ਇੱਕ ਮਹਿਲਾ ਦੀ ਰਹੱਸ ਭਰਪੂਰ ਜ਼ਿੰਦਗੀ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਜਿਸਨੇ ਕਦੇ ਕਿਸੇ ਨਾਲ ਰੋਮਾਂਟਿਕ ਸਬੰਧ ਨਹੀਂ ਬਣਾਉਣਾ ਚਾਹਿਆ ਅਤੇ 70 ਸਾਲਾਂ ਦੀ ਉਮਰ ਵਿੱਚ ਕੁਆਰਪਣ ਵਿੱਚ ਹੀ ਮੌਤ ਹੋ ਗਈ। ਇਹ ਉਹੀ ਪ੍ਰੇਰਨਾ ਹੈ ਜਿਸ ਨੇ ਪੁਰਤਗਾਲ ਦੇ ਡਾਇਰੈਕਟਰ ਕ੍ਰਿਸਟੀਅਨ ਓਲੀਵੀਰਾ ਨੂੰ ਗੋਆ ਵਿੱਚ ਆਯੋਜਿਤ ਕੀਤੇ ਜਾ ਰਹੇ 51ਵੇਂ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਵ੍ ਇੰਡੀਆ (ਇੱਫੀ) ਵਿੱਚ ਵਿਸ਼ਵ ਪ੍ਰੀਮੀਅਰ ਪ੍ਰਾਪਤ ਕਰਨ ਵਾਲੇ ਦ ਫਸਟ ਡੈਥ ਆਵ੍ ਜੋਆਨਾ / ਏ ਪ੍ਰਾਈਮੀਰਾ ਮੋਰਟੇ ਡੇ ਜੋਆਨਾ ਫੀਮ  ਬਣਾਉਣ ਲਈ ਪ੍ਰੇਰਿਆ। ਅੱਜ, 23 ਜਨਵਰੀ, 2021 ਨੂੰ ਇੱਕ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਿਤ ਕਰਦੇ ਹੋਏ ਓਲੀਵੀਰਾ ਨੇ ਕਿਹਾ: “ਮੇਰੀ ਫਿਲਮ ਇੱਕ ਮਹਿਲਾ ਕਲਾਕਾਰ ਦੀ ਸੱਚੀ ਕਹਾਣੀ ‘ਤੇ ਅਧਾਰਤ ਹੈ ਜਿਸ ਨੇ ਆਪਣੀ ਸ਼ਰਤ ਉੱਤੇ ਆਪਣਾ ਜੀਵਨ ਬਤੀਤ ਕੀਤਾ ਅਤੇ ਕਿਸੇ ਨਾਲ ਰੋਮਾਂਟਿਕ ਸਬੰਧ ਬਣਾਏ ਬਿਨਾ ਹੀ ਮਰ ਗਈ। ਜਦੋਂ ਉਹ ਮੇਰੇ ਬਹੁਤ ਨਜ਼ਦੀਕ ਸੀ, ਉਸ ਦੀ ਜ਼ਿੰਦਗੀ ਮੇਰੇ ਲਈ ਇੱਕ ਭੇਤ ਬਣੀ ਰਹੀ। ਇਸ ਲਈ, ਮੈਂ ਉਸ ਦੇ ਅਤੀਤ ਬਾਰੇ ਵਧੇਰੇ ਖੋਜ ਕਰਨੀ ਸ਼ੁਰੂ ਕੀਤੀ ਅਤੇ ਇਸ ਤਰ੍ਹਾਂ, ਫਿਲਮ ਦਾ ਜਨਮ ਹੋਇਆ।”

 

