نئی دہلی،21؍جنوری، خواتین اور بچوں کی بہبود کی وزارت(ڈبلیو سی ڈی) میں سکریٹری جناب رام موہن مشرا نے  آج صفائی ستھرائی کی وزارت اور بچوں کی بہبود کی وزارت کے زیر اہتمام حیض سے متعلق صفائی ستھرائی پر ایک ویبنار کی صدارت کی۔ ڈبلیو سی ڈی، 21 جنوری  سے 26 جنوری  2021  تک بچیوں کے قومی ہفتے کے حصے کے طور پر بچیوں، جوان لڑکیوں اور خواتین سے متعلق امور پر سلسلے وار ویبنار کا انعقاد  کر رہی ہے۔

اس موقع پر اظہار خیال کرتے ہوئے جناب مشرا نے کہا کہ لڑکیوں کے ایّام ماہواری اور اس سے متعلق دیگر مسائل کے دوران لڑکیوں کے ساتھ کھڑے ہونے کے لئے برادری کو جوش  دلانے کی غرض سے لگا تار  کوششیں کرنے کی ضرورت ہے۔  ماہواری  سے متعلق سماجی  وثقافتی نازک پہلوؤں کا حوالہ دیتے ہوئے سکریٹری نے کہا کہ لوگوں کو  اس بارے میں با خبر کرنے، بیداری پیدا کرنے اور ماہواری سے وابستہ روایتی قصوں اور فرضی حکایتوں کے ازالے کے لئے بین ریاستی اختلاط کے ایک مضبوط نظام قائم کرنے کی ضرورت ہے۔ انہوں نے  کہا کہ  اس عضویاتی عمل، جو کہ قدرتی ہے، کے بارے میں  ہر ایک میں احساس پیدا کرنے کی غرض سے تعلیمی اور  پنچایتی اداروں، صحت سے متعلق کارکنوں، ماؤں ، رشتے داروں اور متعلقہ گروپوں کے کردار کی بہت اہمیت ہے۔ انہوں نے تمام  متعلقہ فریقوں پر  زور دیا کہ وہ لڑکیوں کو تعلیم، علم، معلومات اور جذباتی حمایت کے ساتھ انہیں با اختیار بنانے کے اس سفر میں تعاون کریں۔

سینٹر فور کمیونٹی میدیسین، ایمس میں ایڈیشنل پروفیسر ڈاکٹر سمت ملہوترہ نے اس موقع پر کلیدی خطاب کیا۔ انہوں نے ایّام ماہواری کے دوران صحت اور صفائی ستھرائی  کے بندوبست پر ایک بہت معلوماتی لیکچر دیا اور ماہواری کے مختلف پہلوؤں پر ایک تفصیلی پریزنٹیشن دیا۔ تلنگانہ، میگھالیہ، منی پور، ناگالینڈ اور گجرات سمیت ریاستوں اور مرکز کے زیر انتظام علاقوں سے آئے شرکاء نے اس ویبنار میں حصہ لیا۔ ان کے علاوہ صحت اور خاندانی بہبود اور ڈبلیو سی ڈی کی وزارتوں کے سینئر عہدیداروں نے بھی اس ویبنار میں شرکت کی۔

۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-ج ق- ق ر)

U-690