কেমিকেল্স অমসুং ফর্তিলাইজর মন্ত্রালয়
কেমিকেল অমসুং ফর্তিলাইজরগী কেন্দ্র মন্ত্রীনা আর.এফ.সি.এল.গী প্রোজেক্তশিংগী হৌজক্কী ওইরিবা ফিভমশিং য়েংশিনখ্রে
Posted On:
21 JAN 2021 5:49PM by PIB Imphal
কেমিকেল অমসুং ফর্তিলাইজরগী কেন্দ্র মন্ত্রী, শ্রী দি.ভি. সদানন্দ গৌদানা হৌজিক শেমগৎলিবা রামাগুন্দম ফর্তিলাইজরস অমসুং কেমিকেল লিমিতেদ (আর.এফ.সি.এল.)কী উরিয়া প্লান্তকী হৌজিক্কী ওইরিবা ফিভমশিং অসি শ্রী নিরলেপ সিংহ, সি.ই.ও., আর.এফ.সি.এল.গা লোয়ননা ঙসি ফম্মিন্নবা মীফম অমদা য়েংশিনখ্রে। ঙসিগী মীফম অসিদা ফর্তিলাইজরগী সেক্রেতরী, শ্রী আর.কে. চতুর্বেদী, এদিস্নেল সেক্রেতরী, শ্রী ধরম পাল অমসুং অতোপ্পা সেনিয়র ওফিসরশিংনা শরুক য়াখি।
তেলঙ্গানাগী রামাগুন্দমদা পায়খৎলিবা আর.এফ.সি.এল.গী হৌজিক্কী ওইরিবা ফিভম অসিদা মন্ত্রীনা অপেনবা ফোংদোকখি। প্রোজেক্ত অসি ৯৯.৮৫%গী চাংদা লোইশিল্লে অমসুং লৈবাক্কী মফমদা অথুবা মতমদা শিন্নরগনি। আর.এফ.সি.এল.গী প্রোজেক্ত অসিনা হেক লোইবগা লৈবাক অসিগী য়ুরিয়া পুথোকপগী চাংবু লাখ এম.তি. ১২.৭তা হেনগৎহল্লগনি অমসুং মসিনা প্রধান মন্ত্রী, শ্রী নরেন্দ্র মোদীনা য়ুরিয়া পুথোকপদা ৱাত্ত-পাদবা হায়বা মঙলান অসিবু মঙফাওনবগী খোঙ্কাপ অমা থাংজিনবা ওইরগনি।
আর.এফ.সি.এল.গী সি.ই.ও., শ্রী নিরলেপ সিংহনা মীফম অসিদা প্রোজেক্ত অসিবু থবক ওইনা পাংথোকপা ঙম্নবা থবকশিংগী মতাংদা শম্লপ্না পাউদমখি অমসুং প্রোজেক্ত অসি অথুবা মতমদা লৈবাক্তা শিন্নবা য়ারগনি হায়বগী থাজবসু ফোংদোকখি।
প্রোজেক্ত অসিগী উরেপ-উয়ুং অসি প্রধান মন্ত্রী, শ্রী নরেন্দ্র মোদীনা তেলঙ্গানাদা ওগস্ত ৭, ২০১৬তা তমখিবনি। রামাগুন্দম ফর্তিলাইজর অমসুং কেমিকেল লিমিতেদ (আর.এফ.সি.এল.) অসি তেলঙ্গানাগী রামাগুন্দমদা লৈবা চহিদা য়ুরিয়া লাখ এম.তি. ১২.৭ পুথোকপা ঙমগদবা হৌজিক-হৌজিক শেম শারিবা য়ুনিৎ অমনি। মসি নেস্নেল ফর্তিলাইজর লিমিতেদ (এন.এফ.এল.), ইঞ্জিন্যর্স ইন্দিয়া লিমিতেদ (ই.আই.এল.), ফর্তিলাইজর কোর্পোরেসন ওফ ইন্দিয়া লিমিতেদ (এফ.সি.আই.এল.), তেলঙ্গানা সরকার, জি.এ.আই.এল. (ইন্দিয়া) লিমিতেদ অমসুং ঐচ.তি.এ.এস. কন্সোর্তিয়ম্না পুন্না পায়খৎমিন্নবা খোঙথাং অমনি। আর.এফ.সি.এল.গী প্রোজেক্ত অসিনা হেক লোইশিনবগা ভারতনা মীরমদগী পুশিল্লকপা য়ুরিয়াদা মীপান তাঙলিবা অসি হন্থহনগনি অমসুং মসিনা হকথেংননা অমসুং নাকোইননা থবক কয়া অমসু পীগনি।
******
(Release ID: 1690990)
Visitor Counter : 125