ਇੱਕ 13 ਸਾਲਾਂ ਦੀ ਲੜਕੀ ਜੋਆਨਾ ਹੈ, ਜੋ ਆਪਣੇ ਮਹਾਨ ਬ੍ਰਹਮਚਾਰੀ ਆਂਟੀ ਰੋਜ਼ਾ ਦੇ ਭੇਦ ਨੂੰ ਖੋਲ੍ਹਣ ਦੀ ਜ਼ਰੂਰਤ ਨਾਲ ਅੜ ਗਈ ਹੈ। ਉਸ ਦੀ ਦੋਸਤ ਕੈਰੋਲੀਨਾ ਤੋਂ ਉਤਸ਼ਾਹਿਤ ਹੋ ਕੇ ਜੋਆਨਾ ਨੇ ਰੋਜ਼ਾ ਦੇ ਅਤੀਤ ਬਾਰੇ ਜਾਂਚ ਸ਼ੁਰੂ ਕੀਤੀ, ਜੋ ਉਸ ਨੂੰ ਆਪਣੇ ਆਲੇ ਦੁਆਲੇ ਦੇ ਰੂੜ੍ਹੀਵਾਦ ਨਾਲ ਟਕਰਾਉਂਦੀ ਹੈ। ਜੋਆਨਾ ਨੂੰ ਪਤਾ ਚਲਿਆ ਕਿ ਕਿਵੇਂ ਉਸ ਦੇ ਪਰਿਵਾਰ ਦੀਆਂ ਮਹਿਲਾਵਾਂ ਆਪਣੀ ਕਾਮੁਕਤਾ ਨੂੰ ਬਾਹਰ ਕੱਢਦੀਆਂ ਹਨ। ਉਸ ਦੇ ਕੋਲ ਆਪਣੇ ਖੁਦ ਦੇ ਜਵਾਬ ਲੱਭਣ ਲਈ ਆਪਣੀ ਕਲਪਨਾ ਵਿੱਚ ਡੁੱਬਣ ਤੋਂ ਇਲਾਵਾ ਕੋਈ ਚਾਰਾ ਨਹੀਂ ਹੈ। ਹਾਲਾਂਕਿ, ਜਦੋਂ ਉਨ੍ਹਾਂ ਦੇ ਛੋਟੇ ਜਿਹੇ ਕਸਬੇ ਵਿੱਚ ਇਹ ਅਫਵਾਹਾਂ ਸਾਹਮਣੇ ਆਈਆਂ ਕਿ ਕੈਰੋਲੀਨਾ ਨੇ ਪਹਿਲਾਂ ਇੱਕ ਲੜਕੀ ਨੂੰ ਚੁੰਮਿਆ, ਤਾਂ ਦੋਵਾਂ ਦੋਸਤਾਂ ਵਿੱਚ ਵਧਦੀ ਨਜ਼ਦੀਕੀ ਜੋਆਨਾ ਨੂੰ ਪਰੇਸ਼ਾਨ ਕਰਦੀ ਹੈ। 

 

ਓਲੀਵੀਰਾ ਨੇ ਦੱਸਿਆ ਕਿ ਫਿਲਮ ਬਣਾਉਣ ਵੇਲੇ, ਉਸਨੇ ਅਤੇ ਸਹਿ ਲੇਖਿਕਾ ਸਲਵੀਆ ਲੌਰੇਨੋ ਨੇ ਆਪਣੇ ਨਿੱਜੀ ਤਜ਼ਰਬਿਆਂ ਨੂੰ ਇਸ ਮਹਿਲਾ ਦੇ ਅਸਲ-ਜੀਵਨ ਦੇ ਤਜ਼ਰਬਿਆਂ ਨਾਲ ਜੋੜਿਆ ਜਿਸ ਨੇ ਉਨ੍ਹਾਂ ਨੂੰ ਪ੍ਰੇਰਿਤ ਕੀਤਾ। 

 

ਫਿਲਮ ਨੂੰ ਫੈਸਟੀਵਲ ਦੇ ਵਰਲਡ ਪੈਨੋਰਮਾ ਸੈਕਸ਼ਨ ਵਿੱਚ ਪੇਸ਼ ਕੀਤਾ ਗਿਆ ਹੈ। 

 

2021 ਦੀ ਇਹ ਫਿਲਮ 2007 ਵਿੱਚ ਦੱਖਣੀ ਬ੍ਰਾਜ਼ੀਲ ਵਿੱਚ ਸੁੰਦਰ ਸਥਾਨਾਂ 'ਤੇ ਫਿਲਮਾਈ ਗਈ ਸੀ। ਕ੍ਰਿਸ਼ਟੀਅਨ ਸ਼ੂਟਿੰਗ ਦੀਆਂ ਥਾਵਾਂ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਗੱਲ ਕਰਨ ਲਈ ਉਤਸੁਕ ਸੀ: “ਫਿਲਮ ਦੀ ਸ਼ੂਟਿੰਗ ਇੱਕ ਬਹੁਤ ਹੀ ਖਾਸ ਜਗ੍ਹਾ 'ਤੇ ਕੀਤੀ ਗਈ ਹੈ ਜਿਸ ਵਿੱਚ 20 ਝੀਲਾਂ ਹਨ ਜੋ ਇੱਕ ਦੂਜੇ ਨਾਲ ਜੁੜੀਆਂ ਹੋਈਆਂ ਹਨ। ਇਸ ਜਗ੍ਹਾ ਦਾ ਲੈਂਡਸਕੇਪ ਜੰਗਲੀ ਵਿਪਰੀਤਾਂ ਨਾਲ ਭਰਿਆ ਹੋਇਆ ਹੈ, ਕਿਉਂਕਿ ਤੁਸੀਂ ਜੰਗਲਾਂ ਅਤੇ ਪਹਾੜਾਂ ਦੇ ਅੱਗੇ ਵੱਡੀਆਂ-ਵੱਡੀਆਂ ਝੀਲਾਂ ਨੂੰ ਵੇਖੋਗੇ।”

