ପ୍ରଧାମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ବାରଣାସୀରେ ଟୀକାଦାନ ଅଭିଯାନରେ ଟୀକା ନେଇଥିବା ହିତାଧିକାରୀ ଓ ଟୀକାପ୍ରଦାନକାରୀଙ୍କ ସହିତ ଆଲୋଚନା କରିଛନ୍ତି ।

ପ୍ରଧାନମନ୍ତ୍ରୀ ବାରଣାସୀବାସୀଙ୍କ ସହିତ କାର୍ଯ୍ୟକ୍ରମରେ ସାମିଲ ହୋଇଥିବା ସମସ୍ତ ଡାକ୍ତର, ଡାକ୍ତରଖାନା କର୍ମଚାରୀ, ପାରା-ମେଡିକାଲ କର୍ମଚାରୀ, ଡାକ୍ତରଖାନାର ସଫେଇ କର୍ମଚାରୀ ଏବଂ କରୋନା ଟୀକାକରଣରେ ସାମିଲ ପ୍ରତ୍ୟେକଙ୍କୁ ଶୁଭେଚ୍ଛା ଜଣାଇଛନ୍ତି । କୋଭିଡ ଯୋଗୁଁ ଲୋକଙ୍କ ସହିତ ଉପସ୍ଥିତ ରହିପାରିନଥିବା ଯୋଗୁଁ ଦୁଃଖ ପ୍ରକାଶ କରିଛନ୍ତି । ସେ କହିଥିଲେ ଯେ ଆଜି ଆମ ଦେଶରେ ବିଶ୍ୱର ସର୍ବବୃହତ ଟୀକାକରଣ କାର୍ଯ୍ୟ ଚାଲିଛି । ସେ ସୂଚନା ଦେଇ କହିଛନ୍ତି ଯେ ପ୍ରଥମ ଦୁଇ ପର୍ଯ୍ୟାୟରେ 30କୋଟି ଦେଶବାସୀଙ୍କୁ ଟୀକା ଦିଆଯିବ । ସେ କହିଛନ୍ତି ଯେ ଆଜି ଦେଶର ନିଜସ୍ୱ ଟୀକା ପ୍ରସ୍ତୁତ ଲାଗି ଇଚ୍ଛାଶକ୍ତି ରହିଛି । ଆଜି ଟୀକା ପାଇଁ ଦେଶର ପ୍ରତି କୋଣରେ ଦ୍ରୁତଗତିରେ ପହଞ୍ଚିବାପାଇଁ ପ୍ରୟାସ କରାଯାଉଛି । ଆଜି ବିଶ୍ୱର ସବୁଠାରୁ ଏହି ବଡ ଆବଶ୍ୟକତା କ୍ଷେତ୍ରରେ ଭାରତ ସମ୍ପୂର୍ଣ୍ଣ ଭାବେ ଆତ୍ମନିର୍ଭରଶୀଳ ଏବଂ ଅନେକ ଦେଶକୁ ସହାୟତା କରୁଛି ।

ବାରଣାସୀ ଓ ଏହାର ଆଖପାଖରେ ଗତ ଛଅ ବର୍ଷରେ ଚିକିତ୍ସା ଭିତ୍ତିଭୂମି କ୍ଷେତ୍ରରେ ହୋଇଥିବା ପରିବର୍ତ୍ତନକୁ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯାହା କି କରୋନା ସମୟରେ ସମ୍ପୂର୍ଣ୍ଣ ପୂର୍ବାଞ୍ଚଳକୁ ସହାୟତା କରିଛି । ସେ ଆହୁରି ମଧ୍ୟ ଦର୍ଶାଇଛନ୍ତି ଯେ ବର୍ତ୍ତମାନ ବାରଣାସୀରେ ସେହିଭଳି ଗତିରେ ଟୀକାକରଣ ଚଳାଯାଉଛି । ବାରଣାସୀରେ 20ହଜାରରୁ ଅଧିକ ସ୍ୱାସ୍ଥ୍ୟକର୍ମୀଙ୍କୁ ଟୀକା ଦିଆଯିବ । ଏଥିପାଇଁ 15ଟି ଟୀକାକରଣ କେନ୍ଦ୍ର ସ୍ଥାପନ କରାଯାଇଛି । ଏହି ବ୍ୟବସ୍ଥା ପାଇଁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଓ ତାଙ୍କ ସହର୍କମୀମାନଙ୍କୁ ପ୍ରଧାନମନ୍ତ୍ରୀ ପ୍ରଶଂସା କରିଛନ୍ତି ।

ସେ କହିଛନ୍ତି ଯେ ଟୀକାକରଣ ଅଭିଯାନ ନେଇ ହୋଇଥିବା ବ୍ୟବସ୍ଥା ଓ ଯଦି କିଛି ସମସ୍ୟା ଥାଏ ସେ ସଂକ୍ରାନ୍ତରେ ବୁଝିବା ହେଉଛି ଆଜିର ଆଲୋଚନାର ଉଦ୍ଦେଶ୍ୟ । ଟୀକାକରଣ ଅଭିଯାନରେ ସାମିଲ ଥିବା ବ୍ୟକ୍ତିଙ୍କ ସହ ସେ କଥା ହୋଇଥିଲେ । ବାରଣାସୀରୁ ମିଳିଥିବା ମତାମତ ଅନ୍ୟ ସ୍ଥାନରେ ପରିସ୍ଥିତିକୁ ବୁଝିବାରେ ସାହାଯ୍ୟ କରିବ ବୋଲି ସେ ଆଶାପ୍ରକଟ କରିଛନ୍ତି ।

ପ୍ରଧାନମନ୍ତ୍ରୀ ମାଟ୍ରନ, ଏଏନ୍‍ଏମ୍‍ କର୍ମୀ, ଡାକ୍ତର ଓ ଲାବ୍‍ ଟେକ୍ନିସିଆନାମାନଙ୍କ ସହିତ କଥା ହୋଇଥିଲେ । ପ୍ରଧାନମନ୍ତ୍ରୀ ସେମାନଙ୍କୁ ଦେଶର କୃତଜ୍ଞତା ଜଣାଇଛନ୍ତି । ପ୍ରଧାନମନ୍ତ୍ରୀ ମଧ୍ୟ ବୈଜ୍ଞାନିକମାନଙ୍କୁ ସେମାନଙ୍କର ଉତ୍ସର୍ଗୀକୃତ ସେବା ପାଇଁ ପ୍ରଶଂସା କରିଥିଲେ । ପ୍ରଧାନମନ୍ତ୍ରୀ ଏହା ମଧ୍ୟ ଉଲ୍ଲେଖ କରିଥିଲେ ଯେ ସ୍ୱଚ୍ଛତା ଅଭିଯାନରେ ନିଆଯାଇଥିବା ପଦକ୍ଷେପ ଯୋଗୁଁ ସଫେଇ ସଂସ୍କୃତି ସୃଷ୍ଟି ସହିତ କୋଭିଡ ମହାମାରୀର ସମ୍ମୁଖୀନ ଦେଶ ପାଇଁ ପ୍ରସ୍ତୁତ ଥିଲା । ମହାମାରୀ ଓ ଟୀକାକରଣ କ୍ଷେତ୍ରରେ ପ୍ରମାଣିକ ଯୋଗାଯୋଗ ଲାଗି ପ୍ରଧାନମନ୍ତ୍ରୀ କରୋନା ଯୋଦ୍ଧାମାନଙ୍କୁ ପ୍ରଶଂସା କରିଛନ୍ତି ।

***

HS