রোদ ত্রান্সপোর্ত অমসুং হায়ৱেজকী য়ুনিয়ন মিনিস্তর শ্রী নিতিন গাদকারীনা ২০২৫কী চহিদা লম্বীগী এক্সিদেন্ত অসি তঙখাই অমা হন্থনবা পুক্নিং চিংশিনখ্রে। মহাক্না ৱাফমশিং ফোংদোকখি মদুদি লম্বীদা অশোক অপন নংদনবা পাওজেল পীনবা লম্বী শেম্বগী মরী লৈনবা মখল কয়াগী এজেন্সিশিং মিনিস্ত্রী, এন.ঐচ.এ.আই., পি.দবল্যু.দি.শিং অসি নুমিৎ হুম্নি শোইদনা ত্রেনিং লৈগদবনি। ১৯শুবা নেস্নেল রোদ শেফতী কাউন্সিল (এন.আর.এস.সি.)গী মিতিংদা ঙরাং মিনিস্তরনা হায় মদুদি এক্সিদেন্ত হন্থহনবা অসি তপ্না তৌগদবা নত্তে, থৌবু খুদিংনা মসি খ্বায়দগী মরু ওইবা অমসুং খুদক্তা থবক ওন্থোক্কদবনি।মহাক্না স্বীদেনগী খুদম পীরদুনা লম্বীগী এক্সিদেন্ততা জেরো তোলেরেন্স লৈখিবা অসি পল্লি। মসিদা আন্ধ্র প্রদেশ অমসুং বিহার স্তেতকী ত্রান্সপোর্ত মিনিস্তরশিং অমসুং দি.জি.পি.শিং অমসুং মখোয়গী মীহুৎশিং, অতোপ্পা ওফিসিএল কয়া অমা অমসুং নন-ওফিসিএল কয়া অমা য়াওরি।    

মিনিস্তরনা হায় মদুদি ইন্দিয়ানা নুমিৎ খুদিংগী কিলোমিতর ৩০ লম্বী শেমগৎলি মসিনা লায়চৎ মনুং অসিদা য়াম্না চাওনা মায় পাকপা অমা ওইরি। মহাক্না স্তেত সরকারদা মীয়াম্বু লম্বীদা শোই-ঙামদনা চৎনবগী পুক্নিং থৌগৎনবা হায়খি হায়রিবা অসিদা এন.জি.ও.শিংনা য়াওশিনবিরবদি হেন্না কান্নবা পুরক্কনি। মহাক্না সোসিএল মেদিয়ানা য়াম্না চাওবা পাওজেল অমসুং লম্বীদা শোই-ঙামদনা চৎনবগী তাকপদা য়াওহন্নিংবগী অপাম্বা ফোংদোকখি।

রোদ ত্রান্সপোর্ত অমসুং হায়ৱেজকী য়ুনিয়ন মিনিস্ত্রীনা নেস্নেল রোদ শেফতী কাউন্সিল অমা শেমদুনা মরী লৈনবা থৌরাংশিং অমসুং পোলিসিশিং, মওং তাবা অমসুং শোই ঙামদবা রোদ ত্রান্সপোর্ত সিস্তেম অসিদা পাওতাক পীনবা, রোদ সেফতি অসিদা শিজিন্নবা অমসুং য়েংশিন্নবা স্তেত রোদ সেফতী ওর্গানাইজেসন লৈরি, রিসর্স অমসুং দিবলপমেন্তগী মফমশিং, রোদ এক্সিদেন্তকী স্তেতেতিক্স য়াওনা অমসুং মখোয়দী এনালাইসিস, ময়াম পুম্বগী ওইনা য়েংনবা সেন্ত্রেলগী থাক য়ৌনা, অমসুং স্তেত অ্মসুং য়ু.তি.শিং অসিনা য়েংশিনবা অসিনি।

শ্রী ভিবেক কিশোর, দাইরেক্তর (রোদ সেফতী), রোদ ত্রান্সপোর্ত অমসুং হায়ৱেজকী য়ুনিয়ন মিনিস্ত্রীনা মহাক্কী প্রজেন্তেসন উৎপদা ব্লেক স্পোত রেক্তিফিকেসন প্রোসেদ্যুরগী মরমদা ৱা ঙাংখি অমসুং নেস্নেল হায়ৱে শেমদোকপগী ফিবম অসিশু হায়খি। রোদ ত্রান্সপোর্ত অমসুং হায়ৱেজকী য়ুনিয়ন মিনিস্ত্রীনা মখল কয়াগী খোঙথাং কয়া অমা এক্সিদেন্ত অমসুং অশি-অনা অসি হন্থনবা লৌখৎলি। মিনিস্ত্রী অসিগী স্কীমশিং অমসুং মোতোর ভেহিকল (এমেন্দমেন্ত) এক্ত ২০১৯ অসি মপাঙ্গল কন্নবা দাইরেক্তর মশানা শন্দোক্না তাকখি। অপিকপা প্রজেন্তেসন অমা ইন্তেগ্রেতেৎ রোদ এক্সিদেন্ত দেতা বেজ (আই.আর.এ.দি.)গী থবকক্তা দিবলপমেন্ত অমসুং ইমপ্লিমেন্তেসন অসিদা আই.আই.তি, মদ্রাস অমসুং এন.আই.সি.আই. না সেন্ত্রেল রেপোসিতরি অমা রোদ এক্সিদেন্তগী দেতা রিপোর্ত, মেনেজমেন্ত অমসুং এনালাইসিসকীদমক লৈরি।

বিহারগী ত্রান্সপোর্ত মিনিস্তরনা স্তেতনা লৌখৎলিবা খোঙথাং মদুদি “সনয়ুক্ত জনচ দল” (য়ুনিফাইদ ইনভেস্তিগেসন এজেন্সি) অসি রোদ সেফতি ওদিতকীদমক, ওতোমেতেৎ দ্রাইবিং ত্রেন্নিং সেন্তর, হোস্পিতাল ৪০ অসিশু ত্রাওমা সেন্তরদা হাংদোক্লে অমসুং মীওই ৪৩৪ অমসু অফবা সামারিতান হায়না এৱার্দ পীখি।

স্তেত-আর.তি. অমসুং ঐচ.গী মিনিস্তর জেন, (রিতদ.) দাঃ ভি. কে. সিংহনা স্তেতশিংদা মখোয়না ঙম্বা থাক্তা মখল কয়াগী খোঙথাং লৌখৎনবা হায়খি। মহাক্না এন.আর.এস.সি.গী মেম্বরশিদা  থাজবা পীখি মদুদি মখোয়না পীরক্লিবা অপাম্বশিং অসি য়েংশিনগনি অমসুং লৌখৎপা য়াবশিং মতাং চানা লৌখৎকনি।

***