نئی دلّی ، 23 جنوری / ‘‘ ماضی عام طور پر حال کی تشکیل کرتا ہے ۔ فلمی تاریخ ، فلمی تعلیم کا ایک مرکزی حصہ ہے ۔ اُن کو سمجھنا بہت اہم ہے ، جنہوں نے سینما میں پہل کی  ۔ تخلیق کو سمجھنے کے لئے تخلیق کار کو سمجھنا ضروری ہے ۔ ’’ یہ بات  میڈیا کنسلٹنٹ  ، فلم ساز  ، سینما کی تعلیم سے جڑے ہوئے اور مصنف پروفیسر پنکج سکسینہ نے بھارت کے 51 ویں بین الاقوامی فلم فیسٹیول میں  ، ‘‘ سینما کا آغاز ’’ کے موضوع پر  ورچوول ماسٹر کلاس میں کہی۔

          پروفیسر سکسینہ نے فلموں کے ذریعے ، جو 19 ویں صدی میں بنائی گئی تھیں ، سینما کی تاریخ کا تعارف پیش کیا ۔ انہوں نے فلم سازی کے ابتدائی دور کی کچھ پرانی بلیک اینڈ وہائٹ  فلموں  کو بھی دکھایا ۔ ان میں فرانسیسی فلم ساز ایلس گائی بلاشی کی فلم  کی فلمیں بھی شامل تھیں ، جنہوں نے ایک اسٹینو ٹائپسٹ  کے کیریئر کے بعد فلم سازی میں قدم رکھا ۔  ‘‘ لوگوں کو 1890 ء میں چلتی پھرتی  تصویریں دیکھ کر بہت خوشی ہوئی ۔  ایلس نے 1896 ء کی خاموش فلم ‘ دا فیری آف دی کیبجز / لا فی اوکس کھوکس ’ سمیت  تقریباً ایک ہزار  فلمیں بنائیں  ۔  

          انہوں نے فرانسیسی جادوگر جارج  میلیز کی بھی مثال دی  ، جنہوں نے 1902 ء میں  ایک  ایڈونچر فلم  ‘ اے ٹرپ ٹو دا مون ’ بنائی ۔

          انہوں نے ایڈوِن  پورٹر کی بھی مثال پیش کی ، جو تھامس ایڈیسن کے ساتھ  پروجیکٹ پر کام کر رہے تھے  اور بعد میں وہ   امریکہ کے  شروعاتی پروڈیوسر ڈائریکٹر  ، اسٹوڈیو مینجر  اور سینماٹو گرافر بنے ۔  پروفیسر سکسینہ نے کہا کہ   ماضی میں اور حال میں بہت سے  فلم سازوں نے ، اُن سے ترغیب حاصل کی ہے ۔ ماسٹر کلاس کے دوران  ، اُن کی 1903 ء کی خاموش فلم ‘ دا گریٹ ٹرین روبری ’ کی بھی نمائش کی گئی ۔

پروفیسر پنکج سکسینہ کے بارے میں

          پنکج سکسینہ ( ایف ٹی آئی آئی ) ، فلم ڈائریکشن  ، 1985 ) ایف ٹی آئی آئی میں اسکرین اسٹڈیز اور ریسرچ کے پروفیسر ہیں ۔ وہ ایک فلم ساز ہیں ۔

          فلم ایڈیٹنگ میں گریجویشن  اور فلم ڈائریکشن میں  پوسٹ گریجویٹ  پروفیسر سکسینہ نے  100 سے زیادہ دستاویزی اور مختصر فلمیں  ، ٹیلی ویژن پروگرام   ، اشتہارات اور نئی کہانیوں میں ہدایت دی ہے اور فلمیں بنائی ہیں ۔

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

U. No. 734