ਨਿਰਦੇਸ਼ਕ ਨੇ ਦੱਸਿਆ ਕਿ ਕਿਵੇਂ ਹਵਾ ਊਰਜਾ ਪਲਾਂਟ ਦੀ ਉਸਾਰੀ ਨੇ ਟੌਪੋਗ੍ਰਾਫੀ ਨੂੰ ਬਦਲਿਆ: “ਇੱਕ ਕੁਦਰਤੀ ਵਾਤਾਵਰਣ ਨੂੰ ਇੱਕ ਪੌਣ ਊਰਜਾ ਪਲਾਂਟ ਦੀ ਉਸਾਰੀ ਨਾਲ ਬਦਲਿਆ ਗਿਆ ਅਤੇ ਹਵਾ ਦੀਆਂ ਮਿੱਲਾਂ ਵੀ ਖਿਤਿਜ ਵਿੱਚ ਦਿਖਾਈ ਦਿੰਦੀਆਂ ਸਨ। ਇਸ ਸਭ ਨੇ ਉਸ ਜਗ੍ਹਾ ਨੂੰ ਅਤਿਅੰਤ ਅਤੇ ਉਤਸੁਕ ਦਿੱਖ ਦਿੱਤੀ। ”

 

ਇਸੇ ਕਾਰਨ ਉਹ ਉਸ ਜਗ੍ਹਾ 'ਤੇ ਜਾ ਕੇ ਕਹਾਣੀ ਦੇ ਨਾਲ ਨੇੜਿਓਂ ਜੁੜਿਆ ਹੋਇਆ ਹੈ। “ਪੌਣ ਊਰਜਾ ਪਲਾਂਟ ਦੀ ਸਥਾਪਨਾ ਦੇ ਨਤੀਜੇ ਵਜੋਂ ਜਗ੍ਹਾ ਦਾ ਇੱਕ ਕਿਸਮ ਦਾ ਆਧੁਨਿਕੀਕਰਨ ਹੋਇਆ। ਇਸ ਨੇ ਇਸ ਨੂੰ ਤਾਜ਼ਾ ਰੂਪ ਦਿੱਤਾ, ਭੂਗੋਲ ਬਦਲ ਗਿਆ। ਫਿਰ, ਮੈਨੂੰ ਅਹਿਸਾਸ ਹੋਇਆ ਕਿ ਉਹ ਜਗ੍ਹਾ ਸਾਡੀ ਫਿਲਮ ਲਈ ਢੁਕਵੀਂ ਹੈ, ਕਿਉਂਕਿ ਇਹ ਇੱਕ ਮਹਿਲਾ ਦੇ ਦਿਲਚਸਪ ਆਲ਼ੇ ਦੁਆਲੇ ਨਾਲ ਸਬੰਧਿਤ ਹੈ ਜੋ ਆਪਣੇ ਆਪ ਨੂੰ ਬਦਲ ਰਹੀ ਸੀ।"

 

