ত্রাইবেল এফিয়র্স মন্ত্রালয়
ত্রাইফেদনা মধ্য প্রদেশতা ত্রাইফুদ পার্কশিং হৌদোক্নবগীদমক অখিল ভার্তিয় ৱনৱাসি কল্যান আশ্রমগা এম.ও য়ু. অমা খুৎয়েক পীনখ্রে
Posted On:
04 JAN 2021 5:48PM by PIB Imphal
ত্রাইবলশিংগী (উমংদা লৈবশিং অমসুং আর্তিসানশিং অনিমক) হিংননবগী লম্বি হেনগৎহনবগী মিশনগী থবক মখা চৎথবা ওইনা অমসুং ত্রাইবলশিংবু থৌনা পীবা ওইনা ত্রাইবল অফেয়র্স মন্ত্রালয়গী মনুং চন্না ত্রাইফেদনা মখল-মখলগী খুদোংচাবশিংগী কান্নবা ফংনবা অমসুং অখিল ভার্তিয় ৱনৱাসি কল্যান কেন্দ্রগা লোইননা থবক পাংথোক্নবা খন্নখ্রে। অখিল ভার্তিয় ৱনৱাসি কল্যান কেন্দ্র অসি চহি ১৯৫২দগী মধ্য প্রদেস, ছত্তিসগর অমসুং ঝারখন্দদাত্রাইবলশিংগী য়াইফনবগীদমক্তা থবক কয়া পাংথোক্তুনা লাক্লিবা ওর্গনাইজেশন অমনি। মসিগা মরী লৈননা, মধ্য প্রদেসকী জিলা ৫দা ত্রাইফুদ পার্ক হাংনবগীদমক খুশম্নদুনা থবক তৌনবা ২০২১গী জনুৱারীগী তাং ৩দা ওর্গনাইজেসন অনিসিগী মরাক্তা এম.ও.য়ু. অমা খুৎয়েক পীনখ্রে। এম.ও.য়ু. অসি ত্রাইফেদকী এম.দি., শ্রী প্রবির কৃষ্ণা অমসুং অখিল ভার্তিয় ৱনৱাসি কল্যান কেন্দ্রগী জেনরেল সেক্রেতরী, শ্রী য়োগেশ বাপতনা মধ্য প্রদেসকী বেতুলগী এম.পী., শ্রী দুর্গা দাস উইকেগী মমাংদা খুৎয়েক পীনখি।
থৌরম অসিদা ৱা ঙাংবদা শ্রী প্রবির কৃষ্ণানা হায়খি মদুদি ত্রাইবলশিংগী হিংনবগী লম্বি হেন্না ফগৎহন্নবগীদমক্তা ওইবা ঐখোয়গী মিশন অসিবু লেপ্তনা চৎথবা ঙম্নবা ত্রাইফেদনা থৱাই য়াওনা ৱাখল চান্নবা ওর্গনাইজেসনশিংগা পুনশিন্নবা কন্না হোৎনরকখি। মহাক্না হায়খি ৱনৱাসি কল্যান আশ্রমগা খুৎশম্নদুনা ত্রাইবলশিংবু চহি চুপ্পা লৌউ-শিংউ, মনা-মশিং থাবা, লৈ থাবা, হিদাক শেম্বা য়াবা অমসুং মনম নুংশিবা পাম্বি থাবনচিংবা শেল থোক্কদবা থবক কয়া অমা তৌহন্দুনা মখোয়গীদমক চহি চুপ্পগী শেল তানবগী লম্বি পুথোকপীরি। মসিনা মখোয়বু উমংদগী পোত্থোক খজিক্তং পুথোক্লগা তানবা শেলগী মতেংনা হিংবগী ৱাংমদা খনবা ঙমলনি।
ত্রাইবলশিংগী শেনমীৎলোন হেনগৎহন্নবা অমসুং সেল্ফ হেল্প গ্রুপ (এস.ঐচ.জি) / ৱন ধন ৱিকাস কেন্দ্র (ৱি.দি.ৱি.কে.)শিং / ৱি.পী.সি.শিং / ত্রাইফুদ পার্ককী খুথাংদা ৱন ধন য়োজনা হৌদোকপগী পান্দমগা লোইননা ওর্গনাইজেশন অনি অসিনা খুৎশম্নদুনা তোঙান-তোঙানবা থবক-থৌরম কয়া পাইখৎলি। ময়ামবু শেন্নরিবা ওর্গনাইজেসন অমা ওইনা ত্রাইফেদকা য়ানবগী মতুং ইন্না ৱনৱাসি কল্যান আশ্রমশিংনা এস.ঐচ.জি.শিং, মফম মফমদা ত্রেনিং শিন্দুনা , ইনফ্রাস্ত্রকচর শেমগত্তুনা, মেছিন অমসুং খুচু-খুৎলাইশিং অমসুং অতৈ-অতোপ্পা তেংবাং কয়া পীদুনা ত্রাইবলশিংনা লৈবা মফমশিংদা অনৌবা ৱন ধন কেন্দ্রশিং শেম্লগনি। মসি নত্তবদা, কল্যান আশ্রম্না অতোপ্পা হিরমশিংদা খুদম ওইনা, লৌউ-শিংউ, মনা-মশিং থাবা, লৈ থাবা, ঙা য়োকপা, শা-শন লোইবা, ফি শাবা অমসুং খুৎনা পোৎচৈশিং শাবগী থবকপু চহি চুপ্পা তৌহন্নবগীদমক হোৎনগনি অমসুং ৱন ধন স্কীম অসিদা পুমনমক য়াওহন্নবা অমসুং ময়ামগী চাউখৎনবা হোৎনগনি।
*****
(Release ID: 1690118)
Visitor Counter : 135