কনস্ত্রক্সন অমসুং দেমোলিসনগী থবক-থৌরমশিংদগী থোরকপা উফুল অমসুং মরী লৈনবা এয়র পোলুসন হন্থহন্নবা মীৎয়েংগা লোইননা দিল্লী-এন.সি.আর. অমসুং থংনবা মফমশিংগী কম্মিসন ফোর এয়র ক্বালিতী মেনেজমেন্ত (সি.এ.ক্যু.এম.)না সেন্ত্রেল পোলুসন কন্ত্রোল বোর্দ, হরিয়ানা, রাজস্থান, উত্তর প্রদেশকীগ স্তেৎ পোলুসন কন্ত্রোল বোর্দশিং অমসুং দিল্লী পোলুসন কন্ত্রোল কম্মিতিদা স্পেসিএল তীমশিং শেম্নবা অমসুং এন.সি.আর.দা পাঙথোক্লিবা কনস্ত্রক্সন অমসুং দেমোলিসনগী থবক-থৌরমশিংগা মরী লৈনবা প্রোজেক্তকী মফমশিং অমসুং মচাক মথুমশিং পুথোক-পুশিন তৌরিবা অসিদা ইনস্পেক্সন দ্রাইভশিং চত্থনবা য়াথং পীখ্রে।

এজেন্সীশিং অসি ৩১.১২.২০২০দগী ১৫.০১.২০২১ ফাওবা সি এন্দ দি সাইৎ ১৬০০ হেনবদা তীম ১৭৪রোম শাদুনা ইন্সপেক্সনশিং পাঙথোকখ্রে মসিদা সাইৎ ১১৯দি এনভাইর্নমেন্ত, ফোরেস্ত এন্দ ক্লাইমেৎ চেঞ্জ মন্ত্রালয় অমসুং সেন্ত্রেল পোলুসন কন্ত্রোল বোর্দনা পীবা তোঙান তোঙানবা সি এন্দ দি ৱেস্ত মেনেজমেন্ত রুলশিং/গাইদলাইনশিং ঙাক্লমদবা থেংনখি। মফম ২৭তা থবক লেপ্নবা ওর্দরশিং পীখিবগী মথক্তা এনভাইর্নমেন্ত কম্পেন্সেসন চার্জ ওইনা চাউরাক্না লুপা লাখ ৫১গী শেনফম থিহনখ্রে।

ইন্সপেক্তিং তীমশিংনা সি এন্দ দিগী থবক-থৌরমশিংগা মরী লৈননা মচাক মথুম পুথোক পুশিন তৌবগা মরী লৈননা কম্পাইয়েন্স ঙাক্না চৎপরা য়েংশিনখ্রে। সি এন্দ দিগী মচাক মথুম পুথোক পুশিন তৌবগা মরী লৈনবা গাইদলাইনশিং ঙাক্তবা গারী ৫৬৩দা চাউরাক্না লুপা লাখ ২৫গী এনভাইর্নমেন্ত কম্পেন্সেসন চার্জ থিহনখ্রে।

লমদম অসিগী এয়র ক্বালিতী চাং ৱাংনা ফত্তনবা মরম ওইরিবা সি এন্দ দি সেক্তরদগী দস্ত পোলুসন থোকবা হন্থহন্নবা সি এন্দ দি ৱেস্ত মেনেজমেন্ত রুলশিং অমসুং মরী লৈনবা গাইদলাইনশিং ঙাক্না চৎহন্নবা সি.এ.ক্যু.এম.না স্তেৎ পোলুসন বোর্দশিংদা অসিগুম্বা খুদক্কী দ্রাইভশিং অসি মখা তানা পাঙথোক্নবা  হায়খ্রে।

***