য়ুনিয়ন হোম মিনিস্তর শ্রী অমিত শাহনা অনৌবা রেলৱেগী ওভরব্রিদজ থালতেজ-শিলাজ-রানচন্দ্র, লুপা করোর ৫৫ চংনা শাবা, গুজরাতকী অহমেদবাদতা ভিদিও কনফরেন্সকী খুত্থাংদা হৌদোকখ্রে। গুজরাতকী দিপুতি চীফ মিনিস্তর শ্রী নিতিন পতেল য়াওনা দিগিনতরি কয়া অমা থৌরম অসিদা শরুক য়াখি।

থৌরম অসিদা মহাক্কী ৱা ঙাংবদা, শ্রী অমিত শাহনা হায় মদুদি প্রধান মন্ত্রী ওইরবা মতুংদা শ্রী নরেন্দ্র মোদীনা নোংমদা চংদ্রবা য়াদবা পোৎলমদগী হৌরগা লৈবাক অসিনা থেংনরিবা অৱাবাশিং অসি থেংননবা কেম্পেইন হৌদুনা লাক্লি। মতম অমদা লৈবাক অসিদা রেলৱে লানবা অসিদা লাখ অমা হেনবগী অৱাবা থেংনরম্মী। রেলৱে গেতশিং অসি নোংমদা ১০০ লোনখিরম্মী অমসুং মরম অসিদগী মমল য়াম্লবা থাউ অমসুং মতম কয়া অমা মাংখি। মসি য়েংলগা শ্রী নরেন্দ্র মোদীনা রেলৱে মিনিস্তর শ্রী পিয়ুশ গোয়ালগী লুচিং মখাদা ওভরব্রিদজ অমসুং আন্দরব্রিদজ শারিবা লাখ অমা লানবা হৌনবা কেম্পেইন  তৌখ্রে। ঙসিদি মসিগী ওভরব্রিদজ অসি চপ মান্নবা স্কীম অমগী মখাদা হৌদোক্লি। শ্রী শাহনা হায়খি মদুদি ঐহাক্না গান্ধীনাগরগী ভোতরশিংবু থাগৎপা ফোংদোক্লি মদুদি মরম অসিনা ইন্দিয়া সরকার অমসুং গুজরাত সরকারনা য়াম্না চাওবা চাওখৎপা পুরক্কপা ঙম্বনি।

য়ুনিয়ন হোম মিনিস্তরনা হায়খ্রে মদুদি রেলৱেনা মী য়াওদবা গেতশিং লৌথোক্নবা কন্না হোৎনরি, ২০২২ ফাওবদা লৈবাক অসিদা মী য়াওদবা গেত অমফাওবা লৈররোই।শ্রী অমিত শাহনা হায় মদুদি ২০০৯দগী ২০১৪ ফাওবদা, চাওরাক্না মী য়াওদনা মপুং ফানা ৯০০ লানখি অমদনা ২০১৪দগী ২০২০ ফাওবদা মী য়াওদনা ৩,৫৮৪ লানখি। চাওরাক্না শরুক ৩.৫থোক্না থবকশিং অসি তৌখ্রে অমসুং হৌজিক ফাওবদা ওভরব্রিদজ অমসুং আন্দরব্রিদজ ৮,৯০০গী মথক্তা লৈখ্রে।