ਫਿਲਮ ਵਿੱਚ ਕੈਰੋਲੀਨਾ ਦੀ ਭੂਮਿਕਾ ਨਿਭਾਉਣ ਵਾਲੀ ਇਜ਼ਾਬੇਲਾ ਬ੍ਰੇਸਨੇ ਨੇ ਉਸ ਨੂੰ ਇਸ ਭੂਮਿਕਾ ਨੂੰ ਨਿਭਾਉਣ ਦੇ ਮੌਕੇ 'ਤੇ ਆਪਣੀ ਪ੍ਰਤੀਕ੍ਰਿਆ ਸਾਂਝੀ ਕੀਤੀ। “ਮੇਰੇ ਲਈ, ਭੂਮਿਕਾ ਲਈ ਚੁਣਿਆ ਜਾਣਾ ਜਾਦੂਈ ਸੀ। ਮੈਂ ਸਾਥੀ ਅਦਾਕਾਰ ਲੈਟਸੀਆ ਕੈਪਰਸਕੀ ਨਾਲ ਕੰਮ ਕਰਨਾ ਬਹੁਤ ਸਿੱਖਿਆ ਜੋ ਜੋਆਨਾ ਦਾ ਕਿਰਦਾਰ ਨਿਭਾਇਆ ਹੈ, ਅਸੀਂ ਉਸੇ ਉਮਰ ਦੇ ਹਾਂ।  ਮੇਰੀ ਪਹਿਲੀ ਫਿਲਮ ਹੋਣ ਦੇ ਨਾਤੇ, ਇਹ ਸੱਚਮੁੱਚ ਬਹੁਤ ਵਧੀਆ ਤਜਰਬਾ ਰਿਹਾ।"

 

ਇਜ਼ਾਬੇਲਾ ਕਹਿੰਦੀ ਹੈ ਕਿ ਉਹ ਆਪਣੇ ਆਪ ਨੂੰ ਪਾਤਰ ਦੇ ਤੌਰ 'ਤੇ ਪਛਾਣਦੀ ਹੈ ਕਿਉਂਕਿ ਉਹ ਅਤੇ ਉਸਦਾ ਕਿਰਦਾਰ ਦਲੇਰ ਅਤੇ ਉਤਸੁਕ ਹਨ। “ਮੇਰੇ ਲਈ ਇੱਕ ਫਿਲਮ ਦਾ ਹਿੱਸਾ ਬਣਨਾ ਇਹ ਬਹੁਤ ਨਵੀਂ ਅਤੇ ਅਸਲ ਸੀ। ਮੈਂ ਪਹਿਲਾਂ ਵੀ ਥੀਏਟਰ ਵਿੱਚ ਕੰਮ ਕੀਤਾ ਸੀ ਅਤੇ ਹੁਣ, ਇਸ ਫਿਲਮ ਵਿਚ ਕੰਮ ਕਰਨ ਤੋਂ ਬਾਅਦ, ਮੈਨੂੰ ਪਤਾ ਹੈ ਕਿ ਮੈਂ ਕੀ ਬਣਨਾ ਚਾਹੁੰਦੀ ਹਾਂ। ”

 

ਜਦੋਂ ਉਸ ਨੂੰ ਆਪਣੀਆਂ ਫਿਲਮਾਂ ਵਿੱਚ ਬਰਲਿਨ ਅਤੇ ਜਰਮਨੀ ਦੇ ਪ੍ਰਭਾਵ ਬਾਰੇ ਪੁੱਛਿਆ ਗਿਆ, ਤਾਂ ਕ੍ਰਿਸਟੀਅਨ ਦੱਸਦੀ ਹੈ:

 

“ਬਸਤੀਵਾਦੀ ਦੌਰ ਦੌਰਾਨ ਬ੍ਰਾਜ਼ੀਲ ਉੱਤੇ ਜਰਮਨੀ ਦਾ ਰਾਜ ਸੀ। ਮੈਂ ਦੱਖਣੀ ਬ੍ਰਾਜ਼ੀਲ ਤੋਂ ਹਾਂ, ਜੋ ਜ਼ਿਆਦਾਤਰ ਇਨ੍ਹਾਂ ਸੱਭਿਆਚਾਰਾਂ ਦੇ ਮਿਸ਼ਰਣ ਦੁਆਰਾ ਪ੍ਰਭਾਵਿਤ ਹੈ। ਬ੍ਰਾਜ਼ੀਲ ਵਿੱਚ ਸਥਿਤੀ ਕਈ ਵਾਰ ਕਲਾਕਾਰਾਂ ਲਈ ਢੁਕਵੀਂ ਨਹੀਂ ਹੁੰਦੀ। ਇਸ ਲਈ ਅਸੀਂ ਕਲਾਕਾਰ ਬਰਲਿਨ ਜਾਂਦੇ ਹਾਂ ਅਤੇ ਉਥੇ ਗੁਜ਼ਾਰਾ ਕਰਨ ਦੀ ਕੋਸ਼ਿਸ਼ ਕਰਦੇ ਹਾਂ। ਦਰਅਸਲ, ਬ੍ਰਾਜ਼ੀਲ ਦਾ ਜਰਮਨੀ ਨਾਲ ਚੰਗਾ ਸਹਿਯੋਗ ਹੈ।”

