য়ুনিয়ন হোম মিনিস্তর শ্রী অমিত শাহনা, ঙসি নই দিল্লীগী দিল্লী পুলিস হেদক্বাচর চৎপদা দিল্লী পুলিশকী থৌনা লৈরবা মখোয়না মশাগী পুন্সিবু লৈবাক্কী অমসুং সমাজগী য়াইফনবগীদমক কত্থোকখ্রবা কোরোনাগী লান্মীশিংদা ইকাই খুম্নবা উৎখ্রে। থৌরম অসিদা , দিল্লী পুলিশকী কোরোনাগী লান্মীশিং ইকাই খুম্নবা উৎখ্রে অমসুং মখোয়গী মপা লৈত্রবা থবকশিং অসিগীদমক রেঙ্কশিং পীখ্রে। অতেনবা ফিল্ম ‘২০২০ কা সফর’ অমসুং ‘বিজয়াপাথ – কাহানি খাকি য়াদোন কি’ থৌরম অসিদা উৎখি। হোম এফিয়র্সকী য়ুনিয়ন মিনিস্তর ওফ স্তেত, শ্রী জি. কিশান রেদি, য়ুনিয়ন হোম সেক্রেতরী শ্রী অজয় কুমার ভাল্লা, ইন্তিলিজেন্স ব্যুরোগী দাইরেক্তর, শ্রী আর্ভিন কুমার অমসুং দিল্লী পুলিস কম্মিস্নর শ্রী এস.এন. শ্রীবাস্তাবা অমসুং হোম এফিয়র্সকী য়ুনিয়ন মিনিস্ত্রীগী মকোক থোংবা ওফিসরশিং অমসুং দিল্লী পুলিসনা থৌরম অসিদা শরুক য়াখি।

মহাক্না ৱা ঙাংবদা, য়ুনিয়ন মিনিস্তরনা হায় মদুদি ২০২০ অসি অৱাবা কয়া অমা মাইয়োক্নখি অদুবু দিল্লী পুলিশনা থেংনরিবা অৱাবাশিং অসি য়াম্না ফজনা মাইয়োক্নখি। মসি অৱাং নোংপোক দিল্লীগী রাইওত ওইগেরা নত্ত্রগা  লোকদাউন্দ, অনলোক নত্ত্রগা কোইনা চৎপা থবক শুবা মী ওইগেরা নত্ত্রগা লৌমীগী পেন্দবা ফোংদোকপা ওইগেরা, দিল্লী পুলিশনা মফম খুদিংদা থেংনরি। দিল্লী পুলিসনা কোরোনাগী লায়চৎ অসিদা তৌরিবা থবকশিং অসি থাগৎপা ফোংদোক্তুনা শ্রী অমিত শাহ হায় মদুদি ফোর্সশিং অসিনা লোকদাউন্দ মনুংদা, দ্রোন্দগী কুপ্না য়েংশিনবা, অহল ওইরবশিংদা হিদাক পীবা, থবক শুরিবশিংবু চানবা য়েনবা অমসুং মীরোনবীশিং হোস্পিতাল য়ৌনা থীনবা অসিনচিংবা তৌখি।    

লায়চৎ অসিগী মনুংদা, পুলিসমেন ৭,৬৬৭ অমা কোরোনা মহিক্না নাখি অমসুং কোরোনা লান্মী ৩০ মথ্বায় থাখি, অদুবু দিল্লী পুলিসনা কৈদৌনুংদা হনবা লৈখিদে। মহাক্না থম্মোয় শেংনা দিল্লী পুলিসপু থাগৎপা ফোংদোক্তনা হায় মদুদি মখোয়গী কন্না হোৎনরিবা অসি হিস্ত্রীদা সনাগী ময়েক্না ইদুনা লৈহৌরগনি। শ্রী অমিত শাহনা হায় মদুদি মালেমগী খ্বায়গদী চাওবা ভেক্সিন্নেসনগী থৌরম অসি প্রধান মন্ত্রী শ্রী নরেন্দ্র মোদীগী লুচিং মখাদা হৌদোকখ্রে অমসুং ঐখোয়না থেংনরিবা অৱাবা অসি মীওইবা জাতিনা মপুং ফানা কোরোনা অসিগী মথক্তা মায় পাক্লবা মতমদা ওইগনি

দিল্লী পুলিশপু ২০২২দা চহি ৭৫ শুবা ইন্দিয়াগী ইন্দিপেন্দেন্সতা মখোয়গী পান্দম থম্নবা কৌরি। পুলিস স্তেসন পুম্বা অমসুং পুলিস পর্সোন্নেল পুম্বা, কন্সতেবলদগীনা পুলিস কম্মিস্নর ফাওবা, মখোয়গী ২০২২গী পান্দম শেমগদবনি। মহাক্না হায় মদুদি পুলিস পর্সোন্নেল পুম্বা পান্দম মঙা শেমগদবনি অমসুং ফিরেপ অসি মশানা লৌজগনি অমসুং মশানা য়েংশিনজগনি। মসিনা খ্বায়দগী চাওবা খুমাং চাওশিনবা অমা ওইরগনি অমসুং দিল্লী পুলিশনা চাওখৎপা পুরকপদা কনাগুম্বা অমত্তনা অথিংবা পীবা ঙম্লোই অমসুং কোনুং অসিগী অৱাবাশিং অসি কোকহনবদা করিগুমন্বা মীওই করোর ১৩০না ফিরেপ অসি লৌরবা, অদু ওইরবদি লৈবাক অসি চাওখৎপদা অচৌবা খোঙথাং অমা ওইরগনি ।

