হৌজিক চৎথরিবা ৫১শুবা ইন্তরনেসনেল ফিল্ম ফেস্তিবেল ওফ ইন্দিয়াদা ‘সেনিমা হৌরকপা’ হায়বা হিরমদা পাংথোকপা ভর্চুএল মাস্তরক্লাস্তা ফিল্ম মেকর, মেদিয়া কন্সলতেন্ত, সেনিমা একাদেমিক অমসুং অইবা প্রোফেসার পঙ্কজনা হায়খি হৌখ্রবা থৌদোকশিংনা হৌজিক ওইহনবনি। ফিল্মগী পুৱারি অসি ফিল্ম নম্বা তম্বগী মরুওইবা শরুক অমনি। পোৎশক অমা মশক খঙনবা, পোৎ অদু শেম্লক্লিবা মীওই অদু মশক খঙগদবনি।

১৯শুবা চহিচাদা পুথোকখিবা ফিল্মশিংগী খুৎথাংদা প্রোফেসার সক্সেনানা ফিল্মগী পুৱারিগী ৱাহৌদোক অমা থমখি। ফিল্ম নম্বা হৌরকপগী ঙল্লিঙৈ মতমদা পুথোকখিবা অরিবা ব্লেক-হ্বাইত ফিল্ম খর মহাক্না উৎখি। ফিল্মশিং অদুগী মনুংদা স্তেনো তাইপিস্ত ওইরম্বদগী ফিল্ম মেকর ওইরকখিবা ফ্রেঞ্চ ফিল্মমেকর অলিস গুই প্লাচকী ফিল্মশিং য়াওখি। “১৮৯০দা অরেংবা মমিশিং উবদা মীয়াম ঙক্নখি। ১৮৯৬দা মখোল থোক্তবা ফিল্ম দি ফেয়ারি ওফ দি কেববেজেস য়াওনা ফিল্ম লিশিং ১ রোম অলিসনা পুথোকখি”।

মহাক্না হায়খি মহাক্কী থৌনা ফবগী ফিল্ম এ ত্রিপ তু দি মুন(১৯০২)গীদমক ফ্রেঞ্চ মেজিসিয়ান জর্জ মেলিস মমিং চৎলি। মেলিসনা মেজিক্কী চপ মান্নবা মগুন অদু সেনিমাদা উৎখি অমসুং ফিল্মমেকর অমা ওইখি।

প্রোফেসারনা হায়খি থোমাস ইদিসনগা প্রোজেক্সন্নিস্ত অমা ওইনা থবক তৌমিন্নখিবা ইদৱিন পোর্তর তুংদা অমেরিকাগী মমিং লৈরবা ফিল্মগী লময়ানবা, প্রদুসর, দিরেক্তর, স্তদিও মেনেজর অমসুং সেনিমাতোগ্রাফর অমা ওইখি। মমাঙদা অমসুং হৌজিক্কী মতমদা অমেরিকাগী ফিল্মমেকর কয়া মহাক্না ইথিল পীখি। ইদৱিন পোর্তরনা ১৯০৩দা পুথোকপা মখোল থোক্তবা ফিল্ম দি গ্রেদ ত্রেন রোববেরি মাস্তরক্লাস মনুংদা উৎখি।

প্রোফেসার পঙ্কজ সক্সেনাগী মরমদা

পঙ্কজ সক্সেনা(এফ.তি.আই.আই, ফিল্ম দিরেক্সন,১৯৮৫) ফিল্ম এন্দ তেলিভিজন ইন্সতিতুৎ ওফ ইন্দিয়া,পুনেগী স্ক্রিন স্তদিজ এন্দ রিছর্সকী প্রোফেসারনি। মহাক ফিল্মমের অমনি।

ফিল্ম ইদিতিংগী গ্রেজুয়েত অমসুং ফিল্ম দিরেক্সনগী পোস্ত গ্রেজুয়েত অমা ওইরিবা প্রোফেসার সক্সেনানা দোকুমেন্তরি, অতেনবা ফিল্মশিং, তেলিভিজনগী থৌরমশিং, এদভর্তাইজমেন্তশিং অমসুং নিউজ স্তোরি ১০০ হেন্না ইখ্রে, ইদিত তৌখ্রে অমসুং দিরেক্সন পীখ্রে।

শীনফম অসিদা চহি ৩০ হেন্না থবক তৌরক্তুনা, মহাক্না দিস্কোভরি এসিয়া ইনকোর্পোরেতত্তা ভাইস প্রসিদেন্ত অমসুং বি.বি.সি ৱার্ল্দৱাইদকী প্রোগ্রাম্মিং হেদ ওইনা সেনিয়র মেনেজমেন্তগী ফমশিং পায়খ্রে।

হৌখিবা চহি অহুম অসিদা, ভারতকী তোঙান-তোঙানবা সহর ২৫ হেনবদা এফ.তি.আই.আইগী এস.কে.আই.এফ.তিগীদমক মহাক্না ফিল্ম এপ্রিসিএসন কোর্সশিং পাংথোকখ্রে।

*****