শ্রী অমিত শাহনা হায় মদুদি নিং-খা তম্লবা চহি ৭০গী মতুং অসি ফাওবা খুঙ্গং ২০,০০০ হেন্না মৈ ফংদনা লৈরম্মী, চহি অনিগী মনুংদা প্রধান মন্ত্রী শ্রী নরেন্দ্র মোদীনা ইন্দিয়াদা লৈরিবা খুঙ্গং পুন্বা ২০১৭গী মনুংদা মপুং ফানা মৈ ফংহনখি। মীওই করোর ৬০রোম মশাগী একাউন্ত লৈরমদে। অদুবু ঙসিদি ঐহাক্না চাওথোক্না হায়বা ঙম্মী মদুদি প্রধান মন্ত্রী শ্রী নরেন্দ্র মোদীনা ইন্দিয়াদা লৈরিবা খুঙ্গংগী য়ুম খুদিংগী একাউন্ত অমমম পীবা ঙমখ্রে। মীশিং করোর ৩০ রোম অমসুং ইমুং করোর ১০রোম য়ুম লৈতবগী অৱাবা থেংনরম্মী। ঙসিদি হাওশিং প্রোজেক্তকী থৌজালনা খুঙ্গং অমসুং সহরগী মফমশিংদা,  ঐহাক্না য়াম্না থাজনা হায়বা ঙম্মী মদুদি ২০২২গী ওগস্তকী ১৫ ফাওবদা প্রধান মন্ত্রী শ্রী নরেন্দ্র মোদী সরকারনা লৈবাক অসিদা লৈরিবা মীপুম খুদিংদা য়ুম পীরগনি। য়ুনিয়ন হোম মিনিস্তরনা হায় মদুদি করিগুম্বা লায়রবা ইমুং অমদা নারক্লবা, মতৌ করম্না লায়েংনবা অচৌবা শেনফম পুথোক্কনি। অদুবু প্রধান মন্ত্রী শ্রী নরেন্দ্র মোদী সরকারনা লৈবাক অসিদা আয়ুশমান ভারত স্কীম  অসিনা লায়ররবা মীওই করোর ৬০রোম লায়েংনবা লুপা লাখ ৫ ফাওবা লেম্না পীরি।    

য়ুনিয়ন হোম মিনিস্তরনা হায় মদুদি গুজরাত অসিনা ইন্দিয়াদা স্কীমগী কান্নবা অসি খ্বায়দগী য়াম্না ফংই। মসিগী মরুওইবা মরমদি য়াম্না থুনা ফিরেপ লৌবা অমসুং মসিবু শিজিন্নবা অসিনি। মখল কয়াগী ইনফ্রাস্ত্রকচর কয়া অমা গুজরাত্তা ফজনা পাংথোক্লি। হন্দক্তা প্রধান মন্ত্রী শ্রী নরেন্দ্র মোদীনা সুরত মেত্রো অমসুং অহমেদবাদ মেত্রো ফেজ-২গী থবক হৌখ্রে। অতোপ্পা থবকশিং হায়বদি বি.আর.তি.এস. প্রোজেক্ত অসিবুসু অহমেদবাদতা অঙকপা ফংনা ফজনা পাংথোক্লি। থক্নবা ঈশিং, লম্বী শম্নবা, পুং ২৪ মৈ থাবা অমসুং লৌমীদা মৈ পীবা পুম্নমক অসি গুজরাত্তা ফজনা পাংথোক্লি। মসিনা মরম ওইদুনা মোদী সরকারনা চহি তরুক অসিদা থবকশিং অসি ফজনা পাংথোক্লি।

শ্রী অমিত শাহনা হায় মদুদি কোরোনানা মরম ওইদুনা মালেম পুম্বদা ইকোনোমিদা ইন্দিয়া য়াওনা থিন্থহল্লি, অদুবু ইন্দিয়াগী ইকোনোমি অসি য়াম্না থুনা চাওখৎলক্লি। খ্বায়দগী নৌনা ফংবা দেতাগী মতুং ইন্না, মমাং থাগী মৈ শিজিন্নবা অসি, হায়রিবা অসি ইকোনোমী চাওখৎপদা য়াম্না মরুওইবা অমা ওইরিবা অসি, মতম পুম্বা ৱাংনা ফংহনখি। মসিনা তাকপদি ইকোনোমি অসি অমুক হন্না চাওখৎলে তাকপনি। মালেমদা খ্বায়দগী চাওবা ভেক্সিন্নেসনগী থৌরম অসি শ্রী নরেন্দ্র মোদীনা হৌদোকখি। মসিসু গুজরাত্তা ফজনা চংশিল্লি। মসি লোইশিল্লকপদা, ঐখোয়না লৈবাক অসিগী চাওখৎপা অসি কোবিদকী লায়চৎ অসি মায় পাক্তুনা মপুং ফাবা ঙমগনি।

*****