শ্রী অমিত শাহ না হায় মদুদি নেস্নেল ফোরেন্সিক সাইন্স য়ুনিভর্সিতি অমসুং দিল্লী পুলিসকা য়াম্না মরুওইবা এম.ও.য়ু. অমা সহি তৌনখ্রে। নেস্নেল ফোরেন্সিক সাইন্স য়ুনিভর্সিতি অসি শ্রী নরেন্দ্র মোদীনা গুজরাতকী মুখ্য মন্ত্রী ওইরিঙৈ মতমদা লিংখৎখিবনি। গুজরাত্তা মালেমগী ওইনা অহানবা ফোরেন্সিক সাইন্স য়ুনিভর্সিতি অমা থম্বা অসি প্রধান মন্ত্রীগী য়াম্না আশা লৈবা মংলান অমনি। শ্রী অমিত শাহ না হায় মদুদি ক্রাইম নমথবা অসি ক্রীমিনেল অসিবু ফা-পুনবা খক্তা নত্তে, মখোয় অসি অহকপা চৈরাক অমা পীগদবনি হায়রিবা অসি ফোরেন্সিক অমসুং সাইন্তিফিক ওইবা খুদম অমা কোর্তকী মমাংদা পুথোক্লবা মতমদা পীবী ঙমগনি। শ্রী অমিত শাহ না হায় মদুদি মহাক্না স্তেত কয়াগী মুখ্য মন্ত্রীশিংগা ৱারি শান্নরে  অমসুং মখোয়না নেস্নেল ফোরেন্সিক সাইন্স য়ুনিভর্সিতি অসিদা এফিলেৎ তৌবা কোলেজ হাংনিংবগা অপাম্বা ফোংদোরকখি।

শ্রী অমিত শাহনা হায় মদুদি খুমাং চাওশিনবা ফ্রেমৱার্ক অমা শেম্বনা দিল্লীগী মফমশিং অসিদা শাফগনি।মহাক্না হায় মদুদি মালেমগী থাক্তা লৈবা দিল্লী পুলিশকী দেতা সেন্তর অসি দিল্লীদা থমগদৌরিবা কেমেরা ১৫,০০০গা শম্নগনি অমসুং কেমেরাশিং অসিনা ক্রাইম হন্থহনবদা হকথেংননা মতেং পাংগনি। লাক্কদৌরিবা নুমিৎশিংদা রেলৱেদা থম্লিবা কেমেরাশিং অসি দেতা সেন্তরগা শম্নহল্লগনি।মসিনা দিল্লী অসি সেফ ওইবা সিতি অমনি হায়বা খুদম অমা ওইরগনি।

য়ুনিয়ন হোম মিনিস্তরনা হায় মদুদি দিল্লী পুলিসনা থা অহুম অসিদা মাংখিবা অঙাং ৫৫ মমা-মপাদা শিন্নদুনা থাগৎপা য়াবা থবক কয়া অমা তৌখ্রে। শ্রী শাহনা হায় মদুদি লো অমসুং ওর্দর অসি স্তেতশিংদা ফরবা মতমদা চাওখৎপা অমা পুরক্কনি। ইচম চম্বা কন্সতেবল অমসু পুম্নমক অসিগী মরুওইহনি হায়বা অসি ৱাখলদা থমগদবনি। মহাক্না হায় মদুদি পুলিসকী য়াইফনবা চেকশিন থৌরাং কয়া অমশু পায়খৎলি। পুলিসগী য়াইফনবা চেকশিন থৌরাংশিংশু লৌখৎলি। হোৎনরিবা অসিনা হাওশিংগী অপেনবা অসি রেসিওদা ১৯%দগী ৪০% ফাওবা পায়খৎলি। পুলিসনা মখোয়গী পর্সোন্নেলগী য়ুম ৭০০ অমশু শাগৎৃলি। লুপা করোর ৪৬৭ চংগদবা এম.আই.জি. ফ্লেত ৫০০ অমসু অয়াবা পীরে।

 ফংসন অসিগী মতুংদা, য়ুনিয়ন হোম মিনিস্তর শ্রী অমিত শাহনা দিল্লী পুলিশ কম্মিস্নর শ্রী এস.এন. শ্রীবাস্তবা  লোয়ননা দিল্লী পুলিশকী থবকশিং হন্না য়েংশিনখি অমসুং মপাঙ্গল কনখৎনবা তঙাইফদবা পীখি। মসিগী মথক্তা য়ুনিয়ন হোম মিনিস্তর শ্রী অমিত শাহনা দিল্লীদা ক্রাইমগী থৌদোকশিংগী অপুনবা য়েংশিনখি অমসুং চেখশিন্নবা পাওতাক পীখি।   

*****