোইবা থম্বা নাইনরোই৷ নেতাজিনা পাংথোক্লম্বা থবকশিং অসিগী মথক্তা লৈবাক অসিনা মনিং মখা তম্নবা হোৎনবদা মহাক্না মীয়ামশিং খোমজিল্লম্মী অমসুং ভারতনা মনিং মখা তম্লকপা অসিদা য়াম্না মরু ওইবা থৌদাং লৌখি৷ লৈবাক অসিদা লৈরিবা নহাশিং অসিনা সুবাশ চন্দ্র বোজগী পুন্সি অসিদগী চহী কয়া অমা লেপ্পা লৈতনা ইন্সপিরেসন ওইদুনা লৈহৌরগনি৷ সুবাশ চন্দ্র বোজপু নিংশিংবা ওইনা অৱাং-নোংপোক অসিদা নোর্থ-ইস্ত কাউন্সিল অসিনা নিংশিং ফুরাশিং শানবা, অঙাংশিং অসিগীদমক প্রোগ্রামশিং শিন্নবা, তোঙান তোঙানবা স্কিমশিং পুথোক্নবা শ্রী অমিত শাহনা ফোংদোকখ্রে৷

এন.ই.সি.গী থৌদাং অসি কয়ামুক মরু ওই হায়বা অসি উৎতুনা এন.ই.সি.না তোঙান তোঙানবা প্রোজেক্তশিং অসি পুথোরক্লিবা অসিগী মথক্তা অৱাং-নোংপোক অসিদা লৈরিবা মীয়ামশিং অসিগী পুন্সি মরেল অসি ফগৎনবা প্রোজেক্ত কয়ামরোম এন.ই.সি.না পুথোকখ্রে হায়না শ্রী অমিত শাহনা ফোংদোকখ্রে৷ হৌজিক ফাওবা নিংথীনা চাওখৎত্রিবা মফম কয়ামরোম লৈ অদুনা হায়রিবা চাওখৎক্রিবা মফমশিং অসিদা বদজেক্কী চাদা ৩০ থাদরগনি হায়না কেবিনেৎ অসিনা ৱারেপ লৌখ্রে
ইজ ওফ দুইং ব্যুজিনেজকী মখাদা ২০২২গীদমক এন.ই.সি. অসিনা রাজ্য খুদিংমক্কা ৱারি শান্নহনশি অমসুং তার্গেৎ থমহনশি, মসিনা অচৌবা মাই পাকপা অমা ওইরগনি হায়না শ্রী অমিত শাহনা ফোংদোকখ্রে৷ অৱাং-নোংপোক থংবা রাজ্যশিং অসি চাওখৎলবা মতম খক্তদা মপুং ওইবা ভারত লৈবাক অসি চাওখৎলে হায়না লৌগনি অমসুং অৱাং-নোংপোক থংবা রাজ্যশিং অসি চাওখৎননবগীদমক ধর্ম অমসুং লোন খুদিংদা লৈরিবা মীপুং খুদিংমক্তা কান্নবা অসি য়ৌহনবা তঙাই ফদে৷ করিগুম্বা নোর্থ—ইস্ত কাফন্সিলনা রাজ্য খুদিংমক্কা তান্নরবা মতুংদা ‘ইজ ওফ দুইং ব্যুজিনেস’ অসিগী মখাদা ২০২২ ফাওবগী মনুংদা তার্গেৎ থম্লবদি মসি য়াম্না চাওনা মাই পাকপা অমা ওইরগনি হায়না শ্রী অমিত শাহনা ফোংদোকখ্রে৷ মসিনা ইনবেস্মেন্তশিংগী পুক্নিং চিংশিনবদা মতেং পাংলগনি৷ ২০২২দা ভারতনা মনিং মখা তম্লকখিবা চহী ৭৫ মপুং ফাবগী পাংথোকপা থৌরম অসিগা মরী লৈননা রাজ্য খুদিংমক্না মশা মশাদী পান্দম অমমম থম্নবা হোৎনগদবনি অমসুং মখোয়গী চাওখৎলকপগী খোঙজেলদা থেংনবা খুদোংথীবা পুম্নমক মাই পাক্না থেংনবা ঙম্নবা হোৎনগদবনি৷ মোদীজিনা সরকার হেক পাইরকপদগী লম্বী থোং শেমজিনবদগী হৌদুনা মীয়ামশিং থবক ফংহন্দুনা সেক্তরশিং অসিদা সরকার অসিনা হান্না থাদরম্বা শেনফমদগী কা হেন্না ৱাংনা থাদখ্রে হায়না শ্রী অমিত শাহনা ফোংদোকখ্রে৷

এন.ই.সি.গী মমাং মতমদা অফবা মীংচৎ লৈ অমসুং মতুং তারকপদসু লেপ্পা লৈতনা অফবা থবকশিং তৌরক্কনি হায়না থাজনরি হায়না কেন্দ্রগী গৃহ মন্ত্রীনা ফোংদোকখ্রে৷ অৱাং-নোংপোক থংবা মফমশিং অসি মহৌশাগী ফজবা য়াম্না মরাং কাইনা লৈ, তোঙান তোঙানবা মান্নদবা নাৎ অমসুং চৎনবি কয়ানা পুল্লগা লৈরিবা মফম অসিনা ফজরবা হিং চিকপা মফম অমা শেম্লগনি অমসুং মসিনা মরম ওইদুনা মফম অসি তুরিজমগী য়াম্না মরু ওইবা মফম অমা ওইনা ওন্থোকপা য়াগনি অমসুং মসিনা অৱাং-নোংপোক থংবা মফম অসিদা চাওখৎপা পুরক্লগনি হায়না শ্রী অমিত শাহনা ফোংদোকখ্রে৷

