হোই চুম্মী! চহী মরি শুরবা অঙাং ‘মু্স্কান’ অসিনা নোক্লিবা মীনোক অসি অশেংবনি৷ অঙাং অসিগী ময়ুমদা তোতিগী ঈশিং পুশিনবা অসি মহাক্কী পুন্সিদা হন্দক্কী অসিনা ইহান হানবনি৷ মহাক্কী মমানা তোতি অদু পুজা কৎনবা হোৎনরিঙৈদা মহাক্না মমানা কৎলিবা পুজা অদু লোইবা ঙাইঙম্লমদে অমসুং তোতিগী কোঞ্জিন অদু লৈথোক্তুনা ইহান হান্না তারকপা ঈশিং অদু মহাক্না শোকপা পাম্লম্মী৷ লোইশিল্লকপদা তোতি অদু অমুক্তমক লৈথোকপদা অফবা ঈশিং তারক্লম্মী অমসুং মুস্কান্না হরাউ নুংঙাইবগা লোইননা খুবাক খুরম্মী৷ “ঐনা শান্নবা মতমদা ঈশিং থক্নিংলকপা মতমদা ইমাদা অমুক হায়দ্রবসু ঐ ইশানা থকপা ঙম্লগনি”- হায়না মুস্কান্না হরাউবগা লোইননা তপ্না হায়রম্মী!  মসিনি অঙাং ওইরিবা চহী মরি খক্তা ঙাইরিবা অঙাং অসিগী নুংঙাইবা অমসুং অপেনবা হায়বসে৷

মধ্য প্রদেশকী অনুপ্পুর জিলাগী দামহেদি খুঙ্গংনা মখোয় মখোয়গী ইমুংশিংদা তোতিগী ঈশিং ফংখিবা অসিগীদমক হরাউ নুংঙাইবা ফোংদোকপা ওইনা ২০২১গী জানুৱারি ১৫দা ‘জল উতসব’ থৌরম পাংথোকখ্রে৷ মসিদা খুঙ্গং অসিদা লৈরিবা মীয়াম্না মশা মশাগী খ্বাইদগী ফজরবা ফিজেৎ লৈতেং শেৎতুনা অমসুং ত্রাইবেল এসেসরিশিং অসিগা লোইননা লৈগী লৈতেং কয়ামরোমগা লোইননা খুঙ্গং অসিদা রঙ্গোলিশিং শেমখ্রে৷ নুপীশিং অসিনা মখোয়গী তুরেলগী লাই অদুবু লাৎচবা ওইনা তোতি অদুগী মমাংদা খুরুমদুনা লাৎখ্রে৷“ (ঐখোয়গী লোনদা) ‘মাইয়া’ হায়না খঙনদুনা লাৎনরিবা ইমা তুরেল অসিনা চানবিদুনা ঐগী থোং তম্না লাকপিবা অসিনা ঐবু থৌজানবিবা অসিদা ঐহাক অশুক্কী মতিক পেঞ্জরে”- হায়না খুঙ্গং অদুগী নুংপী অমনা ফোংদোরকখি৷

কেন্দ্র সরকার অসিগী ফ্লেগশিপ প্রোগ্রাম ওইরিবা জল জীবন মিসন(জে.জে.এম.) অসিনা লৈবাক অসিদা লৈরিবা খুঙ্গংগী য়ুমথোং খুদিংদা অপবা থকপা য়াবা ঈশিং ফংহল্লি৷ মিসন অসিগী মখা চৎথরকপা ওইনা পুশপ্রাজগার্হ ব্লোক্তা দামহেদি-১ মল্তি ভিলেজ রুরেল ৱাতর স্কিম ২০২১গী জানুৱারি ১৫দা চৎনবা হৌখ্রে৷ খুঙ্গং ৭৪ য়াওরিবা এম.ভি.এস. অসি অনুপ্পুর জিলাদা লৈ৷

জল জীবন মিসন(জে.জে.এম.) অসিনা খুঙ্গংগী য়ুমথোং খুদিংদা অফবা থকপা য়াবা ঈশিং মতম শাংনা অমসুং তুং কোইনা চাং নাইবা মওং অমদা অহোংবা মমলদা মীয়ামশিং অসিদা ফংহন্দুনা খুঙ্গংগী কম্ম্যুনিতিশিং অসিগী পুন্সি মরেল অসি ফগৎনবা পান্দম থম্লি৷ মধ্য প্রদেশতা তোতিগী ঈশিং শম্লিবা অসিগী খুৎথাংদা পাইপকী ঈশিং হেন্না ফংহন্নবা রাজ্য সরকার অসিনা মধ্য প্রদেশ রাজ্য অসি ‘হর ঘর জল গাউন’ ওইননবগীদমক ২০২৪ ফাওবগী মনুংদা খুঙ্গংগী য়ুমথোং খুদিংমক মনুং চলহন্দুনা অফবা ঈশিং ফংহন্নবা অফবা প্লান অমা লৈ৷

                                                                                     *******

 

 

 

(Release ID: 1692010) Visitor Counter : 98