 

ਕ੍ਰਿਸਟੀਅਨ ਕਹਿੰਦੀ ਹੈ ਕਿ ਉਨ੍ਹਾਂ ਲਈ ਇਫੀ ਵਿੱਚ ਹੋਣਾ ਉਨ੍ਹਾਂ ਲਈ ਵੱਡੀ ਤਬਦੀਲੀ ਹੈ। “ਫੈਸਟੀਵਲ ਵਿੱਚ ਸਾਡੀ ਫਿਲਮ ਦੀ ਸਵੀਕ੍ਰਿਤੀ ਸਾਡੇ ਲਈ ਇੱਕ ਬਹੁਤ ਹੈਰਾਨੀ ਵਾਲੀ ਗੱਲ ਹੈ। ਸਾਨੂੰ ਖੁਸ਼ੀ ਹੈ ਕਿ ਇਹ ਫੈਸਟੀਵਲ ਇੱਕ ਸਰਕਾਰ ਦੁਆਰਾ ਆਯੋਜਿਤ ਕੀਤਾ ਜਾ ਰਿਹਾ ਹੈ ਜੋ ਸਾਡੇ ਜਿਹੀਆਂ ਫਿਲਮਾਂ ਨੂੰ ਸਵੀਕਾਰਦੀ ਹੈ ਜੋ ਲਿੰਗ ਅਤੇ ਜਿਣਸੀ ਰੁਝਾਨ ਦੇ ਮੁੱਦਿਆਂ ਨੂੰ ਸੰਬੋਧਿਤ ਕਰਦੀ ਹੈ। ਮੈਂ ਤੁਹਾਨੂੰ ਸਾਰਿਆਂ ਨੂੰ ਇਸ ਤਰਾਂ ਦੇ ਫੈਸਟੀਵਲ ਦੇ ਆਯੋਜਨ ਲਈ ਅਤੇ ਇਹਨਾਂ ਸੰਵੇਦਨਸ਼ੀਲ ਵਿਸ਼ਿਆਂ 'ਤੇ ਵਿਚਾਰ ਵਟਾਂਦਰੇ ਲਈ ਇੱਕ ਮੰਚ ਪ੍ਰਦਾਨ ਕਰਨ ਲਈ ਵਧਾਈ ਦਿੰਦੀ ਹਾਂ।”

 

ਓਲੀਵੀਰਾ ਨੇ ਇੱਕ ਬ੍ਰਾਜ਼ੀਲ-ਉਰੂਗਵੇ ਸਹਿ-ਨਿਰਮਾਣ ਨਾਲ 'ਨਲੂ ਓਨ ਦ ਬਾਰਡਰ' (ਮੂਲਰ ਦੋ ਪਾਈ) ਨਾਲ ਫੀਚਰ ਫਿਲਮਾਂ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਅਤੇ ਬ੍ਰਾਜ਼ੀਲ-ਉਰੂਗਵੇ ਸਹਿ-ਨਿਰਮਾਣ, ਬਰਲਿਨਾਲੇ 2017 ਵਿੱਚ ਅੰਤਰਰਾਸ਼ਟਰੀ ਪੱਧਰ 'ਤੇ ਪ੍ਰੀਮੀਅਰ ਕੀਤਾ ਅਤੇ 21 ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਤਿਉਹਾਰਾਂ ਵਿੱਚ 18 ਪੁਰਸਕਾਰ ਜਿੱਤੇ।ਦ ਫਸਟ ਡੈਥ ਆਵ੍ ਜੋਆਨਾ ਉਸ ਦੀ ਦੂਜੀ ਫ਼ੀਚਰ ਫਿਲਮ ਹੈ ਅਤੇ ਇਸ ਵੇਲੇ ਉਹ ਆਪਣੀ ਤੀਜੀ ਫ਼ੀਚਰ ਫਿਲਮ 'ਅਨਨਿਲ ਦ ਮਿਊਜ਼ਿਕ ਇਜ਼ ਓਵਰ' 'ਤੇ ਕੰਮ ਕਰ ਰਹੀ ਹੈ। 

 

https://youtu.be/j71hJY-fmzs 

 

***

 

ਡੀਜੇਐੱਮ/ਐੱਸਕੇਵਾਈ / ਇੱਫੀ-63

(Release ID: 1691769) Visitor Counter : 189