অৱাং-নোংপোক থংবা রাজ্যশিং অসি মমাংগী মতমদা লানহৌবগী মফমশিংনি হায়না খঙনরম্মী অদুবু হৌজিক্তি অৱাং-নোংপোক থংবা মফমশিং অসিদগী অফবা পাউশিং লৈবগা লোইননা শান্তি ওইরে হায়না কেন্দ্রগী গৃহ মন্ত্রীনা ফোংদোকখ্রে৷ হন্দক্তা ইকুই কুইদ্রিঙৈদা বোদোশিংগী কাংলুপকা য়ানবা অমা পুরকখ্রে অমসুং এক্সত্রিমিজমদা চহী কয়া লৈরুরবা মতুংদা বোদোশিংগী কাংলুপ অসি মেনস্ত্রিম অসিদা শরুক য়ারকখ্রে৷ ব্রু-রিয়াঙ্গ এগ্রীমেন্ত অসিসু য়াম্না মরু ওইবা অমনি হায়না শ্রী শাহনা ফোংদোকখ্রে৷ বঙ্গলাদেশকা ঙমখৈগী মতাংদা চয়েৎনদুনা লৈরম্বা অদু য়াম্না লাইবা মওং অমদা তাইশিন্নখ্রে অমসুং মসিনা লাক্কদৌরিবা মতমশিং অসিদা লৈবাক অসিনা হেন্না ফবা লম্বী থোংশিং শেম্বা ঙম্লগনি৷          প্রধান মন্ত্রী শ্রী নরেন্দ্র মোদীগী লুচিং মখাদা অৱাং-নোংপোক্কী রাজ্য পুম্নমক্না মাই পাক্না কোরোনা লাইনা-লাইচৎ অসি লান্থেংনখ্রে হায়না শ্রী অমিত শাহনা ফোংদোকখ্রে৷ মসিগীদমক প্রধান মন্ত্রী গরিব কল্য়ান য়োজনাগী মখাদা বেনিফিসরী কোতি ৩দা মহৈ-মরোং মেত্রিক তন লাখ ৭.৭৫ ফংহনখ্রে৷ হৱাই মেত্রিক তন ৩০,০০০রোমগী চাং অমসুং গ্যাস সিলিন্দর লাখ ৫০রোম লেম্না য়েন্থোকখ্রে৷ প্রধান মন্ত্রী কিসান য়োজনাগী মখাদা লুপা কোতি ৫৫৩গী শেনফম লৌমীশিংগী একাউন্তদা হাপখ্রে৷ জন ধন য়োজনা একাউন্ত হোল্দরশিংনা হেন্না শাফবা পুন্সি মরেল অমদা হিংবা ঙম্নবা লুপা কোতি ১,৭০৭গী শেমফম মশা মশাগী একাউন্তশিংদা হাপখ্রে৷ মসিদগী হেন্দোক্তুনা তোঙান তোঙানবা স্কিমশিংগী খুৎথাংদা বেনিফিয়রী একাউন্তশিংদা লুপা কোতি ২,৫৩০গী শেনফম পীথখ্রে৷ হৌজিক ফাওবদা পুন্না লুপা কোতি ৭,৯২৩গী শেনফম থাদখ্রে হায়না শ্রী শাহনা ফোংদোরকখ্রে৷ কোবিদকী ভেক্সিন কাপ্পগী থবক অসিসু প্রধান মন্ত্রী শ্রী নরেন্দ্র মোদীগী লুচিং মখাদা পাংথোকপা হৌখ্রে অমসুং অথুবা মতম মসিগী লাইনা-লাইচৎ অসিদগী মাই পাক্না লান্থোকপা ঙম্লগনি হায়না থাজনরি হায়না কেন্দ্রগী গৃহ মন্ত্রী অসিনা ফোংদোকখ্রে৷

মীফম অসিদা কেন্দ্রগী হোম সেক্রেতরী শ্রী অজে ভল্লা অমসুং কেন্দ্রগী অমসুং রাজ্য সরকারশিংগী সেনিয়র ওফিসিয়েলশিং অসিনা শরুক য়ারিবা অসিদগী হেন্দোক্তুনা দিভেলপমেন্ত ওফ নোর্থ-ইস্ত রিজনগী মন্ত্রী অমসুং নোর্থ-ইস্ত কাউন্সিলগী ভাইজ চিয়রমেন দা.জিতেন্দ্র সিংহ, মেঘলয়গী রাজ্যপাল শ্রী সত্য পাল মালিক, মেঘলয়গী মুখ্য মন্ত্রী শ্রী কোনরদ শঙ্গমা, নোর্ছ-ইস্ত কাউন্সিলগী সেক্রেতরী, অৱাং-নোংপোক রাজ্য নিপান অসিগী রাজ্যপালশিং, মুখ্য মন্ত্রীশিং অমসুং মন্ত্রীশিংনা শরুক য়াখি৷

                                                                                             *****